پشاور کرکٹ ٹیم

پشاور کرکٹ ٹیم پشاور کی ایک پاکستانی فرسٹ کلاس کرکٹ ٹیم ہے۔ اس ٹیم کا ہوم گراؤنڈ پشاور کا ارباب نیاز اسٹیڈیم ہے۔ لسٹ اے اور ٹوئنٹی 20 ٹیم کو پشاور پینتھرز کے نام سے جانا جاتا ہے۔

پشاور کرکٹ ٹیم پہلی مرتبہ 1956-57 میں فرسٹ کلاس مقابلوں میں کھیلی اور اس کے بعد انہوں نے سوائے 1977-78 اور 1983-84 تقریبا تمام سیزن میں حصہ لیا ہے۔ 1970 کی دہائی میں صوبہ سرحد کے کھیلے جانے والے چند میچوں کے علاوہ، پشاور کرکٹ ٹیم 2005-06 میں ایبٹ آباد کرکٹ ٹیم کے آغاز تک عام طور پر صوبہ خیبر پختونخوا کی واحد فرسٹ کلاس ٹیم تھی (اس سے قبل یہ صوبہ سرحد نام سے جانا جاتا تھا) ۔

پشاور نے 1998-99 اور 2004-05 میں قائد اعظم ٹرافی اور 2006-07 میں اے بی این امرو کپ نیشنل ون ڈے چیمپیئن شپ میں فتح حاصل کی۔ انہوں نے 2011-12 کے قائد اعظم ٹرافی ڈویژن ٹو میں بھی کامیابی حاصل کی۔

فرسٹ کلاس کرکٹ میں 2013 کے آخر تک انہوں نے 262 میچ کھیلے تھے جن میں سے 82 میں جیت ، 99 میں ہار ، 80 ڈرا اور ایک میچ برابر ہوا۔ [1] اس ٹیم کا سب سے بڑا انفرادی اسکور 300 ناٹ آؤٹ ہےجو 2003-04 میں کوئٹہ خلاف شعیب خان نے بنایا۔ [2] ان کی عمدہ بولنگ کا ریکارڈ صفی اللہ خان کے پاس ہے جنہوں نے 1971-72 میں ریلوے بی خلاف 62 سکور دے کر 9 وکٹیں حاصل کی تھیں۔ [3]

لسٹ اے کرکٹ کے وہ 73 میچ کھیل چکے ہیں، جن میں سے 22 میں جیت، 49 میں ہار، ایک برابر ہوا اور ایک بے نتیجہ رہا۔ [4]

پشاور کے نامور کھلاڑیوں میں حسیب احسن (ان کا پہلا ٹیسٹ پلیئر)، یونس خان ، یاسر حمید ، فضل اکبر ، وجاہت اللہ واسطی ، عمر گل اور ارشد خان شامل ہیں۔

جنوری 2017 میں، انہوں نے فائنل میں کراچی وائٹس کو 124 رنز سے شکست دے کر ریجنل ون ڈے 2016–17 کپ جیتا تھا ۔ [5]