ஆஸ்திரியா

ஆஸ்திரியா அல்லது ஆத்திரியா (Austria /ˈɔːstriə/) அல்லது ஆஸ்திரியக் குடியரசு (Republic of Austria) என்பது ஐரோப்பாவில் உள்ள நிலப்பகுதிகளால் சூழப்பட்ட நாடு ஆகும். இங்கு 8.5 மில்லியன் மக்கள் வாழ்கின்றனர்.[2] இதன் எல்லைகளாக வடக்கே ஜெர்மனி, செக் குடியரசு, கிழக்கே சிலோவாக்கியா, ஹங்கேரி, தெற்கே சுலோவீனியா, இத்தாலி, மேற்கே சுவிட்சர்லாந்து, லீக்கின்ஸ்டைன் ஆகிய நாடுகள் அமைந்துள்ளன. இதன் அரசியல் தலைநகர் வியென்னா ஆகும். ஆல்ப்சு வானிலை உள்ள இந்நாடு 83,855 சதுர கிலோமீட்டர்கள் (32,377 sq mi) பரப்பளவில் அமைந்துள்ளது. இது ஆல்ப்ஸ் மலைத்தொடர்கள் பல உள்ள ஒரு அழகான நாடு ஆகும். நாட்டின் 32% நிலப்பகுதியே 500 மீட்டர்கள் (1,640 ft) கீழாக உள்ளது; மிக உயரமான சிகரம் 3,798 மீட்டர்கள் (12,461 ft) உள்ளது.[3] பெரும்பாலான மக்கள் இடாய்ச்சு மொழியின் உள்ளூர் பவேரிய வழக்குமொழிகளை தாய்மொழியாகக் கொண்டுள்ளனர்.[4] ஆத்திரிய இடாய்ச்சு மொழி நாட்டின் ஆட்சி மொழியாக உள்ளது.[5] மற்ற உள்ளூர் அலுவல் மொழிகளாக அங்கேரிய, பர்கென்லாண்ட் குரோசிய, சுலோவேனிய மொழிகள் உள்ளன.[3]

ஆஸ்திரியக் குடியரசு
Republik Österreich
கொடி சின்னம்
நாட்டுப்பண்: Land der Berge, Land am Strome  (ஜெர்மன்)
மலைகளின் நாடு, ஆறுகள் சூழப்பட்ட நாடு
அமைவிடம்: ஆஸ்திரியா  (dark green)

– on the European continent  (light green & dark grey)
– in ஐரோப்பிய ஒன்றியத்தில்  (light green)  —  [Legend]

அமைவிடம்: ஆஸ்திரியா  (dark green)

