சமுனாமரத்தூர்

இது சவ்வாது மலையில் இருக்கும் புகழ் பெற்ற நகராகும். மேலும் ஜவ்வாது மலையின் முக்கிய சந்தை பகுதியும் , மக்கள் கூடும் இடமும் ஆகும். அதுமட்டுமில்லாமல் மாவட்ட தலைமையிடமான திருவண்ணாமலையிலிருந்து 76 கிமீ தொலைவிலும், போளூரிலிருந்து 44 கிமீ தொலைவிலும், ஆரணியிலிருந்து 68 கிமீ தொலைவிலும், செங்கத்திலிருந்து 48 கிமீ தொலைவிலும், கலசப்பாக்கத்திலிருந்து 52 கிமீ தொலைவிலும், வேலூரிலிருந்து 83 கிமீ தொலைவிலும், திருப்பத்தூரிலிருந்து 53 கிமீ தொலைவிலும், வாணியம்பாடியிலிருந்து 40 கிமீ தொலைவிலும் அமைந்துள்ளது.

சமுனாமரத்தூரில் சாலை வசதிகள் பொறுத்த வரை மலைகளின் நடுவே வலை பின்னலாக அமைந்துள்ளது.

• சமுனாமரத்தூர் - அமிர்தி சாலை

• ஆரணி - போளூர் - சமுனாமரத்தூர் சாலை

• செங்கம் - சமுனாமரத்தூர் சாலை

• சமுனாமரத்தூர் - ஆலங்காயம் - வாணியம்பாடி சாலை

• திருப்பத்தூர் - ஆலங்காயம் - சமுனாமரத்தூர் சாலை

• சமுனாமரத்தூர் - ஆலங்காயம் - ஒடுகத்தூர் - அணைக்கட்டு - வேலூர் சாலை

ஆகிய முக்கிய சாலைகள் சமுனாமரத்தூர் நகரை இணைக்கிறது.

சமுனாமரத்தூர் நகரில் போக்குவரத்து நிர்வாக வசதிக்காக பேருந்து நிலையம் அமைக்கப்பட்டுள்ளது.

சென்னை, வேலூர், திருவண்ணாமலை, ஆரணி, திருப்பத்தூர், போளூர், ஆம்பூர், வாணியம்பாடி, செங்கம், கலசப்பாக்கம் ஆகிய நகரங்களில் இருந்து நேரடியாக பேருந்து சேவைகள் உள்ளது.

2001 ஆம் ஆண்டு கணக்கெடுப்பின்படி இங்கு 6,000 மக்கள் வாழ்கிறார்கள். மேலும் இது சவ்வாது மலை ஊராட்சி ஒன்றியத்தின் தலைமையகம் ஆகும்.