மார்ச் 2011

மார்ச் 2011 (March 2011), ஒரு செவ்வாய்க்கிழமை ஆரம்பித்து 31 நாட்களின் பின்னர் ஒரு வியாழக்கிழமை முடிவடைகிறது. தமிழ் நாட்காட்டியின் படி பங்குனி மாதம் மார்ச் 15 செவ்வாய்க்கிழமை தொடங்கி, 2011 ஏப்ரல் 13 புதன்கிழமை முடிவடையும்.

<<	மார்ச் 2011					>>
ஞா	தி	செ	பு	வி	வெ	ச
		1	2	3	4	5
6	7	8	9	10	11	12
13	14	15	16	17	18	19
20	21	22	23	24	25	26
27	28	29	30	31
MMXIX

சிறப்பு நாட்கள்

மார்ச் 2 - மகா சிவராத்திரி
மார்ச் 3 - மகா சிவராத்திரி (சில இடங்களில்)
மார்ச் 8 - அனைத்துலக பெண்கள் நாள்
மார்ச் 13 - கச்சியப்ப சிவாச்சாரியார் குருபூசை
மார்ச் 19 - பங்குனி உத்தரம்
மார்ச் 19 - ஹோலி
மார்ச் 22 - காரைக்கால் அம்மையார் குருபூசை

நிகழ்வுகள்

செய்திகள்

மார்ச் 11:
- சப்பானின் ஒன்சூ தீவில் வட கிழக்குப் பகுதியில் 8.9 புள்ளிகள் பெரும் நிலநடுக்கம் ஏற்பட்டு ஆழிப்பேரலையாக உருவெடுத்தது. ஆயிரத்துக்கும் அதிகமானோர் உயிரிழந்தனர்.
மார்ச் 10:
- திபெத்தின் ஆன்மிகத் தலைவர் தலாய் லாமா நாடு கடந்த திபெத்து அரசின் அரசியல் தலைமையில் இருந்து ஒதுங்குவதற்கு முடிவு செய்துள்ளதாக அறிவித்திருக்கிறார்.
- 2011 துடுப்பட்ட உலகக்கிண்ணப் போட்டிகளின் ஏ பிரிவில் சிம்பாப்வே அணிக்கு எதிரான ஆட்டத்தில் இலங்கை அணியின் டில்சான், தரங்க இருவரும் முதலாவது விக்கெட்டுக்காக இணைந்து 282 ஓட்டங்கள் எடுத்து புதிய சாதனை படைத்தனர்.
மார்ச் 9:
ஸ்காட்லாந்தில் வெண்கலக் கால மனித எச்சங்கள் அடங்கிய இரண்டு சாடிகள் அகழ்ந்தெடுக்கப்பட்டுள்ளன.
மார்ச் 7:
- விண்வீழ்கற்களில் புதையுண்ட நுண்ணுயிரிகளைத் தாம் கண்டறிந்துள்ளதாக நாசா அறிவியலாளர் ஒருவர் ஆய்வுக் கட்டுரை ஒன்றில் தெரிவித்துள்ளார்.
மார்ச் 4:
- வங்காளதேசத்தில் கிராமின் வங்கியின் நிருவாக இயக்குநர் பொறுப்பில் இருந்து அதன் நிறுவனர் முகமது யூனுஸ் நீக்கப்பட்டார்.
- நாசாவினால் கலிபோர்னியாவில் இருந்து அனுப்பப்பட்ட குளோரி என்ற செய்மதி ஏவிய சில நிமிட நேரத்தில் குறித்த இலக்கை அடையாமல் பசிபிக் பெருங்கடலில் வீழ்ந்தது.
- இந்தியத் தலைநகர் தில்லியில் 33 ஆண்டுகளுக்கு முன்னர் விடுதி ஒன்றில் உள்ள நீச்சல் தடாகத்தில் வீழ்ந்து செயல் முடக்கம் அடைந்த ஆத்திரேலியப் பெண் ஒருவருக்கு இந்திய நீதிமன்றம் 49 மில்லியன் ரூபாய்கள் இழப்பீடு வழங்க உத்தரவிட்டுத் தீர்ப்பு வழங்கியது.
மார்ச் 3:
- வங்காளதேசத்தில் சிறுகடன்கள் வழங்குவதில் முன்னோடி நிறுவனமான கிராமின் வங்கியின் நிருவாக இயக்குநர் பொறுப்பில் இருந்து முகமது யூனுஸ் நீக்கப்பட்டுள்ளதாக அந்நாட்டின் மத்திய வங்கி அறிவித்தது.
- இலங்கையின் வடக்கே பாதுகாப்புப் படையினரால் மேற்கொள்ளப்பட்டுவந்த மக்கள் விபரங்களைப் பதிவு செய்யும் நடவடிக்கை இடைநிறுத்தப்பட்டது.
மார்ச் 2:
- பாக்கித்தானின் சிறுபான்மையின நலத்துறை அமைச்சர் சாபாசு பட்டி தலைநகர் இஸ்லாமாபாத் நகரில் சுட்டுக் கொல்லப்பட்டார்.
- சீனாவின் பண்பாட்டுப் புரட்சிக் கால அஞ்சல்தலைகள் நான்கு $1.15 மில்லியன் டாலர்களுக்கு ஏலத்தில் விற்கப்பட்டன. (பிபிசி)
- முன்னாள் சோவியத் தலைவர் மிக்கைல் கொர்பச்சோவிற்கு இரசியாவின் அதி உயர் விருதான புனித அண்ட்ரூஸ் விருது அவரது 80வது பிறந்தநாளை முன்னிட்டு வழங்கப்பட்டது.
மார்ச் 1:
- இலங்கையின் விமானப்படை விமானங்கள் இரண்டு ஒன்றுடன் ஒன்று மோதி வீழ்ந்து நொறுங்கியதில் ஒரு விமானி உயிரிழந்ததுடன், மற்றையவர் படுகாயமடைந்த நிலையில் மீட்கப்பட்டார்.
- 2002 இல் கோத்ரா தொடருந்து எரிப்பு வழக்கில் குற்றவாளிகளாகக் காணப்பட்ட 11 பேருக்கு மரணதண்டனை விதிக்கப்பட்டது. மேலும் 20 பேர் ஆயுள் தண்டனை பெற்றனர்.

செய்திகள் காப்பகம்

This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.