அருண் சோரி

இந்தியா, ஜலந்தரை சேர்ந்த ஹரி தேவ் ஷோரி என்பவருக்கு மகனாக பிறந்தார். அவர் தந்தை சமூகத்தினரின் தனி உரிமைகள் சம்பந்தமான (ஐஏஎஸ்) அதிகாரியாக இருந்து பின் நுகர்வோர் உரிமை செயல் வீரராக மாறியவர். இந்திய பிரிவினையின் போது லாஹூரில் நீதிபதியாக இருந்த அவர் தந்தை, பின்னர் இந்தியாவிற்கு தன் குடும்பத்துடன் வந்தார். அருண் பாரக்கம்பா மாடர்ன் பள்ளியிலும், டெல்லி செயின்ட் ஸ்டீபனிலும் கல்வி பயின்றார். அமெரிக்க ஐக்கிய நாட்டின் சிரகூஸ் பல்கலைகழகத்தில் பொருளாதாரத்தில் டாக்டர் பட்டம் பெற்றார்.[3] அவரது சகோதரி நளினி சிங் ஒரு பத்திரிகையாளர் ஆவார்.

1979 ஆம் ஆண்டு இந்தியன் எக்ஸ்பிரஸ் செயற்குழு ஆசிரியராக இருந்த போது பல தொடர்களை அவர் கைப்பட எழுதினார். அவற்றில் அரசாங்கத்தின் உயர்மட்டத்தில் நிகழும் பல்வேறு ஊழல்களை அம்பலப்படுத்தினார். அவற்றுள் மிக முக்கியமான சம்பவம் 'இந்திய வாட்டர்கேட்' என்று அழைக்கப்பெற்ற ஊழல் சம்பவமாகும்.[4] அன்றைய மகாராஷ்டிர முதல் அமைச்சராக இருந்த அப்துல் ரஹ்மான் அந்துலேவுக்கு எதிராக தனி மனிதனாக ஷோரி 1981 ஆம் ஆண்டு தீவிர போராட்டம் நடத்தினார். அரசாங்க உதவியை நம்பியிருந்த தொழில் நிறுவனங்களை மிரட்டி பல லட்சங்களை திரட்டி இந்திரா காந்தி பெயர் கொண்ட அறக்கட்டளை ஒன்றில் சேர்த்ததாக அவர் மீது குற்றம் சாட்டினார். இறுதியாக அந்த செய்தி மூலம் அவர் முதல் அமைச்சர் பதவியில் இருந்து ராஜினாமா செய்ய வேண்டிய கட்டாயம் ஏற்பட்டது. பத்திரிகை எழுத்தின் மூலம் இந்தியாவில் மிக பெரிய பொறுப்பு வகிக்கும் அதிகாரி ராஜினாமா செய்தது காந்திக்கும், ஆளும் காங்கிரஸ் கட்சிக்கும் மிகப்பெரிய அவமானமாக தீர்ந்தது.[5]

ஷோரியின் வெளிப்பாடுகள் மும்பை இந்தியன் எக்ஸ்பிரஸ் அலுவலகத்தில் நீண்ட தொழிலாளர் பிரச்சினையை ஏற்படுத்தியது. அந்துலேவுடன் தொடர்புடைய ஒரு தொழிலாளர் சங்கம் இந்தியாவில் இதர பத்திரிக்கை நிறுவனங்கள் வழங்கும் குறைந்த பட்ச ஊதிய தொகையை விட இரண்டு மடங்கு அளிக்க வேண்டும் என்று வேலை நிறுத்தம் செய்ய தொழிலாளர்களை தூண்டியது. இந்தியன் எக்ஸ்பிரஸ் மீது பல்வேறு நிறுவனங்கள் வழக்கு தொடுக்கவும், அரசாங்கம் நடவடிக்கை எடுக்கவும் காரணமாக அமைந்தது. அரசாங்கத்தின் தொடர்ந்த வற்புறுத்தலினால் 1982ஆம் ஆண்டு பத்திரிகை உரிமையாளர் ராம்நாத் கோயங்கா ஷோரியை வெளியேற்றினார்.[6]