– on the European continent  (light green & dark grey)
– in ஐரோப்பிய ஒன்றியத்தில்  (light green)  —  [Legend]
தலைநகரம்வியன்னா
48°12′N 16°21′E
பெரிய நகர் தலைநகர்
ஆட்சி மொழி(கள்) ஜெர்மன்,
ஸ்லோவேன் , குரேசியன் மற்றும் ஹங்கேரியன்
மக்கள் ஆஸ்திரியர்கள்
அரசாங்கம் கூட்டாட்சி பாராளுமன்றக் குடியரசு
 •  குடியரசுத்தலைவர் அலெக்சாந்தர் வான் டெர் பெலென்
 •  சான்ஸ்லர் செபாஸ்டியன் குர்ட்ஸ்
தன்னாட்சி
 •  ஆஸ்திரிய அரச உடன்பாடு அமலில் உள்ளது.
ஜூலை 27, 1955 
 •  நடுநிலைமை அறிவிப்பு அக்டோபர் 26, 1955 (முன்பு: ஆஸ்திரியப் பேரரசு: 1804, முதல் ஆஸ்திரியக் குடியரசு: 1918) 
பரப்பு
 •  மொத்தம் 83,872 கிமீ2 (115வது)
32 சதுர மைல்
 •  நீர் (%) 1.7
மக்கள் தொகை
 •  2007 கணக்கெடுப்பு 8,316,487 (93வது)
 •  2001 கணக்கெடுப்பு 8,032,926
 •  அடர்த்தி 99/km2 (99வது)
257/sq mi
மொ.உ.உ (கொஆச) 2008 கணக்கெடுப்பு
 •  மொத்தம் $317.007 பில்லியன்[1] (34வது)
 •  தலைவிகிதம் $39,647[1] (IMF) (8வது)
மொ.உ.உ (பெயரளவு) 2008 கணக்கெடுப்பு
 •  மொத்தம் $371.219 பில்லியன்[1] (23வது)
 •  தலைவிகிதம் $44,851[1] (IMF) (12வது)
ஜினி (2000)29.1
தாழ்
மமேசு (2005) 0,951
Error: Invalid HDI value · 14வது
நாணயம் யூரோ (€) ² (EUR)
நேர வலயம் CET (ஒ.அ.நே+1)
 •  கோடை (ப.சே) CEST (ஒ.அ.நே+2)
அழைப்புக்குறி 43
இணையக் குறி .at ³
1. ஸ்லோவேன், குரேஷியன், ஹங்கேரியன் என்பன அதிகாரபூர்வமான பிராந்திய மொழிகளாகும்.
2. 1999 முன்பு: ஆஸ்டிரியன் ஷில்லிங்.
3. .eu ஏனைய ஐரோப்பிய ஒன்றிய நாடுகளுடன் பகிரப்பட்டுள்ளது.

ஆஸ்திரியாவின் பெரும்பகுதி புனித உரோமைப் பேரரசு ஆளுகையில் ஆப்சுபர்கு மன்னர்களின் கீழ் இருந்தது. கிறித்தவச் சீர்திருத்த இயக்கத்தின் போது பேரரசரின் அதிகாரத்தை எதிர்த்து பல வடக்கத்திய செருமன் இளவரசர்கள் சீர்திருத்தத் திருச்சபையை ஆதரித்தனர். முப்பதாண்டுப் போர், சுவீடன் பிரான்சு, பிரசியாவின் எழுச்சி, நெப்போலியப் போர்கள் ஆகியனவற்றால் பேரரசின் அதிகாரம் வடக்கு செருமனியில் வெகுவாகக் குறைந்தது; ஆனால் தெற்கும் செருமனியல்லாத பகுதிகளும் பேரரசு மற்றும் கத்தோலிக்கத் திருச்சபையின் கட்டுப்பாட்டில் இருந்தன. 17வது,18வது நூற்றாண்டுகளில் ஐரோப்பாவின் உலக வல்லமைகளில் ஒன்றாக ஆஸ்திரியா இருந்தது.[6][7] பிரான்சின் முதலாம் நெப்போலியன் பிரான்சு பேரரசராக முடி சூடியபோது அதற்கு எதிர்வினையாக ஆஸ்திதிரிய பேரரசு 1804இல் நிறுவப்பட்டது. நெப்போலியனின் தோல்விக்குப் பிறகு ஆஸ்திதிரியா செருமனியின் பெரும்பகுதியை கட்டுப்படுத்த பிரசியா முதன்மை போட்டியாளராக இருந்தது. 1866இல் ஆஸ்திதிரிய-பிரசியாப் போரில் தோற்றதால் பிரசியா செருமனியின் பெரும்பகுதியை கையகப்படுத்தியது. 1867இல் ஏற்பட்ட உடன்பாட்டின்படி ஆஸ்திரியா-அங்கேரி உருவானது. 1870இல் பிரசியாவுடனான போரில் பிரான்சு தோற்றபிறகு புதிய செருமானியப் பேரரசு உருவாக்கப்பட்ட போது ஆஸ்திதிரியா சேர்த்துக்கொள்ளப்படவில்லை. பிந்தைய ஆண்டுகளில் ஆஸ்திதிரியாவின் அரசியலும் வெளியுறவுக் கொள்கையும் பிரசியாவுடன் இணைந்திருந்தது. 1914ஆம் ஆண்டில் பிரான்ஸ் பேர்டினண்டின் கொலையை அடுத்த சூலை சிக்கலின்போது செருமன் அரசு வழிகாட்டுதலில் செர்பியாவிற்கு இறுதி எச்சரிக்கை விடுத்தது; இதுவே முதல் உலகப் போர் மூளக் காரணமாயிற்று.

