ஆக்சிசனேற்றி

• தாக்கத்தின் போது மற்றைய தாக்கியிடமிருந்து இலத்திரன்களை ஏற்றுக் கொண்டு ஒக்சியேற்றி தாழ்த்தப்படும் (ஒடுங்கும்).
• இலத்திரன்களை வழங்கி தான் ஒக்சியேற்றமடையும் தாக்கி ஒடுக்கி அல்லது தாழ்த்தியாகும்.
• ஒக்சியேற்றி செயற்படும் போது அதன் அணுக்களின் ஒக்சியேற்றும் எண் மாற்றமடையும்.
• தாக்கிகளின் ஒக்சியேற்றும் நிலை மாறுபடும் போதே ஒடுக்க-ஏற்ற வேதிவினைத் தாக்கம் நடைபெறும்.

மக்னீசியம் ஒக்சிசனோடு தாக்கமடைந்து மக்னீசியம் ஒக்சைட்டை உருவாக்கல்:

2Mg + O₂ → 2MgO

இங்கு தாக்கத்துக்கு முன்பு மக்னீசியத்தின் ஒக்சியேற்றும் எண்ணான 0 தாக்கத்தின் இறுதியில் 2+ ஆக மாற்றமடையும். ஒக்சிசனின் ஒக்சியேற்றல் எண் 0இலிருந்து 2- ஆக மாற்றமடைந்துள்ளது. இங்கு உண்மையில் இரு அரைத் தாக்கங்கள் நடைபெற்றுள்ளன.

1. ஒக்சியேற்றல் அரைத் தாக்கம்: 2Mg → 2Mg²⁺ + 4e⁻
2. தாழ்த்தல் அரைத் தாக்கம்: 2O₂ + 4e⁻ → 4O²⁻

இத்தாக்கத்தில் மக்னீசியம் தாழ்த்தியாகவும், ஒக்சிசன் ஒக்சியேற்றியாகவும் தொழிற்பட்டுள்ளன. இங்கு ஒக்சிசன் தாழ்த்தப்பட்டு, மக்னீசியம் ஒக்சியேற்றப்பட்டுள்ளது. ஒக்சியேற்றமடையும் போது மக்னீசியத்தின் ஒக்சியேற்றும் எண் அதிகரித்துள்ளதுடன், ஒக்சியேற்றியான ஒக்சிசனின் ஒக்சியேற்றும் எண் குறைவடைந்துள்ளது. எனினும் தாக்கிகளினதோ, விளைவுகளினதோ மொத்த ஒக்சியேற்றும் எண் 0 ஆகும்.

ஒரு தாக்கம் நடைபெறும் போது மாத்திரமே ஒரு வேதிப் பொருளை தாழ்த்தி என்றோ ஒக்சியேற்றி என்றோ பிரித்தறிய முடியும். எனினும் பின்வரும் பதார்த்தங்கள் பொதுவாக ஒடுக்க-ஏற்ற வேதிவினையின் போது ஒக்சியேற்றிகளாகச் செயற்படக் கூடியன. இவை தாக்கமடையாத போது ஒக்சியேற்றி என அழைக்கப்பட மாட்டா. அனைத்துத் தாக்கங்களிலும் இவை ஒக்சியேற்றும் என்றும் வரையறுக்க முடியாது. எனினும் பொதுவான அவதானங்களைக் கொண்டு இவை இவ்வாறு வகைப்படுத்தப்பட்டுள்ளன:

• ஆக்சிசன் (O₂)
• ஓசோன் (O₃)
• ஐதரசன் பரவொக்சைட்டும் (H₂O₂) வேறு அசேதன பரவொக்சைட்டுகள்
• ஃபுளோரின் (F₂), குளோரீன் (Cl₂), மற்றும் வேறு ஹலோஜன்கள்
• நைத்திரிக் அமிலம் (HNO₃) மற்றும் நைத்திரேற்றுச் சேர்மங்கள்
• சல்பூரிக் அமிலம் (H₂SO₄)
• பர ஒக்சி இருசல்பூரிக் அமிலம் (H₂S₂O₈)
• பரஒக்சி ஒற்றைச் சல்பூரிக் அமிலம் (H₂SO₅)
• குளோரைட்டு, குளோரேற்று, பரகுளோரேற்று மற்றும் இது போன்ற மற்றைய ஹேலோஜன்களின் சேர்மங்கள்
• ஹைப்போ குளோரைட்டுக்கள். உ-ம்: வெளிற்றும் தூளிலுள்ள சோடியம் ஹைப்போகுளோரைட்டு (NaClO).
• குரோமேற்று மற்றும் இருகுரோமேற்றுச் சேர்மங்கள்
• பரமங்கனேற்றுச் சேர்வைகள் உ-ம்: பொட்டாசியம் பரமங்கனேற்று
• சோடியம் பரபோரேற்று
• நைத்திரஸ் ஒக்சைடு (N₂O)
• வெள்ளி ஒக்சைடு (Ag₂O)
• ஒசுமியம் டெட்ரா ஒக்சைடு (OsO₄)

இரசாயன தாக்கத்தின் போது ஒக்சியேற்றி தாழ்த்தப்பட்டுக் குறைந்த ஒக்சியேற்றும் எண்ணுடைய (மறைப் பெறுமானம்) விளைவைத் தோற்றுவிக்கும். பொதுவான ஒக்சியேற்றிகள் தாழ்த்தியால் தாழ்த்தப்படும் போது கிடைக்கும் விளைவுகள்:

• ஒடுக்கி
• ஒடுக்க-ஏற்ற வேதிவினைகள்
• எலக்ட்ரான் கவர் திறன்
• அரிமாணம்
• மின்வேதியியல்