برنباس

برناباس یا برنباس یسوع المسیح کے ایک رسول، جنہوں نے پولس سے اختلافات کے بعد گمنامی میں زندگی گزاری۔ ان سے انجیل برنباس منسوب کی جاتی ہے۔ یہ کپرس (قبرص) میں پیدا ہوئے اور ایک لاوی تھے۔ اِنہوں نے ابتدائی دور میں ہی مسیحیت قبول کر لی تھی۔ انہوں نے یروشلم کے غریب ارکان کی مدد کے لیے اپنا کھیت بیچا۔[2] عہد نامہ جدید میں انہیں ایک نیک مرد اور روح القدس اور ایمان سے معمور بیا ن کیا گیا ہے۔ انہی صفات نے ان کو قیادت کا اہل بنا دیا ہے۔ جب یروشلم میں کلیسیا ء پولس رسول کو اپنی رفاقت میں شامل کرنے سے ہچکچائی تو برناباس نے پولس کی حمایت کی اورکلیسیا ء کے خدشات کو دور کیا۔[3]

برناباس
مقدس برنباس کی شبیہ
نبی، شاگرد، کپرس اور اطاکیہ کی طرف پیغمبر، مبلغ، اور شہید
پیدائش	3ء کپرس
وفات	61ء سلامیس
محترم در	رومن کیتھولک، مشرقی راسخ الاعتقاد کلیسیا، اورینٹل راسخ الاعتقاد کلیسیا، انگلیکان کمیونین، لوتھریت
قداست	قبل اجتماع
مزار	خانقاہ مقدس برناباس فاماگوستا، قبرص[1]
تہوار	11 جون
منسوب خصوصیات	متی کی انجیل
سرپرستی	قبرص، انطاکیہ

برنباس کا اصلی نام یوسف تھا۔ یسوع کے رسولوں نے اس کا لقب برنباس رکھا۔ برنباس کا معنی نصیحت کا فرزند ہے۔ (اعمال باب 4 آیت 36)۔ مقدس برنباس کے اخلاص و کرامات دیکھ کر اس زمانے کے لوگوں برنباس کو ایک اور معزز خطاب بخشا' جس کا ذکر اعمال باب 14 آیت 12 میں ہے لوگ برنباس کو دیوتا سمجھتے تھے اور اس کے نام کی قربانیاں کرنے کو تیار ہوجاتے تھے ' اس زمانے میں سب سے بڑا دیوتا زیوس نامی تھا۔ ان لوگوں نے برنباس کو زیوس کا معزز خطاب بھی دیا' جیسا کہ اعمال کے باب 14 میں مذکور ہے۔ برنباس کی معرفت بہت بڑے نشان اور عجیب کام ظاہر ہوئے۔ (اعمال باب 15 آیت 25)۔[4]