1982 ஆம் ஆண்டு முதல் 1986 வரை பீப்பில்ஸ் யூனியன் பார் சிவில் லிபெர்டிஸ் என்ற அமைப்பிற்கு பொது செயலாளராக இருந்து கொண்டே பல செய்தித்தாள்களிலும், பத்திரிகைகளிலும் ஷோரி எழுதினார். 1986 ஆம் ஆண்டில் டைம்ஸ் ஆப் இந்தியாவின் செயற்குழு ஆசிரியராக சேர்ந்தார் ஆனால் 1987 ஆம் ஆண்டில் கோயங்கா அவரை திரும்பவும் இந்தியன் எக்ஸ்பிரசில் சேர்த்துக் கொண்டார். அப்போதைய பிரதம மந்திரியாக இருந்த ராஜீவ் காந்தி மீது போபோர்ஸ் ஹோவித்சர் துப்பாக்கி வாங்கியது தொடர்பான முறைகேடுகளை ஷோரி அம்பலப்படுத்தினார். இது பின்னர் நடந்த நாடாளுமன்ற தேர்தல்களில் ராஜீவ் காந்தியின் தோல்விக்கு காரணமாக அது அமைந்தது.

பத்திரிகை சுதந்திரம் சார்பாக பல போராட்டங்களை ஷோரி நடத்தினார். அவற்றுள் 1988 ஆம் ஆண்டில் அரசாங்கம் கொண்டு வர முயன்ற அவதூறு சட்டத்திற்கு எதிராக அவர் நடத்திய போராட்டம் மிக முக்கியமானதாக அமைந்தது. அத்தகைய சட்டம் நாடாளுமன்றத்தில் மிக விரைவாக கொண்டு வருவதற்கு இந்தியன் எக்ஸ்பிரஸ் செயல்பாடுகளை தடுக்க வேண்டும் என்ற நோக்கமே மிக முக்கிய காரணம் என்று பலர் கருதினார்கள். அனைத்து ஊடகப் பிரிவினரும் ஷோரிக்கு ஆதரவு தெரிவித்து அந்த முயற்சியை பலமாக எதிர்த்தனர்.

ஒரு சமயத்தில் இந்தியன் எக்ஸ்பிரசுக்கு எதிராக அரசாங்கம் 300 வழக்குகளை பதிவு செய்தது. வங்கி கடன் உதவி ரத்தானது. இருந்தாலும் ஷோரி அரசாங்க ஊழல்களுக்கு எதிராக தனது போராட்டத்தை 1990 வரை தொடர்ந்தார். அச்சமயம் இந்தியன் எக்ஸ்பிரஸ் இதழாசிரியருக்குரிய கொள்கைகளில் ஏற்பட்ட கருத்து வேறுபாடு காரணமாக அவர் ராஜினாமா செய்ய நேர்ந்தது. அரசாங்க வேலைகளில் மிகவும் பிற்படுத்தபட்டோருக்கான இட ஒதுக்கீடு செய்வதற்காக அப்போதைய பிரதம மந்திரி வி.பி.சிங் தலைமையிலான அரசு மண்டல் கமிஷன் அறிக்கையை அமல்படுத்த மேற்கொண்ட முயற்சிகளை ஷோரி எதிர்த்ததும் ஒரு காரணமாகும். அதற்கு பின் அவர் தனது கவனத்தை பல நூல்களை எழுதுவதில் திருப்பினார். அவருடைய எழுத்துக்கள் இந்தியாவின் அனைத்து பகுதிகளிலும் பல்வேறு மொழிகளில் 30க்கும் மேற்பட்ட செய்தித்தாள்களில் வெளிவந்தன.

ஷோரி பாரதீய ஜனதா கட்சியின் (பிஜேபி) ஒரு உறுப்பினர் ஆவார். அவர் ராஜ்ய சபா உறுப்பினராக இருந்துள்ளார், மற்றும் அடல் பிஹாரி வாஜ்பாய் பிரதம மந்திரியாக இருந்த போது, இந்திய அரசாங்கத்தில் டிஸ்இன்வெஸ்ட்மென்ட் (முதலீட்டை திரும்பிப் பெறுதல்), தகவல் மற்றும் தொலை தொடர்பு, மந்திரியாக பதவி வகித்தார். டிஸ்இன்வெஸ்ட்மென்ட் மந்திரியாக இருந்த போது மாருதி, விஎஸ்என்எல் மற்றும் ஹிந்துஸ்தான் ஜின்க் ஆகியவற்றின் பங்குகளை விற்க வழிவகை செய்தார். அவருடைய மந்திரி பொறுப்பு சர்ச்சைக்குரியதாக அமைந்தது. ஆனால் அவரும், அவர் செயலாளர் பிரதிப் பைஜலும் பல நடவடிக்கைகளை மிகச்சிறந்த முறையில் துவக்கியதற்காக மதித்தனர். இந்தியாவின் 100 முன்னணி தலைமை நிர்வாக அதிகாரி (சிஈஒ)-களுக்கான 2004 பிப்ரவரி வாக்கெடுப்பில் வாஜ்பாய் அரசாங்கத்தின் தலை சிறந்த அமைச்சராக ஷோரி தேர்ந்தேடுக்கபட்டார்.[7]