முதல் உலகப் போரின் முடிவில் 1918இல் ஆப்சுபர்கு பேரரசு குலைந்த பிறகு ஆஸ்திரியா வீமார் குடியரசின் செருமனியுடன் இணையும் எண்ணத்துடன் செருமன்-ஆஸ்திரியா குடியரசு (Deutschösterreich, பின்னர் Österreich) எனப் பெயர் சூட்டிக்கொண்டது. ஆனால் 1919இல் செயின்ட்-செருமைன்-ஆன்-லாயெ உடன்பாட்டின்படி இது தடை செய்யப்பட்டது. 1919இல் முதல் ஆஸ்திரிய குடியரசு நிறுவப்பட்டது. 1938இல் நாட்சி ஜெர்மனி ஆஸ்திரியாவைக் கைப்பற்றியது.[8] 1945இல் இரண்டாம் உலகப் போர் முடியும்வரை இந்நிலை நீடித்தது. செருமனியை கைப்பற்றிய நேசநாடுகள் ஆஸ்திரியாவின் முந்தைய குடியரசு அரசியலமைப்பை மீள்வித்தது. 1955இல் ஆஸ்திரியா இறையாண்மையுள்ள நாடாக அறிவிக்கப்பட்டது. அதே ஆண்டில் ஆஸ்திரிய நாடாளுமன்றம் நடுநிலை சாற்றுரையை நிறைவேற்றியது; இதன்மூலம் இரண்டாம் ஆஸ்திரியக் குடியரசு நிரந்தரமாக நடுநிலை நாடாக உருவானது.

இன்று ஆஸ்திரியா ஒன்பது கூட்டாண்மை மாநிலங்களைக் கொண்ட நாடாளுமன்ற சார்பாண்மை மக்களாட்சி ஆகும்.[3][9] 1.7 மில்லியன் மக்கள்தொகை கொண்ட வியன்னா தலைநகராகவும் மிகப் பெரும் நகருமாகவும் உள்ளது.[3][10] $46,330 (2012 மதிப்பீடு) ஆள்வீத மொத்த தேசிய உற்பத்தி கொண்ட ஆஸ்திரியா உலகின் செல்வமிக்க நாடுகளில் ஒன்றாகும். நாட்டின் வாழ்க்கைத்தரம் மிக உயர்ந்ததாக உள்ளது; 2011இல் மனித வளர்ச்சிச் சுட்டெண்சில் உலகில் 19வது இடத்தில் உள்ளது. ஐக்கிய நாடுகள் அவையில் 1955 முதல் உறுப்பினராக உள்ளது;[11] 1995இல் ஐரோப்பிய ஒன்றியத்துடன் இணைந்தது;[3] பொருளியல் கூட்டுறவு மற்றும் வளர்ச்சிக்கான அமைப்பு நிறுவன நாடாக உள்ளது.[12] ஆஸ்திரியா 1995இல் செஞ்சென் உடன்பாட்டிலும் கையொப்பிட்டுள்ளது.[13] 1999இல் ஐரோப்பிய நாணயமாற்றான ஐரோவை ஏற்றுக் கொண்டது.

இலங்கை தமிழர் புலம்பெயர்ந்து வாழும் நாடுகளில் ஆஸ்திரியாவும் ஒன்று.

