தனுஷ்கோடி

கவுரியர் ஆட்சி

இது 'வென்வேற் கவுரியர்' என்று போற்றப்பட்டுள்ள அக்காலப் பாண்டியருக்கு உரியது.

விழாவில் மகளிர் தழையாடை

அவ்வூரில் வாழ்ந்த அக்கால மகளிர் விழாக் காலங்களில் தங்களது ஆடைக்கு மேல் பூந்தழை ஆடை அணிந்துகொள்வார்களாம். அதில் நீண்ட காம்போடு கோத்த நெய்தல் பூக்கள் தொங்குமாம்.

கானலம்பெருந்துறை

அங்குக் 'கானலம் பெருந்துறை' என்று வழங்கப்பட்ட இடத்தில் ஞாழல் மரமும், புன்னை மரமும் பூத்துக் குலுங்குமாம். அப்பகுதி காதலர் மகிழும் இடமாகவும் திகழ்ந்திருக்கிறது.

இராமன் ஆலமரத்தடியில் தவம்

அங்கிருந்த ஓர் ஆலமரத்து விழுதுகளுக்கிடையே அமர்ந்துகொண்டு வெல்போர் இராமன் அருமறை மந்திரங்களை ஒரு காலத்தில் சொல்லிக்கொண்டிருந்தானாம். அப்போது அங்கே அமைதி நிலவிற்றாம். பறவைகள் கூட ஒலிக்கவில்லையாம்.

• ஒருத்தி சொல்கிறாள் \ திமிலில் ஏறிப் பரதவர் கடலில் வேட்டைக்குப் போய் வலை போட்டுப் பிடித்துவந்த மீன்களை, இலை தனித்தனியாகப் போட்டு மகளிர் பகுத்துக்கொண்டிருந்தபோது இந்த ஒருத்தியின் கள்ள உறவைப்பற்றிப் பேசிக்கொண்டார்களாம். அவர்கள் வாயடைந்துபோவார்கள் என்கிறாள் அவள். அவளது திருமணத்துக்குப் பின்னர் இராமன் மறை சொன்னபோது வாயடைந்த பறவைகளைப்போல வாயடைந்து போவார்களாம்.[3]

1964 ஆம் ஆண்டு டிசம்பர் 23 இல் மன்னார் வளைகுடாவில் ஏற்பட்ட புயல் கரையை கடந்த போது ராட்சத அலைகள் எழுந்து ஊருக்குள் புகுந்தது. தனுஷ்கோடி நகரமே கடலால் மூழ்கடிக்கப்பட்டது. தனுஷ்கோடியையும் பாம்பனையும் இணைத்த இருப்புப்பாதை வீசிய கடும் புயலில் அடித்து செல்லப்பட்டது. இதன்போது சென்னையில் இருந்து இராமேஸ்வரம் சென்று கொண்டிருந்த தொடருந்து அடித்துச் செல்லப்பட்டதில் அதில் பயணித்த 123 பேரும் கொல்லப்பட்டனர்.[4] அதிகாலையில் நடந்த இந்த கோர தாண்டவத்தில் மொத்தம் 2000 பேர் வரை உயிரிழந்தனர். அதன் பின்னர் தமிழக அரசு இந்த ஊரை வாழத் தகுதியற்றதாக அறிவித்தது. தற்போது புதிய தனுஷ்கோடி உருவாக்கப்படுகிறது.

தனுஷ்கோடியில் அழிந்த நிலையில் உள்ள ஒரு தேவாலயம்

புயல் வந்து புரட்டிப் போட்டதன் அடையாளமாக இன்றும் மிச்சமிருப்பது சிதிலமடைந்த ஒரு தேவாலயமும், சில கட்டடங்களும் மட்டுமே. இருப்பினும் தனுஷ்கோடியில் இன்றும் சில மீனவ குடும்பங்கள் வசிக்கின்றனர். அவர்கள், தனுஷ்கோடிக்கு வரும் சுற்றுலாப் பயணிகளை நம்பி வாழ்ந்து வருகின்றனர். மீன் சுட்டுத் தருவது, சிப்பி, முத்துக்களால் ஆன மணி மாலைகளால் உள்ளிட்டவற்றை செய்து வருகின்றனர். தனுஷ்கோடியின் ரயில் நிலையத்தை கடல் கொண்டது. ரயில் தண்டவாளம், பாதி கடலுக்குள் சென்றபடி காட்சி அளிக்கிறது.