2000 ஆம் ஆண்டு ஷோரி பாராளுமன்ற உறுப்பினர்களுக்கான உள்ளூர் வளர்ச்சி திட்ட நிதியிலிருந்து செலவு செய்யக்கூடிய முழுத்தொகையான ரூபாய் 11.90 கோடியையும் கான்பூர் இந்தியன் இன்ஸ்டிட்டியுட் ஆப் டெக்நாலஜியின் பயோ-சயன்சஸ் மற்றும் பயோ-இஞ்சிநியரிங் பிரிவை]] அமைப்பதற்கு அர்பணித்தார். மறுபடியும் 2005 ஆம் ஆண்டில் தனது வாக்குறுதியை நிறைவேற்றும் வகையில் அதே கல்லூரிக்கு சுற்றுப்புறச்சூழல் அறிவியல் மற்றும் சுற்றுபுறச்சூழல் பொறியியல்துறை தனி கட்டிடத்திற்கு அனைத்து வசதிகளையும் செய்வதற்கு ரூபாய் 11 கோடிகள் அளித்தார்.

2007 ஆம் ஆண்டு பிரதிபா பாட்டில் இந்திய ஜனாதிபதியாக நியமிக்கப்படுவதை எதிர்த்தவர்களில் ஷோரி மிக முக்கியமானவர் ஆவார். 'இப்படி குற்றம் சாட்டப்பெற்றவர் இந்திய ஜனாதிபதியாக ஆவதற்கு தகுதி உடையவர்தானா?' என்ற தலைப்பில் வெளியான சிறு நூலில் அருண் ஷோரி இரு கட்டுரைகள் எழுதினார். அக்கட்டுரையில் காங்கிரஸ் வேட்பாளரின் மிகவும் கேள்விக்குறியான கடந்த கால வாழ்க்கையை பற்றி விவாதித்திருந்தார். கரன் தாபருடன் நடந்த நேருக்கு நேர் நிகழ்ச்சியில் ஷோரி, பிரதிபா பாட்டில் துவங்கிய பிரதிபா மகிலா சஹாகரி வங்கியில் அவரும் மற்றும் அவரது குடும்பத்தினரும் பொறுப்பில் இருந்த போது எப்படி பணத்தை சுரண்டினர் என்பதை வலுவான பல ஆதாரங்களுடன் விளக்கினார். பிரதிபா பாட்டில் குடும்ப உறுப்பினர்களுக்கு வழங்கிய கடன் தொகைக்கான வட்டியை சட்ட விரோதமாக தள்ளுபடி செய்தது கண்டு பிடித்ததால் 2003 ஆம் ஆண்டு இந்திய ரிசர்வ் வங்கி அந்த வங்கியின் உரிமத்தை ரத்து செய்தது.[8] அவருடைய சகோதரார் ஜி.என்.பாட்டில் மீதான கொலை குற்றச்சாட்டு வழக்கில் நீதியை தடுக்க முயன்றதாகவும் அவர் மீது ஷோரி குற்றம் சாட்டினார்.

