ராஜாமகள் (தொலைக்காட்சித் தொடர்)

ராஜாமகள் என்பது ஜீ தமிழ் தொலைகாட்சியில் 28 அக்டோபர் 2019 முதல் திங்கள் முதல் வெள்ளி வரை பிற்பகல் 2:30 மணிக்கு ஒளிபரப்பாகும் இரு குடும்ப வாழ்க்கையைப் பிரதிபலிக்கும் குடும்பம் மற்றும் பாச பின்னணியை கொண்ட தொலைக்காட்சித் தொடர் ஆகும்.[1][2] இந்த தொடரில் துளசியாக ஐரா நடிக்கின்றார்[3] இவர் கண்மணி, கடைக்குட்டி சிங்கம் போன்ற தொடர்களில் நடித்துள்ளார். இவருக்கு ஜோடியாக புதுமுகம் ரியாஸ் நடிக்கிறார். வனஜா, பரத் கல்யாண், காயத்ரி பிரியா, பரதன் ஆகியோரும் இந்த தொடரில் முக்கிய கதாபாத்திரங்களில் நடிக்கிறார்கள். இது ஜீ தெலுங்கு தொலைக்காட்சியில் ஒளிபரப்பாகும் ரக்த சம்பந்தம் என்ற தெலுங்கு மொழி தொடரின் மறு தயாரிப்பாகும்.