9.5 கி.மீ நீளமுள்ள சாலையில் தேசிய நெடுஞ்சாலை - முகுந்தாரையர் சாதிரமிலிருந்து தனுஷ்கோடி வரையான 5 கி.மீ., மற்றும் தனுஷ்கோடிக்கு அரிச்சமுனைக்கு 4.5 கி.மீ. சுற்றுலா பயணிகள் தங்கள் வாகனம் மூலம் செல்லலாம் அது அசோகாவின் தூண்களில் முடிவடையும். இந்தியாவின் பிரதான மண்டபத்தை தனுஷ்கோடிக்கு இணைக்கும் ஒரு மீட்டர் கேஜ் ரயில் பாதை இருந்தது. 1964 ஆம் ஆண்டு தனுஷ்கோடியில் ஏற்பட்ட சூறாவளியில் பாம்பன் முதல் தனுஷ்கோடி வரை மீட்டர்-கேஜ் கிளை கோடு அழிக்கப்பட்டபோது, சென்னை எழும்பூரில் இருந்து தனுஷ்கோடி வரை Boat Mail எக்ஸ்பிரஸ் ஓடியது. 2003 ஆம் ஆண்டில், ராமேஸ்வரத்தில் இருந்து தனுஷ்கோடிக்கு 16 கிலோமீட்டர் (9.9 மைல்) ரயில் பாதையை மீண்டும் அமைப்பதற்கு இரயில்வே அமைச்சகத்திற்கு தெற்கு ரெயில்வே திட்டம் ஒன்றை அனுப்பியது. 2010 ல் தனுஷ்கோடி மற்றும் ராமேஸ்வரம் இடையே ஒரு புதிய இரயில் பாதை சாத்தியமாவதற்கு திட்டமிடல் கமிஷன் முயன்றது. 2016 வரை, தனுஷ்கோடி கடற்கரை செல்வதற்கு கடற்கரை ஓரம் நடந்தோ அல்லது ஜீப்பிலோ செல்வார்கள் . 2016 ஆம் ஆண்டில், முகுந்தாராயர் சாதிராம் கிராமத்திலிருந்து தனுஷ்கோடி கடற்கரை ஒரு சாலை அமைக்கபட்டது.

பாம்பன் பாலம்

ராமேஸ்வரம் தீவையும் இந்தியாவையும் இணைக்கும் பாம்பன் பாலம் இந்தியாவில் ஒரு பொறியியல் அதிசயமாக இருக்கிறது. மும்பையில் முடிக்கப்பட்ட பாந்த்ரா-வோர்லி கடல் இணைப்புக்குப் பிறகு இது இந்தியாவின் இரண்டாவது மிக நீண்ட கடல்-பாலம் ஆகும். இந்த பாலத்தின் குறுக்கே உள்ள ரயில் பயணம் வியப்பூட்டும் காட்சிகளை அளிக்கிறது. மற்றொரு சுவாரஸ்யமான உண்மை என்னவென்றால், இழிவான சூறாவளியில் சேதமடைந்த பாலம் 48 நாட்களுக்குள் மறுகட்டமைக்கபட்டது ஒரு சாதனை என்று கருதப்படுகிறது.

• கோதண்டராமர் கோயில்
• அரிச்சல் முனை
• தனுஷ்கோடி கடற்கரை
• இராமர் பாலம்

• உயர் அலைகள் கொண்ட கண்கவர் நீல கடல் காட்சி
• கடற்கரையில் பைக் சவாரி
• கடல் கரையில் விளையாடி குளிக்கலாம்
• கடற்கரையில் அமைதியான மற்றும் புத்துணர்ச்சியூட்டும் நடை
• மீதமுள்ளவர்களின் பார்வை
• கடலை இணைத்தல் (ரமேஸ்வரத்தின் தெற்காசிய முடிவு)
• குளிர்காலத்தில் (அக்டோபர், நவம்பர்) பருவங்கள் கடற்புலிகள், பறவைகள் மற்றும் பிற நாடுகளிலிருந்து வரும் பறவைகள் தனுஷ்கோடி (கோதண்ட ராமரின் கோவிலுக்கு அருகிலுள்ள அரண்மனையில்) வருகின்றன.

• 
  புயலால் சிதலமடைந்த சிவன் மற்றும் நந்தி சிலைகள்
• 
  தனுஷ்கோடி நகர் அருகில் உள்ள கடற்கரை. பேருந்து சாலை முடிவடையும் இடம்
• 
  சிதைந்த தனுஷ்கோடி அருகே உள்ள அரிச்சல் முனை கடற்கரை.
• 
  தனுஷ்கோடி பேருந்து சாலை முடிவடையும் இடத்தில் உள்ள சிதலமடைந்த மீன்பிடி படகு. தனுஷ்கோடி
• 
  தனுஷ்கோடிக்குச் செல்லும் சாலை முடிவடையும் இடத்திற்கு சிற்றூந்து போக்குவரத்து
• 
  தனுஷ்கோடி, இங்கிருந்து இலங்கை 15 கி. மீ., தொலைவில் உள்ளது.
• 
  தனுஷ்கோடிக்குச் செல்லும் சாலை முடிவடையும் இடத்திற்கு சிற்றூந்து போக்குவரத்து
• 
  1964ஆம் ஆண்டு புயலால் தொடருந்து நிலையம்
• 
  வெறுங்கையால் மீன் பிடிக்கும் மீனவர்கள்
• 
  தனுஷ்கோடி கடற்கரை
• 
  தனுஷ்கோடி கடற்கரையில் மீனவர் படகு

1. "தமிழக ஆளுநர் பற்றிய குறிப்பு". தமிழ்நாடு அரசு (2015). பார்த்த நாள் நவம்பர் 3, 2015.
2. "தமிழக முதலமைச்சர் பற்றிய குறிப்பு". தமிழ்நாடு அரசு. பார்த்த நாள் நவம்பர் 3, 2015.
3. கடுவன் மள்ளனார் பாட்டு \ அகநானூறு 70
4. Gallery of Wrecks Crashes & Derailments Danushkodi, India 1964

• தனுஷ்கோடி நினைவுகள்: புயலில் சிக்கி சிதைவுகளாக மாறிய ஒரு துறைமுக நகரின் கதை
• இந்து நாளிதழில் தனுஷ்கோடியை பற்றி கட்டுரை (ஆங்கிலம்)