வரலாறு

பண்டைய காலம்

பண்டைய காலத்தில் நீண்ட காலத்துக்கு முன் பல மனிதக் குடியிருப்புக்கள் இருந்த இடமே தற்போது ஆஸ்திரியாவாக உள்ளது. முதல் குடியேறிகள் குடியேறியது பழைய கற்காலத்திலேயே ஆகும். அது நியண்டர்தால் மனிதனின் காலம் ஆகும். கற்காலத்தில் மக்கள் அங்கு செப்பு போன்ற கனிய வளங்களை தோண்டுவதற்காகவே வாழ்ந்து வந்தனர். பண்டைய ஆஸ்திரியாவில் ஏட்சி எனும் ஒருவகை பனிமனிதன் இத்தாலிக்கும் ஆஸ்திரியாவுக்கும் இடையில் ஒடும் பனியாற்றில் கண்டுபிடிக்கப்பட்டான். வெண்கலக் காலத்தில் மக்கள் பெரிய குடியிருப்புக்களையும் கோட்டைகளையும் கட்டினர், குறிப்பாக கனிய வளங்கள் எங்கு அதிகமாகக் காணப்பட்டதோ அவ்விடங்களுக்கு அருகில் குடியிருப்புக்களையும் கோட்டைகளையும் அமைத்துக்கொண்டனர். அவர்கள் ஆஸ்திரியாவின் மேல்பகுதியில் உப்புச் சுரங்கங்களையும் அமைக்கத் தொடங்கினர்.

ரோமானியர்கள்

ரோமானிய நகரங்களும் அவற்றின் நவீன பெயர்களும்
ரோமானியர்களால் நவீன ஆஸ்திரியா மூன்று மாகாணங்களாகப் பிரிக்கப்பட்டிருக்கும் வரைபடம்

ரோமானியர்கள் ஆஸ்திரியாவுக்கு கி.மு. பதினைந்தாம் ஆண்டில் வந்தார்கள், இவர்களின் வருகையின் பின் ஆஸ்திரியா மாகாணங்களாகப் பிரிக்கப்பட்டது. நவீன ஆஸ்திரியா மூன்று மாகாணங்களாகப் பிரிக்கப்பட்டது, அவையாவன,

  • ரேட்டியா (Raetia)
  • நொரிசும் (Noricum)
  • பனோனியா (Pannonia) என்பவையாகும்.

நவீன நேரங்களில்

நவீன காலங்களில் ஆஸ்திரியா ஆஸ்திரிய பேரரசால் ஆளப்பட்டு வந்தது. இக்காலம் கிமு 800க்கும் 1918க்கும் இடைப்பட்ட காலமாகும். இது அக்காலங்களில் ஆஸ்திரியா பேரளவாக ஹப்ஸ்பர்க் அரச வம்சத்தினாலேயே ஆளப்பட்டு வந்தது.

சமயங்கள்

இருபதாம் நூற்றாண்டின் முடிவில் எழுபத்து நான்கு வீதமான மக்கள் சனத்தொகை ரோமன் கத்தோலிக்கமாகவே காணப்பட்டது.

புவியியல்

எல்லைகள்
ஆஸ்திரியாவின் எல்லைநாடுகள்

ஆஸ்திரியா ஏழு நாடுகளை எல்லைகளாகக் கொண்டுள்ளது. வடக்குத் திசையில் செக் குடியரசும், கிழக்குத் திசையில் சிலோவாக்கியா மற்றும் ஹங்கேரியும், தெற்குத் திசையில் சிலோவேனியா மற்றும் இத்தாலியும் மேற்கு வடமேற்குத் திசைகளில் முறையே சுவிஸ்ர்லாந்தும், செருமனியும் உள்ளன.

நிர்வாகப் பிரிவுகள்

ஆஸ்திரியா ஒன்பது பிரிவுகளாகப் பிரிக்கப்பட்டுள்ளது. அந்த ஒன்பது பிரிவுகளும் மாவட்டங்களாகவும் சட்டரீதியான நகரங்களாகவும் (statutory cities) பிரிக்கப்பட்டுள்ளன. மாவட்டங்கள் நகராட்சி மன்றங்களாகப் பிரிக்கப்பட்டுள்ளது.