2009 ஆம் ஆண்டு பொது தேர்தலில் பிஜேபி தோல்வியுற்றதை தொடர்ந்து, அக்கட்சியினுள் தோல்விக்கான காரணம் குறித்த தன்னிலை விளக்கம் மற்றும் பொறுப்பு போன்றவற்றை பற்றி விவாதிக்க வேண்டி யஸ்வந்த் சின்ஹா மற்றும் ஜஸ்வந்த் சிங் ஆகியோருடன் சேர்ந்து அருண் ஷோரி குரல் கொடுத்தார். முஹம்மது அலி ஜின்னாவை தனது நூலில் போற்றியதாக மூத்த பிஜேபி தலைவர் ஜஸ்வந்த் சிங் கட்சியிலிருந்து வெளியேற்றிய பொழுது, விரும்பதகாத சம்பவங்கள் நடை பெற்றன. ஜஸ்வந்த் சிங்கை ஆதரித்து இந்தியன் எக்ஸ்ப்ரஸில் எழுதிய கட்டுரையில் ஷோரி பிஜேபி கட்சி தலைவர் ராஜ்நாத் சிங்கின் எதேச்சதிகாரம் பற்றி குறிப்பிடும்படியாக ஹம்ப்டி டம்ப்டி மற்றும் அலைஸ் இன் ப்லேன்டெர்லாந்து போன்ற சொற்றொடர்களை பயன்படுத்தினார்.[9]

ஷோரியின் மனைவி அனிதா ஷோரி மற்றும் அவர்களுக்கு ஒரு மகன் உள்ளார்.

அவரது எழுத்துக்கள் நாட்டில் அவருக்கு கணிசமான ரசிகர்களை பெற்று தந்துள்ளது. மேலும் தேசிய அளவிலும், சர்வதேச அளவிலும் பல அங்கீகாரங்களை பெற்றுள்ளார். அவற்றுள் சில - பத்ம பூஷண், மக்சேசே பரிசு, தாதாபாய் நவரோஜி விருது, ஆஸ்டர் விருது கே.எஸ்.ஹெக்டே விருது, சிறந்த சர்வதேச ஆசிரியர் ஆண்டு விருது மற்றும் பதிப்பக உரிமை விருது

