கண்ணமங்கலம்

திருவண்ணாமலையிலிருந்து 64 கிமீ தொலைவில் உள்ள கண்ணமங்கலத்தில் தொடருந்து நிலையம் உள்ளது. இதன் கிழக்கே ஆரணி 16 கிமீ; மேற்கே சவ்வாது மலை 50 கிமீ; வடக்கே வேலூர் 22 கிமீ மற்றும் ஆற்காடு 32 கி.மீ தொலைவிலும், தெற்கே போளூர் 26 கிமி தொலைவில் உள்ளது. கடலூர் - திருவண்ணாமலை - வேலூர் - ‌‌‌‌‌‌‌சித்தூர் தேசிய நெடுஞ்சாலை மற்றும் விழுப்புரம் - ஆரணி - வேலூர் தேசிய நெடுஞ்சாலையில் இணைக்கும் இடத்தில் அமைந்துள்ள அழகிய நகரமாகும்.

4.80 சகிமீ பரப்பும் , 15 பேரூராட்சி மன்ற உறுப்பினரகளையும், 45 தெருக்களையும் கொண்ட இப்பேரூராட்சி ஆரணி (சட்டமன்றத் தொகுதி)க்கும், ஆரணி மக்களவைத் தொகுதிக்கும் உட்பட்டதாகும்.[2]

இந்நகரம் தேர்வு நிலை பேரூராட்சியாக தரம் உயர்த்தப்பட்டு இன்று வரை செயல்பட்டு வருகிறது. கண்ணமங்கலம் நகரம்,தமிழ்நாட்டில், திருவண்ணாமலை மாவட்டத்தில் உள்ள ஒரு தேர்வு நிலை பேரூராட்சியாகும். இந்த பேரூராட்சியில் மொத்தம் 15 வார்டுகள் உள்ளன. இந்த நகரை கண்ணமங்கலம் பேரூராட்சியின் நிர்வாகம் மூலம் தூய்மைப்படுத்துகிறது.

கண்ணமங்கலம்தில் பேருந்து வசதிகளை பொறுத்த வரை 24 மணி நேரமும் செயல்படும். வேலூரிலிருந்து, ஆரணி மற்றும் திருவண்ணாமலை வழியாக தென்மாவட்டங்களுக்கு செல்லும் பேருந்துகள் அனைத்தும் இங்கு நின்று செல்லும். அதுமட்டுமல்லாமல் ஆற்காடு,பூந்தமல்லி, வழியாக சென்னைக்கும்அதிக பேருந்து வசதிகளும் உள்ளன. கடலூர்,விழுப்புரம், செய்யாறு,சேத்துப்பட்டு, செஞ்சி,மேல்மலையனூர், வந்தவாசி,தேவிகாபுரம், படவேடு,செங்கம், போளூர்,திருப்பதி, குடியாத்தம், பெங்களூரு, சிதம்பரம், ஆத்தூர், கள்ளக்குறிச்சி,பண்ருட்டி, திருச்சி, மதுரை, புதுச்சேரி, மற்றும் அருகிலுள்ள அனைத்து கிராமங்களுக்கும் நகரப்பேருந்து வசதிகளும் உள்ளது.

2011-ஆம் ஆண்டு மக்கள் தொகை கணக்கெடுப்பின்படி இப்பேரூராட்சி 1,696 வீடுகளும், 7,399 பேராக மக்கள்தொகையும், கொண்டது. மேலும் இப்பேரூராட்சியின் எழுத்தறிவு வீதம் 83.68% அகும். பாலின விகிதம் 1,000 ஆண்களுக்கு, 1038 பெண்கள் வீதம் ஆக அமைகிறது.[3]

1. "District Census Handbook : Tiruvannamalai" (PDF). பார்த்த நாள் 21 June 2017.
2. கண்ணமங்கலம் பேரூராட்சியின் இணையதளம்
3. Kannamangalam Population Census 2011