சூலமங்கலம் கிருத்திவாகேசுவரர் கோயில்

இக்கோயில் தஞ்சாவூர்-கும்பகோணம் சாலையில் அய்யம்பேட்டை அருகே ரயில் நிலைய சாலை அருகே 1 கிமீ தொலைவில் அமைந்துள்ளது. சூலத்தேவர் வழிபட்டு சுய உருவம் பெற்றதால் சூலமங்கலம் என்று அழைக்கப்படுகிறது. [2] இத்தலத்தை சூலமங்கை என்றும் அழைப்பர்.

தாருகாவன முனிவர்களின் செருக்கை அடக்குவதற்காக வேள்வி மூலமாக அனுப்பப்பட்ட யானையின் உடலில் புகுந்து அதனைக் கிழித்து வெளியே வந்ததால் வேழம் உரித்த வித்தகராக இருப்பதால் கிருத்திவாகேசுவரர் என்றழைக்கப்படுகிறார். [2]

சப்தமாதர்கள் வழிபட்ட ஏழு கோயில்களில் கௌமாரி வழிபட்ட தலமாகும். [2] இப்பகுதியில் சப்தஸ்தானத் தலமாகக் கருதப்படும் கீழ்க்கண்ட கோயில்களில் இக்கோயிலும் ஒன்றாகும். இவை சப்தமங்கைத் தலங்கள் என்றும் அழைக்கப்படுகின்றன. இப்பகுப்பில் அடங்கும் கோயில்களில் உள்ள இறைவனும், இறைவியும் கீழ்க்கண்டவர் ஆவர்.

• திருச்சக்கராப்பள்ளி - சக்கரவாகேசுவரர், தேவநாயகி
• அரியமங்கை - ஹரிமுக்தீஸ்வரர், ஞானாம்பிகை
• சூலமங்கை - கிருத்திவாகேஸ்வரர், அலங்காரவல்லி
• நந்திமங்கை - ஜம்புகேஸ்வரர்,அகிலாண்டேஸ்வரி
• பசுமங்கை - பசுபதீஸ்வரர், பால்வளைநாயகி
• தாழமங்கை - சந்திரமௌலீஸ்வரர், ராஜராஜேஸ்வரி
• புள்ளமங்கை - ஆலங்துறைநாதர், சௌந்தரநாயகி