• நாம் ஒரு விலையும் கொடுக்கக் கூடாது என்ற அவர் இந்தியன் எக்ஸ்ப்ரெஸ் நாளிதழில் எழுதியது, ராஜ்ய சபாவில் அவருடைய பேச்சுக்கள் மற்றும் ஐ.ஐ.டி. கான்பூர் ஆகிய இடங்களில் அவர் ஆற்றிய உரைகளின் தொகுப்பு, உயர் கல்வித் துறை, அரசியல் துறை மற்றும் பொருளாதாரத் துறையில் பல மாற்றங்களை கொண்டு வர வேண்டிய கட்டாயங்களை சுட்டுவதாகும். அவர் பி.ஜே.பி.யில் இருந்து வந்தாலும், குறிப்பாக பி.ஜே.பி.கட்சியில் பல மாற்றங்களைக் கொண்டு வர வேண்டும் என்று விரும்பினார்.
• பொய் கடவுள்களை வழிபடுவது என்ற தனது நூலில் ஷோரி தலித் தலைவரான பி.ஆர்.அம்பேத்காரை விமரிசித்தார். பிரித்தானியர்களுடன் சேர்ந்து பதவி மற்றும் பொருள் சேர்க்க முனைந்ததாக அவர் குற்றம் கூறுகிறார்.
• ஒரு மதசார்பற்ற நிகழ்ச்சி நிரல் (1997, ஐஎஸ்பிஎன் 81-900199-3-7) என்ற நூலில் ஷோரி மைனாரிடிகளை (சிறுபான்மையர்) களை திருப்திபடுத்துவதால் இந்தியாவிற்கு ஏற்படும் பிரச்சனைகளையும் மற்றும் இந்திய அரசியல்வாதிகள் பின்பற்றும் பொய்யான மதச்சார்பின்மை பற்றியும் விளாசுகிறார்.[10] நாடு என்றால் என்ன என்ற விரிவுரையுடன் அந்நூல் தொடங்குகிறது. பல்வேறு மொழிகள் மற்றும் மதங்கள் உள்ளதால் இந்தியாவை ஒரே நாடாக கருத முடியாதவர்களுக்கு ஐரோப்பாவில் உள்ள நாடுகளை உதாரணமாக எடுத்துக்காட்டுகிறார். பொதுவான சிவில் சட்டம் ஏற்படவும், இந்திய அரசியல் அமைப்பு சட்டத்தின் 370 பிரிவை ஒழிக்கவும் அந்நூலில்[10] விவாதித்தார். வங்க தேசத்தில் இருந்து குடியேற வருபவர்களினால் ஏற்படும் பிரச்சினைகளையும், அதை தடுக்க இயலாத இந்திய அரசாங்கத்தை பற்றியும் விவாதித்தார்
• சிறந்த வரலாற்று ஆசிரியர்கள் : அவர்கள் தொழில்நுட்பம், அவர்கள் நிலைப்பாடு, அவர்கள் மோசடி (1998, ஐஎஸ்பிஎன் 81-900199-8-8) என்ற நூல் என்சிஈஆர்டி கருத்து வேறுபாடு இந்திய அரசியல் மற்றும் மார்க்சிஸ்ட் ஹிஸ்டோரியோகிராபி தாக்குதல் பற்றி விவாதிக்கிறது. மார்க்சிஸ்ட் வரலாற்று ஆசிரியர்கள் இந்திய வரலாற்று ஆராய்ச்சி குழுமம் (ஐசிஎச்ஆர்), தேசிய கல்வி ஆராய்ச்சி மற்றும் பயிற்சி குழுமம் (என்சிஈஆர்டி) போன்றவற்றை கட்டுப்படுத்தி அதன் மூலம் அவற்றை தவறாக பயன்படுத்தி மற்றும் பல ஆய்வாளர்களையும், ஊடகங்களையும் தவறான வழியில் கொண்டு சென்றதாக கூறுகிறார். ரொமிலா தாபர் மற்றும் இர்பான் ஹபிப் போன்ற நன்கு அறிந்த வரலாற்று ஆய்வாளார்களை அவர் விமர்சித்தார். கஜினி முஹம்மது மற்றும் அவுரங்கசீப் போன்ற அரசர்களின் வரலாற்றை மார்க்சிஸ்ட் வரலாற்று ஆய்வாளர்கள் வெள்ளையடித்து அழித்து மறைத்து விட்டதாக ஷோரி வாதிடுகிறார். இந்த பாட புத்தககங்களில் இந்தியா மற்றும் இந்திய மாநிலங்களை சேர்ந்த பிரபல புள்ளிகளை விட அன்னிய தலைவர்களான கார்ல் மாக்ஸ் மற்றும் ஸ்டாலின் போன்றவர்களை பற்றி மிக அதிகமாக விளக்கபட்டிருப்பதை பல உதாரணங்கள் மூலம் சுட்டிகாட்டியுள்ளார் ரஷ்யா வின் மார்க்சிஸ்ட் பாட புத்தகங்களுக்கு எதிராக ஷோரி இவ்வாறு எழுதுகிறார். இந்திய மார்க்சிஸ்ட் வெளியிடும் வரலாற்று நூல்களை விட தரமான சோவியத் நூலான "இந்திய வரலாறு" (1973) கருத்துள்ளதாகவும், உண்மையானதாகவும் இருப்பதாக ஷோரி கூறுகிறார்.
• பின்னோக்கி செல்கிறோம்: இட ஒதுக்கீடு மற்றும் ஜனரஞ்சகமான சட்டங்களுக்கு எதிரான கட்டுரை  : இட ஒதுக்கீட்டின் வரலாறு, இட ஒதுக்கீடு அறிமுகப்படுத்தியதன் நோக்கம், அவற்றிற்குரிய பிரிவுகள் மற்றும் பயன்படுத்திய சொற்களின் சரியான காரணம் போன்றவற்றை ஷோரி ஆராய்கிறார். நீதி மன்றங்கள் வழங்கியுள்ள தீர்ப்புகளை சுட்டிகாட்டி சட்டம் மூல மதிப்புகளின் பாதுகாவலன் என்ற நிலையிலிருந்து எவ்வாறு கீழிறங்கி அவற்றை நேராகவே மதிக்கத் தவறுகிறது என்று விளக்குகிறார். நீதி மன்றங்கள் அரசியல் அமைப்பை தமக்கு சாதகமாக பயன்படுத்தி தாராளமாக வழங்கும் தீர்ப்புகள் மூலம் ஏற்படும் நிகழ்வுகள் அரசியல் அமைப்பின் மூல நோக்கிற்கு முற்றிலும் எதிராக சென்றுள்ளதை ஆராய்கிறார். பல்வேறு உரிய தீர்ப்புகளையும், கட்டளைகளையும் சுட்டிக் காட்டி தனது கருத்தை விளக்குகிறார். பின்னர் அவர், பதவி உயர்வில் அறிமுகப்படுத்திய இட ஒதுக்கீடு, ரூஸ்டர் முறை, 50% வரன்முறையின் வருகை மற்றும் பின்னர் அவற்றின் விதி மீறல் போன்றவற்றை பற்றி விவாதிக்கிறார். அடுத்து, மண்டல் பரிந்துரைகளின் நியாயத்தை பற்றியும் அவை எந்த முறையை பின்பற்றி ஏற்பட்டன என்பது பற்றியும் ஆராய்கிறார். பின் மண்டல் கமிஷன் தீர்ப்புகளின் அடிப்படை பற்றி ஆராய்கிறார். அத்தீர்ப்பு 1931 மக்கள் கணக்கெடுப்பை அடிப்படையாக கொண்டு அமைந்தது. அது இந்தியாவில் ஜாதி அடிப்படையில் எடுத்த கடைசி கணக்கெடுப்பாகும். அக்கணக்கெடுப்பின் கண்டுபிடிப்புக்கள் மற்றும் கணக்கெடுப்பாளர்களே ஒத்துகொண்ட குழப்பங்கள் போன்றவற்றை கமிஷன் எவ்வாறு தனக்கு சாதகமாக பயன்படுத்திக்கொண்டது என்பனவற்றை விரிவாக விளக்குகிறார். இட ஒதுக்கீட்டினால் அதிகார வர்க்கம் மற்றும் பிற இடங்களில் ஏற்பட்ட விளைவுகள், அர்த்தமில்லாத நிகழ்வுகள் மற்றும் ஸ்தாபனங்களில் ஏற்பட்டுள்ள ஸ்திரமில்லாத தன்மை போன்றவற்றை பற்றி விரிவான ஆதாரங்களுடனும், குறிப்பிட்ட எடுத்துக்காட்டுகளுடன் தனது நூலின் இறுதி பகுதியில் ஷோரி ஆராய்கிறார். இத்தகைய பின்னடைவை தடுக்காவிட்டால் வருங்காலத்தில் ஏற்படவிருக்கும் கடுமையான எதிர்மறை விளைவுகளை பற்றி விரிவாக ஆராய்கிறார். 'இந்த வழி முட்டாள்தனமானது மட்டுமின்றி பேராபத்தானது' என்ற நேருவின் இட ஒதுக்கீடு பற்றிய குறிப்போடு ஷோரி நூலை முடிக்கிறார்.
• அரசு நிர்வாகமும், பணியாற்ற இயலாத சூழ்நிலையும்: அதிகார வர்க்கம் அடைந்துள்ள தேக்க நிலையையும், ஒவ்வொரு காரியத்தை முடிக்க ஏற்படும் வீண் தாமதத்தையும் அருண் ஷோரி விவாதிக்கிறார். பல்வேறு நிகழ்ச்சிகளை மேற்கோள் காட்டி, அவை செல்லும் பாதை, நேரம், பல துறைகளை கடந்து செல்லும்போது ஏற்படும் நிர்வாக திறமையின்மை போன்றவை வெளிச்சத்துக்கு வருகிறது. மேலும் ஷோரி, தான் வாஜ்பாய் அரசாங்கத்தில் டிஸ்இன்வெஸ்ட்மென்ட் அமைச்சராக இருந்தபோது நடந்த சில நிகழ்ச்சிகளையும் விவாதிக்கிறார். பல மாநில அரசுகள், மத்திய அரசுடமை நிறுவனங்கள் மற்றும் பல இலாக்காக்களின் சக்தியற்று தேக்கமடைந்துள்ள நிலைமை விவாதிக்கபடுகிறது. பழமையான சட்டங்களை ஒழித்து நடைமுறைகளை சுலபமாக்குவது போன்றவற்றை குறித்து ஷோரி தெரிவிக்கிறார்.

