தஞ்சாவூர் ரத்னகிரீஸ்வரர் கோயில்

இக்கோயில் இரண்டாம் சரபோஜி மன்னரால் கி.பி.1826இல் கட்டப்பெற்றதாகும்.[1] ராஜகோபுரம், முன் மண்டபம், கருவறை, விமானம், வெளிச்சுற்று ஆகிய அமைப்புகளோடு விளங்குகிறது. மூலவர் சன்னதியின் இடப்புறம் அராளகேசி அம்மன் சன்னதி உள்ளது. மூலவர் கருவறை கோஷ்டத்தில் தட்சிணாமூர்த்தி உள்ளார். திருச்சுற்றில் விநாயகர், வள்ளிதெய்வானையுடன் கூடிய சுப்பிரமணியர், கஜலட்சுமி, சண்டிகேஸ்வரர் சன்னதிகள் உள்ளன. கால பைரவர், சூரியன், சனீஸ்வரர் இக்கோயிலில் உள்ளனர்.

இக்கோயிலின் மூலவராக ரத்னகிரீஸ்வரர் உள்ளார். அவர் ரத்னபூரிஸ்வரர் என்றும் அழைக்கப்படுகிறார்.

இங்குள்ள கல்வெட்டுகள் மூலமாக 2 ஆகஸ்டு 1993 மற்றும், 7 சூலை 2014 ஆகிய நாள்களில் இக்கோயிலில் குடமுழுக்கு நடைபெற்றதை அறியமுடிகிறது.