تحصیل زامران
تحصیل زامران
تحصیل زامُران ضلع کیچ مکران بلوچستان کی ایک تحصیل ہے جو ضلع کیچ کی شمال مغرب میں اور (ایرانی) بلوچستان (سیستان و بلوچستان) کی سرحدی ضلع (شھرستان) سراوان کے جنوب اور (شهرستان) سرباز کے مشرق میں واقع ہے
زامران بند
ایرانی بلوچستان کے علاقوں بم پشت کے جنوب اور ھنگ کے مشرق جبکہ ضلع کیچ کے تحصیل مند ، تمپ اور بلیدہ کے شمال ، گزی کئور جو گیشکئور سے جاملتا ہے کے مغرب اور ضلع پنجگور کا علاقہ پروم کی جنوب مغربی جانب کی پہاڑی سلسلہ کو زامران بند کہا جاتاہے جبکہ زامران بند انتظامی طور پر تین حصوں میں تقسیم ہے نمبر 1 تحصیل زامران جو چار یونین کونسل بادئی ، ناگ ، سیاہ گسی اور دربلی پر مشتمل ہے نمبر 2 برُز زامران جس میں زراگین ، کرپاسی سمیت کئی اور دیہات شامل ہیں جو انتظامی طور پر تحصیل تمپ کا حصہ ہیں نمبر 3 بگان زامران کا ایک چھوٹا سا حصہ جو انتظامی طور پر ایرانی بلوچستان کا حصہ ہے
وجہ تسمیہ
چونکہ یہ پہاڑی سلسلہ میں (زامر) کے درخت بکثرت پائے جاتے ہیں اس لے اس علاقے کو زامران کہا جاتا ہے
آب و ہوا اور لوگ
زامران بند بلند و بالا پہاڑوں، خوبصورت وادیوں، چشموں اور سنگلاح چٹانوں کی سرزمین ہے جو موسم بہار میں قابل دید منظر پیش کرتا ہے۔ یہاں کا موسم بھی نرالا ہے یہاں گرمیوں میں درجہ حرارت 45° کو عبور کرتی ہے اور موسم سرما میں یہاں درجہ حرارت نقطہ انجماد سے نیچے °5- کو پہنچ جاتا ہے یہی وجہ ہے کہ یہاں کھجور اور سیب آپ کو ایک ہی باغ میں نظر آئینگے زامران ميں کھجور سیب کے علاوہ انار، انگور، خالق، امرود، آم، مالٹا اور کئی اقسام کے پھل کے علاوہ پہاڑی انجیر قدرتی طور پر پائی جاتی ہے اس کے علاوہ گندم ، چاول بھی کاشت کی جاتی ہے اور گلہ بانی بھی یہاں کا اہم پیشہ ہے نھنگ کئور (دریائے نھنگ) یہاں کا سب سے بڑا دریا ہے جو زامران کے شمالی مشرق میں ایرانی حدود کے قریب گیشتگاں سے شروع ہوکر مغرب کی سمت بُگان کے مقام پر جنوب کی طرف موڑ جاتا ہے اور مند ، تمپ سے ہوکر میرانی ڈیم کے مقام پر کیچ کئور (دریائے کیچ) سے مل جاتا ہے یوں یہ دریا زامران کے شمال اور ایرانی بلوچستان کے علاقے بم پشت کے جنوب میں پاکستان اور ایران کا بین الاقوامی سرحد بھی ہے اس کے علاوہ زامران سے کئی چھوٹے ندی نالے بلیدہ اور گیشکئور سے ہوتے ہوئے سامی کے قریب کیچ کئور (دریائے کیچ) سے جا ملتے ہیں
سماجی ڈھانچہ
زامران کا سماجی ڈھانچہ مکران کے دوسرے علاقوں سے نسبتا قبائلی ہے۔ زامران میں بہت سے بلوچ قبائل آبادہیں ان میں شمبیزئی، درازئی، یلانزئی، محمدزئی، شے ، زہروزئی اور آسکانی قابل ذکر ہیں۔