കീച്ചേരിപ്പുഴ
കേരളത്തിൽ മച്ചാട്ടുമലയിൽ നിന്നുത്ഭവിക്കുന്ന ഒരു നദിയാണ് കീച്ചേരിപ്പുഴ. 51 കിലോമീറ്ററാണ് നീളം. ചൂണ്ടൽ എന്ന സ്ഥലത്തു വച്ച് ചൂണ്ടൽ തോടുമായി ചേർന്ന് ചേറ്റുവ കായലിൽ പതിക്കുന്നു. കേരളത്തിലേ ഏറ്റവും ചെറിയ നദികളിൽ ഒന്നാണിത്. കേച്ചേരിപ്പുഴ, ആളൂർപ്പുഴ, വടക്കാഞ്ചേരിപ്പുഴ എന്നുംകൂടി ഇതറിയപ്പെടുന്നു. 400 ചതുരശ്ര കിലോമീറ്ററാണ് വൃഷ്ടിപ്രദേശം. തൃശ്ശൂർ ജില്ലയിലൂടെയാണ് ഈ നദി പൂർണ്ണമായും ഒഴുകുന്നത്. വടക്കാഞ്ചേരി, നെല്ലുവായ, കേച്ചേരി, ആളൂർ തുടങ്ങിയ സ്ഥലങ്ങൾ ഈ നദിയുടെ തീരത്താണ്. ഈ നദിയുടെ കരയിലെ കേച്ചേരി ഗ്രാമത്തിൽ ജനിച്ച പ്രമുഖ കവിയും ഗാനരചയിതാവുമായിരുന്ന യൂസഫലി കേച്ചേരി ഈ നദിയെക്കുറിച്ച് ഒരു കവിതയെഴുതിയിട്ടുണ്ട്.
| കേരളത്തിലെ നദികൾ |
|---|
|
This article is issued from
Wikipedia.
The text is licensed under Creative
Commons - Attribution - Sharealike.
Additional terms may apply for the media files.