தேனி மாவட்ட எழுத்தாளர்கள்

இந்திய அரசு திரைப்படத் துறையில் பல்வேறு பங்களிப்பு செய்யும் சிறந்த கலைஞர்கள், தொழில்நுட்ப வல்லுநர்கள் போன்றவர்களைத் தேர்வு செய்து தேசிய அளவிலான திரைப்பட விருதுகளை ஆண்டுதோறும் வழங்கி வருகிறது. தேனி மாவட்டத்தைச் சேர்ந்த கவிஞர் வைரமுத்து சிறந்த பாடலாசிரியருக்கான இந்திய அரசின் திரைப்பட விருதை ஆறு முறை பெற்றுள்ளார்

இந்திய அரசால், இருபத்து நான்கு இந்திய மொழிகளில் வெளியான சிறுகதை, புதினம், கவிதை, இலக்கிய விமர்சனம் போன்ற பலவகையான எழுத்தாக்கங்களுக்கு, ஒவ்வோர் ஆண்டும் வழங்கப்படும் உயரிய விருதான சாகித்திய அகாதமி விருது பெற்ற தேனி மாவட்டத்தைச் சேர்ந்த எழுத்தாளர்கள், நூல்கள் குறித்த தகவல்கள்.

தமிழ்நாடு அரசின் கலை மற்றும் பண்பாடு இயக்ககத்தின் கீழ் இயங்கும் தமிழ்நாடு இயல் இசை நாடக மன்றம் இலக்கியம், இசை மற்றும் நாடகத்துறையில் சிறப்பு மிக்கவர்களைத் தேர்வு செய்து ஆண்டுதோறும் கலைமாமணி விருதுகளை வழங்கி வருகிறது. கலைமாமணி விருது பெற்ற தேனி மாவட்டத்தைச் சேர்ந்த கவிஞர்கள் குறித்த தகவல்கள்.

பாவேந்தர் பாரதிதாசன் விருது என்பது தமிழக அரசின் தமிழ் வளர்ச்சித் துறையின் கீழ் இயங்கும் தமிழ் வளர்ச்சி இயக்ககம் மூலம் தமிழ்க் கவிஞர் ஒருவருக்கு ஆண்டு தோறும் வழங்கப்படும் ஒரு விருதாகும். பாவேந்தர் பாரதிதாசன் விருது பெற்ற தேனி மாவட்டத்தைச் சேர்ந்த கவிஞர்கள் குறித்த தகவல்கள்.

2010 ஆம் ஆண்டில் வெளியான தமிழ் நூல்களில் கணினியியல் துறையிலான வகைப்பாட்டில் சிறந்த நூலாகத் தேர்வு செய்யப்பட்ட தமிழ் விக்கிப்பீடியா நூலுக்கான பரிசுத் தொகை மற்றும் பாராட்டுச் சான்றிதழ் ஆகியவற்றை தமிழ்நாடு முதலமைச்சர் ஜெ. ஜெயலலிதா அவர்கள் நூலாசிரியர் தேனி எம். சுப்பிரமணிக்கு வழங்கிய போது எடுத்த படம்

தமிழ்நாடு அரசின் தமிழ் வளர்ச்சித் துறையின் கீழ் இயங்கும் தமிழ் வளர்ச்சி இயக்ககம் 1972 முதல் ஆண்டுதோறும் தமிழில் வெளியான சிறந்த நூல்களை 33 வகைப்பாடுகளில் தேர்வு செய்து பரிசுத்தொகை மற்றும் பாராட்டுச் சான்றிதழ் வழங்கி வருகிறது. இப்பரிசினைப் பெற்ற தேனி மாவட்டத்தைச் சேர்ந்த எழுத்தாளர்கள், பரிசு பெற்ற நூல்கள் குறித்த தகவல்கள்.

• தேனி மாவட்ட எழுத்தாளர்கள் (ஆங்கிலப் பட்டியல்)
• எழுத்தே எங்கள் சுவாசம்: தேனி மாவட்ட எழுத்தாளர்கள் (தினமலர்)