صوبہ چہارمحال و بختیاری

صوبہ چہارمحال و بختیاری (فارسی: استان چہارمحال و بختیاری) (انگریزی: Chaharmahal and Bakhtiari Province) ایران کے تیس صوبوں میں سے ایک ہے، جس کا رقبہ 16,332 مربع کلومیٹر اور 2005ء کے تخمینہ کے مطابق آبادی 842,000 ہے۔ صوبہ ایران کے جنوب مغربی علاقہ میں واقع ہے اور صوبائی صدر مقام شہرکرد ہے۔

صوبہ چہارمحال و بختیاری استان چہارمحال و بختیاری
صوبہ
ملک	ایران
دارالحکومت	شہر کرد
آبادی (2006)
• کل	857,910
منطقۂ وقت	ایران کا معیاری وقت (UTC+03:30)
• گرما (گرمائی وقت)	ایران کا معیاری وقت (UTC+04:30)
اہم زبان(یں)	فارسی (سرکاری)

صوبہ چہارمحال و بختیاری، ایران

تاریخی طور پر بختیاری اور چہار محالی قبائل سے آباد ہے اور انہی قبیلوں کے ناموں کو ملا کر صوبہ کا نام رکھا گیا ہے۔ یہ دونوں قبائل صدیوں سے اس علاقہ میں مل کر رہ رہے ہیں اور ان دونوں قبائل کے رسوم و رواج اور ثقافت بھی ملتی جلتی ہے۔ اس صوبہ کے لوگ سادہ طرز زندگی اور بلند ارادوں کی وجہ سے پورے ایران میں سخت جنگجو لوگوں کے طور پر جانے جاتے ہیں اور ایران کے بہترین گھڑسوار قرار دیے جاتے ہیں۔ علاقہ قبائلی طرز کے رہن سہن، پہلوانی، موسیقی، رقص اور لباس کی وجہ سے دوسرے ایرانی علاقوں سے مختلف نظر آتا ہے۔

ذریعہ معاش زیادہ تر زراعت ہے، جبکہ صنعتیں صوبائی صدرمقام میں مرتکز ہیں۔ علاقہ اپنی قدرتی خوبصورتی کی بدولت اہم سیاحتی مقام بننے کی صلاحیت بھی رکھتا ہے۔