• நாம் ஒரு விலையும் கொடுக்கக் கூடாது
• நாம் நம்மை மறுபடியும் ஏமாற்றி கொள்கிறோமா
• இவை எல்லாம் நம்மை எங்கு கொண்டு செல்கிறது
• நாடாளுமன்ற வரைமுறை
• நீதி மன்றங்களும் அவற்றின் தீர்ப்புகளும்: இடங்கள், முன்நிபந்தனைகள், முடிவுகள்
• புகழ் பெற்ற வரலாற்று ஆசிரியர்கள் : அவர்கள் தொழில்நுட்பம், அவர்கள் நிலைப்பாடு, அவர்கள் மோசடி
• பின்னோக்கி விழுகிறோம் : இட ஒதுக்கீடு மற்றும் நீதிமன்ற ஜனரஞ்சகத்திற்கு எதிரான கட்டுரை
• அரசு நிர்வாகமும், பணியாற்ற இயலாத சூழ்நிலையும்
• ஆத்மாக்களின் அறுவடை
• ஹிந்துயிசம்: சாராம்சமும் விளைவுகளும்
• இந்திய கருத்து வேறுபாடுகள்
• தனி மனிதர்கள், நிறுவனங்கள், வரைமுறைகள்: இன்றைய இந்தியாவில் ஒன்றுக்கொன்று எவ்வாறு வலு சேர்க்கிறது
• ஜனதா காலத்தில் இருந்த இயக்கங்கள்
• இந்தியாவில் மதபிரசாகர்கள்
• திருமதி காந்தியின் இரண்டாவது ஆட்சி
• ஒன்லி பாதர்லாந்து : கம்யூனிஸ்டுகள், 'இந்தியாவை விட்டு வெளியேறு' மற்றும் சோவியத் யூனியன்
• அரசியலில் மதங்கள்
• மதசார்பற்ற நிகழ்ச்சி நிரல்
• பாசிசத்தின் அறிகுறிகள்
• இந்த கடுமையான, இரக்கமற்ற சட்ட திட்டங்கள் : ராஜீவ், அவர் ஆட்கள், அவர் ஆட்சி
• விளையாட்டுப்பொருளான அரசாங்கம்: வி.பி.சிங், சந்திர சேகர் மற்றும் எஞ்சிய அனைவரும்
• கரையான் அரித்த மரத்தை இரும்பு வேலி பாதுகாக்குமா?
• பொய் கடவுள்களை வழிபடுவது
• சாப உலகம்

