ஜெலாப்பாங்

ஜெலாப்பாங் எனும் மலாய்ச் சொல்லுக்கு ’நெல் களஞ்சியம்’ என பொருள்படும். ஆனால், இங்கு நெல் விவசாயம் எதுவும் நடைபெறவில்லை. இந்த இடத்தைச் சுற்றிலும் முன்பு பல ரப்பர் தோட்டங்கள் இருந்தன. ஓரளவுக்கு ஈயமும் தோண்டி எடுக்கப் பட்டது. இப்போது பெரும்பாலான ரப்பர் தோட்டங்கள் மூடப்பட்டு விட்டன.

அந்த இடங்களில் பன்னாட்டுத் தொழில்சாலைகள் உருவாக்கப்பட்டு வருகின்றன. முன்பு, ரப்பர் தோட்டங்களில் வேலை செய்து வந்த இந்தியர்கள், பின்னர் தொழில்சாலைகளில் வேலை செய்தனர். இப்போது உள்நாட்டவர்கள் தொழில்சாலைகளில் வேலை செய்ய சுணக்கம் காட்டுகின்றனர்.

அதனால், வெளிநாட்டில் இருந்து வங்காளதேசிகள், வியட்நாமியர்கள், மியன்மார்காரர்கள், இந்தோனேசியர்கள், நேபாளிகள், பாகிஸ்தானியர்கள், பிலிப்பைன்ஸ் நாட்டுக்காரர்கள், கம்போடியர்கள் போன்றவர்கள் வரவழைக்கப் பட்டு வேலைகளில் அமர்த்தப் படுகின்றனர்.