ഗായത്രിപ്പുഴ
കേരളത്തിലെ രണ്ടാമത്തെ വലിയ നദിയായ ഭാരതപ്പുഴയുടെ ഒരു പ്രധാന കൈവഴിയാണ് ഗായത്രിപ്പുഴ. ആനമലയിൽ നിന്നും ഉൽഭവിക്കുന്ന ഗായത്രിപ്പുഴ കൊല്ലങ്കോട്, നെന്മാറ, ആലത്തൂർ, പഴയന്നൂർ എന്നിവിടങ്ങളിലൂടെ ഒഴുകി മായന്നൂരുവച്ച് ഭാരതപ്പുഴയിൽ ചേരുന്നു. ചീരക്കുഴിപ്പുഴ എന്നും ഈ നദി അറിയപ്പെടുന്നു. നദിയുടെ നല്ലൊരു ഭാഗവും കടന്നുപോകുന്നത് പാലക്കാട് ജില്ലയിലൂടെയാണെങ്കിലും, അവസാനത്തെ കുറച്ചുദൂരം തൃശ്ശൂർ ജില്ലയിലൂടെയാണ് കടന്നുപോകുന്നത്. ഭാരതപ്പുഴ പോലെ അതിന്റെ ഈ പോഷകനദിയും മണലെടുപ്പുകാരണം നാശോന്മുഖമായിട്ടുണ്ട്.
ഗായത്രിപ്പുഴയുടെ മറ്റു കൈവഴികൾ
- മംഗലം നദി
- അയലൂർപ്പുഴ
- വണ്ടാഴിപ്പുഴ
- മീങ്കരപ്പുഴ
- ചുള്ളിയാർ
This article is issued from
Wikipedia.
The text is licensed under Creative
Commons - Attribution - Sharealike.
Additional terms may apply for the media files.