துணை எழுத்தாளர்:

• சீதா ராம் கோயல், ஹர்ஷ் நரைன், ஜெய் துபாஷி மற்றும் ராம் ஸ்வரூப் 'ஹிந்து கோவில்கள் - அவற்றுக்கு என்னவாயிற்று? பகுதி 1, (முதல் ஆராய்ச்சி)(1990, ஐஎஸ்பிஎன் 81-85990-49-2)
• சீதா ராம் கோயல், கோன்ராட் எல்ஸ்ட், ராம் ஸ்வரூப், சொல் சுதந்திரம் - மதசார்பற்ற கடவுள் அல்லது குருக்களின் ஆட்சிக்கு எதிரான தாராளமான ஜனநாயகம் இந்தியாவின் குரல்(1998)

விக்கிமேற்கோள் பகுதியில், இது தொடர்புடையவைகளைக் காண்க: அருண் சோரி

• அருண் ஷோரியின் பக்கம்
• ஒளியுருவின் ஆதாரம்
• ஷோரியின் சில குறிப்புகளின் ஒரு சிறு தொகுப்பு
• பேட்டி சிஎன்என் ஐபிஎன் - கரன் தாபருடன் அணு ஒப்பந்தம் தொடர்பாக
• பேட்டி சிஎன்என் ஐபிஎன்- கரன் தாபருடன் இட ஒதுக்கீடு தொடர்பாக
• 1982 ரமோன் மாகசேசே பத்திரிகையாளர் விருதிற்கான குறிப்பு பத்திரம்
• ஷோரியுடன் பேட்டி
• நேர்முகப் பேட்டி
• ரெடிப்.காம் பேட்டி
• விவேகானந்தா பற்றிய கட்டுகதைகள்
• வாழ்க்கை வரலாறு
• இந்திய ஜனாதிபதி தேர்தலுக்கு முன், வேட்பாளர் திருமதி பிரதிபா பாட்டிலை பற்றிய அருண் ஷோரியின் ஓலி நாடா, 13 ஜூலை 2007
• டிசம்பர் 1, 2008 மும்பை தீவிரவாத தாக்குதல்களை பற்றிய அருண் ஷோரியின் ஓலி நாடா