இந்தியப் பொதுத் தேர்தல், 1989

இத்தேர்தலின் போது இந்திய மக்களவையில் 533 தேர்ந்தெடுக்கப்பட்ட உறுப்பினர்களும் நேரடியாக நியமிக்கப்பட்ட இரு ஆங்கிலோ-இந்தியர்களும் இருந்தனர். முந்தைய தேர்தலில் எளிதாக வென்ற ராஜீவ் காந்தி தனது ஐந்தாண்டு ஆட்சி காலத்தில் மக்களின் கடும் அதிருப்தியை சம்பாத்திருந்தார். பஞ்சாப்பில் தொடர்ந்து நடந்துவந்த பிரிவினைப் போராட்டம், அயோத்தி சிக்கல், போபர்ஸ் ஊழல் போன்ற பிரச்சனைகளால் காங்கிரசின் செல்வாக்கு சரிந்திருந்தது. போபர்ஸ் தொடர்பாக ராஜீவ் காந்தியுடன் ஏற்பட்ட கருத்து வேறுபாட்டால் அவரது அமைச்சரவையில் இருந்து பதவி விலகிய வி. பி. சிங் புதிதாக ஜன மோர்ச்சா என்றொரு கட்சியை உருவாக்கினார். பின் அது முன்னாள் ஜனதா கட்சியின் வழித்தோன்றல் கட்சிகளுடன் இணைந்து ஜனதா தளம் என்றொரு வலுவான கட்சியாக உருவெடுத்தது. இக்கட்சி காங்கிரசுக்கு எதிரான பாரதீய ஜனதா கட்சி, தெலுங்கு தேசம், அகாலி தளம், திமுக, அசாம் கன பரிசத் ஆகிய கட்சிகளை ஓரணியில் திரட்டி தேசிய முன்னணி என்றொரு கூட்டணியை உருவாக்கியது. இக்கூட்டணி தேர்தலில் வெற்றி பெற்று வி. பி. சிங் இந்தியப் பிரதமரானார்.

மொத்தம் 61.95 % வாக்குகள் பதிவாகின

• தமிழ்நாட்டில் இந்திய நாடாளுமன்றத் தேர்தல், 1989

• Indian general election, 9th Lok Sabha