புர்கென்லான்ட்
கரிந்தையா

கீழ் ஆசுதிரியா
மேல் ஆசுதிரியா

சால்சுபெர்கு
இசுடைரியா
டைரோல்
டைரோல்

வொரார்ல்பெர்கு
மாநிலம்தலைநகரம் பரப்பளவு (sq km)சனத்தொகை
புர்கென்லான்ட் (Burgenland)ஏய்சென்ச்டட்ர் (Eisenstadt) 3,966286,215
கரின்தையா(Carinthia)க்லஜென்ஃபுர்ட் (Klagenfurt) 9,536557,773
கீழ் ஆஸ்திரியா (Lower Austria)சன்க்ட் பொல்ட்டென்(Sankt Pölten) 19,1741,617,455
சல்பேர்க் (Salzburg)சல்பேர்க் (Salzburg) 7,154534,122
சிடிரியா(Styria)க்ராஸ்(Graz) 16,3921,213,255
டைரொல் (Tyrol)இன்ஸ்புரக் (Innsbruck) 12,648714,449
மேல் ஆஸ்திரியா (Upper Austria)லின்ஸ் (Linz) 11,9801,416,772
வியன்னா 4141,731,236
வொரர்ல்பேர்க் (Vorarlberg)பிரெக்ன்ஸ் (Bregenz) 2,601371,741

படத் தொகுப்பு
  • ஹோல்ச்டட் (Hallstatt)
  • சல்ச்பேர்க் (Salzburg)
  • ஸ்கோன்ப்ரூன் மாளிகை (Schönbrunn palace)
  • செம்மெரிங் புகையிரதப்பாதை(Semmering railway)
  • க்ர்யாஸ் (Graz)
  • ஸ்க்லொஸ் எக்கின்பேர்க் (Eggenberg palace)
  • வார்ஸ்சௌ (Wachau)
  • நெயுசிஎட்லெர் (Lake Neusiedl)

மேற்கோள்கள்
  1. Austria, economic data
  2. "Bevölkerungsstand und −veränderung". Statistik Austria (19 May 2011). பார்த்த நாள் 24 July 2011.
  3. "Austria". த வேர்ல்டு ஃபக்ட்புக். நடுவண் ஒற்று முகமை (14 May 2009). மூல முகவரியிலிருந்து 10 June 2009 அன்று பரணிடப்பட்டது. பார்த்த நாள் 31 May 2009.
  4. "Die Bevölkerung nach Umgangssprache, Staatsangehörigkeit und Geburtsland" (PDF). Statistik Austria. மூல முகவரியிலிருந்து 13 November 2010 அன்று பரணிடப்பட்டது. பார்த்த நாள் 17 November 2010.
  5. "Austria". பிரித்தானிக்கா கலைக்களஞ்சியம் (31 May 2009). மூல முகவரியிலிருந்து 19 April 2009 அன்று பரணிடப்பட்டது. பார்த்த நாள் 31 May 2009.
  6. Market Liberalism: A Paradigm for the 21st Century, page 247, David Boaz, Edward H. Crane, கேட்டோ நிறுவனம், Washington D.C. 1993, ISBN 978-0-932790-98-9
  7. The Transformation of European Politics, 1763–1848, Oxford History of Modern Europe, page 209, Paul W. Schroeder, Oxford University Press, 1996, ISBN 978-0-19-820654-5
  8. "Anschluss". பிரித்தானிக்கா கலைக்களஞ்சியம் (24 September 2009). பார்த்த நாள் 31 May 2009.
  9. Lonnie Johnson 17
  10. "Probezählung 2006 – Bevölkerungszahl" (PDF) (German). Statistik Austria (31 October 2006). பார்த்த நாள் 27 May 2009.
  11. Jelavich 267
  12. "Austria About". OECD. மூல முகவரியிலிருந்து 6 May 2009 அன்று பரணிடப்பட்டது. பார்த்த நாள் 20 May 2009.
  13. "Austria joins Schengen". Migration News (May 1995). பார்த்த நாள் 30 May 2009.
This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.