پاکستان ہیلی کاپٹر حادثہ 2015ء

8 مئی 2015ء کو دن کے وقت پاکستانی فوج کا مل می-17 ہیلی کاپٹر شمالی پاکستان کے علاقہ گلگت بلتستان کی وادی نلتر میں حادثہ کا شکار ہوا۔[1] جس میں دو پائلٹ، انڈونیشیا اور ملیشیا کے سفیروں کی بیویاں اور فلپائن اور ناروے کے پاکستان میں تعینات سفیر ہلاک ہوئے،[2][3][4][5] پرواز میں 11 غیر ملکی اور 6 پاکستانی سوار تھے، جن میں سے 8 ہلاک اور دیگر زخمی ہیں۔[6] زخمیوں میں ہالینڈ اور پولینڈ کے سفیر بھی شامل ہیں۔ حادثہ کا سبب کیا تھا، اس کی تحقیقات جاری ہیں، ابتدائی طور پر بعض ذرائع ابلاغ (جیسے بی بی سی اردو)[7] کے مطابق ہیلی کاپٹر آرمی پبلک اسکول میں اترتے ہوئے عمارت سے ٹکرایا۔ جس سے یہ سانحہ رونما ہوا۔

پاکستان ہیلی کاپٹر حادثہ 2015ء
2015 Naltar Mil Mi-17 crash
پاکستانی فوج کا مل می-17 حادثہ والا ہیلی کاپٹر ایسا ہی تھا
حادثہ کا خلاصہ
تاریخ حادثہ 8 مئی 2015
قسم زیر تفتیش
بمقام نلتر، گلگت بلتستان، پاکستان
مسافروں کی تعداد 17
عملہ 3
اموات 8
طرز جہاز مل می-17
مشتغل پاکستان آرمی ایوی ایشن کور
مقام پرواز پی اے ایف بیس نور خان، راولپنڈی
منزل گلگت

تفصیلات

یہ تمام افراد پاکستان فضائیہ کے سکی انگ ریزورٹ کی افتتاحی تقریب کے لیے حکومت پاکستان کی دعوت پر جا رہے تھے۔ ہیلی کاپٹر آرمی پبلک اسکول اینڈ کالج سسٹم کے ایک اسکول کی عمارت سے ٹکرایا، ابھی تک زمین پر موجود کسی فرد کے جانی نقصان کی اطلاع نہیں ہے۔ پاکستان میں فلپائن کے سفیر ڈومنگو ڈی۔ لکنارو جونیئر اور ناروے کے سفیر لیف لارسن ہلاک ہوئے ہیں دیگر میں انڈونیشا اور ملیشیا کے سفیر حضرات کی بیگمات [1][8] اور پاکستان فوج کے دو میجر پائلٹوں سمیت عملہ کے کل 3 ارکان ہلاک شدگان میں شامل ہیں۔[8] ہلاکتوں کی تصدیق پاکستان فوج کے ذیلی ادارے شعبہٴ تعلقات عامہ کے ناطم عاصم سلیم باجوہ نے ٹوئٹر پر ٹوئٹ کے ذریعے نشر کی۔[8] تحریک طالبان پاکستان نے اس واقعہ کو اپنی کاوائی قرار دیا ہے،[1] مگر اس پر پاکستانی ماہرین نے عدم اتفاق[8] اور سخت حیرت کا اظہار کیا ہے۔[9]

مزید دیکھیے

حوالہ جات
  1. "LIVE: Norway, Philippines ambassadors among 6 killed in Gilgit helicopter crash"۔ دی ایکسپریس ٹریبیون۔ 8 مئی 2015۔ مورخہ 26 دسمبر 2018 کو اصل سے آرکائیو شدہ۔ اخذ شدہ بتاریخ 8 مئی 2015۔
  2. http://www.reuters.com/article/2015/05/08/us-pakistan-crash-idUSKBN0NT0O920150508
  3. Asad Hashim (مئی 8, 2015)۔ "Pakistan helicopter carrying foreign diplomats crashes"۔ AlJAZEERA۔ مورخہ 26 دسمبر 2018 کو اصل سے آرکائیو شدہ۔ اخذ شدہ بتاریخ مئی 8, 2015۔
  4. Jon Boone (مئی 8, 2015)۔ "Pakistan helicopter crash kills foreign ambassadors"۔ theguardian.com۔ Guardian۔ مورخہ 26 دسمبر 2018 کو اصل سے آرکائیو شدہ۔ اخذ شدہ بتاریخ مئی 8, 2015۔
  5. "Pakistan helicopter crash kills foreign envoys"۔ bbc.com۔ بی بی سی۔ مئی 8, 2015۔ مورخہ 26 دسمبر 2018 کو اصل سے آرکائیو شدہ۔ اخذ شدہ بتاریخ مئی 8, 2015۔
  6. "At least 6 people die helicopter crash in Pakistan"۔ DAWN۔ 8 مئی 2015۔ مورخہ 26 دسمبر 2018 کو اصل سے آرکائیو شدہ۔ اخذ شدہ بتاریخ 8 مئی 2015۔
  7. http://www.bbc.com/urdu/pakistan/2015/05/150508_gilgit_heli_crash_zs بی بی سی اردو، 8 مئی 1015ء
  8. "Norway, Philippines ambassadors among 6 killed in Gilgit helicopter crash"۔ ڈان۔ 8 مئی 2015۔ مورخہ 26 دسمبر 2018 کو اصل سے آرکائیو شدہ۔ اخذ شدہ بتاریخ 8 مئی 2015۔
  9. http://www.bbc.com/urdu/pakistan/2015/05/150508_gilgit_heli_crash_zs قومی اسمبلی میں دفاع کے متعلق قائمہ کمیٹی کے سربراہ شیخ روحیل اصغر کی بی بی سی اردو سے گفتگو
This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.