இயேசு பிறப்பின் முன்னறிவிப்பு

இயேசு பிறப்பின் முன்னறிவிப்பு அல்லது மங்கள வார்த்தை அறிவிப்பு என்பது லூக்கா நற்செய்தி 1:26-3இல் உள்ள படி கபிரியேல் தேவதூதர், கன்னி மரியாவுக்கு தோன்றி, அவர் தூய ஆவியினால் கருவுற்று ஒரு மகனைப் பெற்று இயேசுவின் தாயாவார் என்பதை அறிவித்த நிகழ்வாகும். இந்த நிகழ்வின் போதே மரியாவிடம் கபிரியேல் தூதர் பிறக்கவிருக்கும் குழந்தைக்கு, இயேசு என பெயரிடச்சொன்னார். மேலும் திருமுழுக்கு யோவானின் பிறப்பையும் மரியாவிடம் எடுத்தியம்பினார். மரியாவின் உறவினராகிய எலிசபெத்தும் தம் முதிர்ந்த வயதில் ஒரு மகனைக் கருத்தரித்திருக்கிறார் எனவும் கருவுற இயலாதவர் என்று சொல்லப்பட்ட அவருக்கு இது ஆறாம் மாதம்[1] எனவும் கபிரியேல் மரியாவுக்கு அறிவித்தார்.

இயேசு பிறப்பின் முன்னறிவிப்பு (பொட்டிச்செல்லி)

நற்செய்திகளின்படி
இயேசுவின் வாழ்வு
துவக்க வாழ்வு முன்னறிவிப்பு மரியா எலிசபெத்தை சந்தித்தல் பிறப்பு கன்னிப்பிறப்பு இடையர்களின் வருகை விருத்தசேதனம் கோவிலில் அர்ப்பணித்தல் ஞானிகளின் வருகை எகிப்துக்குத் தப்பி ஓடிச் செல்லுதல் குழந்தைகள் படுகொலை நாசரேத்துக்குத் திரும்பிச் செல்லுதல் கோவிலில் சிறுவன் இயேசு
பணிவாழ்வு திருமுழுக்கு சோதிக்கப்படுதல் பன்னிருவரை அழைத்தல் மலைப்பொழிவு / சமவெளிப் பொழிவு புதுமைகள் உவமைகள் புறக்கணிக்கப்படுதல் தோற்றம் மாறுதல்
பாடுகள் குருத்து ஞாயிறு வெற்றி ஆர்ப்பரிப்போடு எருசலேமில் நுழைதல் கோவிலைத் தூய்மைப்படுத்துதல் இரண்டாம் வருகை முன்னறிவிப்பு நறுமணத் தைலம் பூசப்படுதல் இறுதி இராவுணவு துணையாளரை அனுப்புவதாக உறுதி கூறல் இரத்த வியர்வை வடித்தல் யூதாசு காட்டிக் கொடுத்தல் கைது செய்யப்படுதல் தலைமைச் சங்கத்தின் முன்னிலையில் ஏரோது முன்னிலையில் பிலாத்துவிடம் ஒப்புவிக்கப்படல் சாட்டையால் அடிக்கப்படல் முள்முடி சூட்டப்படுதல் துன்பப் பாதை சாவு சிலுவையிலிருந்து இறக்கப்படல் அடக்கம் செய்யப்படல்
உயிர்த்தெழுதல் காலியான கல்லறை உயிர்த்த இயேசுவின் காட்சிகள் மகதலா மரியாவுக்குத் தோன்றல் எம்மாவு வழியில் சீடரைச் சந்தித்தல் பெரும் கட்டளை விண்ணேற்றம்
புதிய ஏற்பாட்டில் பிற பவுலின் மனமாற்றம் யோவானுக்கு வெளிப்படுத்தப்படல்
கிறித்தவம் portal விவிலியம் portal

பல கிறித்தவ பிரிவுகள் இந்த நிகழ்வை மார்ச் 25இல் கொண்டாடுகின்றனர். இது கிறித்துமசுக்கு ஒன்பது மாதங்களுக்கு முன் என்பதும் இது இயேசுவின் பாடுகளின் காலத்தில் நிகழ்கின்றது என்பதும் குறிக்கத்தக்கது. இத்தேதியினை முதன் முதலில் இவ்விழாவுக்கென கொண்டவர் இரனேயு (காலம்.130-202) ஆவார்.[2]

முக்காலத்தில் சம இரவு நாளினை ஒட்டி இவ்விழா நிகழ்ந்ததால், இது புத்தாண்டாக பல நாடுகளில் கொண்டாடப்பட்டது. கத்தோலிக்க திருச்சபையினரால் இந்த நிகழ்வு முன்னறிவிப்பு பேராலயத்தில் நடந்ததாக நம்பப்படுகின்றது. ஆயினும் பிற கிறித்தவ சபைகளிடையே இது குறித்த ஒத்த கருத்தில்லை.

கத்தோலிக்க திருச்சபையில், இயேசு பிறப்பின் முன்னறிவிப்பு நிகழ்வு, செபமாலையின் மகிழ்ச்சி மறைபொருள்களின் முதல் மறைபொருள் ஆகும்.