കാഞ്ഞിരപ്പള്ളി
കോട്ടയം ജില്ലയിലെ കിഴക്കൻ മലയോര മേഖലയിലെ ഒരു പ്രധാന പട്ടണമാണ്‌ കാഞ്ഞിരപ്പള്ളി. മലനാടിന്റെ റാണി, മലനാടിന്റെ കവാടം, ഹൈറേഞ്ചിന്റെ കവാടം എന്നും കാഞ്ഞിരപ്പള്ളി അറിയപ്പെടുന്നു.[1] റബ്ബറാണ്‌ ഇവിടുത്തെ പ്രധാന കൃഷി. സുറിയാനി കത്തോലിക്കരുടെ പ്രധാന കേന്ദ്രവുമാണിവിടം.
| കാഞ്ഞിരപ്പള്ളി ഹൈറേഞ്ചിന്റെ കവാടം | |
|---|---|
| ടൗൺ | |
 കാഞ്ഞിരപ്പള്ളി മിനി സിവിൽ സ്റ്റേഷൻ | |
| രാജ്യം |  |
| സംസ്ഥാനം | കേരളം |
| ജില്ല | കോട്ടയം |
| Population (2012) | |
| • Total | 27127 |
| ഭാഷകൾ | |
| • ഔദ്യോഗികം | മലയാളം, ഇംഗ്ലീഷ് |
| സമയ മേഖല | IST (UTC+5:30) |
| PIN | 686507 (കാഞ്ഞിരപ്പള്ളി ഹെഡ് പോസ്റ്റോഫീസ്) |
| ടെലിഫോൺ കോഡ് | 04828 |
| വാഹന റെജിസ്ട്രേഷൻ | KL-34(കാഞ്ഞിരപ്പള്ളി), KL-05(കോട്ടയം) |
| Coastline | 0 kilometres (0 mi) |
| അടുത്ത നഗരം | കോട്ടയം, തൊടുപുഴ, മൂവാറ്റുപുഴ, ചങ്ങനാശേരി, പാലാ |
| ലോകസഭാമണ്ഡലം | പത്തനംതിട്ട (കാഞ്ഞിരപ്പള്ളി നിയമസഭാമണ്ഡലം) |
| കാലാവസ്ഥ | ട്രോപ്പിക്കൽ മൺസൂൺ (കോപ്പൻ) |
| ശരാശരി വേനൽ താപനില | 35 °C (95 °F) |
| ശരാശരി തണുപ്പുകാല താപനില | 18 °C (64 °F) |
| വെബ്‌സൈറ്റ് | www |
എലിക്കുളം, ചിറക്കടവ്, കൂട്ടിക്കൽ, എരുമേലി, കാഞ്ഞിരപ്പള്ളി, മണിമല, മുണ്ടക്കയം, പാറത്തോട് പഞ്ചായത്തുകൾ ചേർന്ന താലൂക്കിന്റെ ആസ്ഥാനമാണ്‌ കാഞ്ഞിരപ്പള്ളി. മുൻ‌കാലങ്ങളിൽ മീനച്ചിൽ മുതൽ പമ്പാനദി വരെ നീണ്ടുകിടന്ന നിബിഡവനപ്രദേശങ്ങളും ഈ താലൂക്കിന്റെ ഭാഗമായിരുന്നു.
പേരിന്റെ ഉദ്ഭവം
കാഞ്ഞിരപ്പള്ളി എന്ന പേര്‌ ഇവിടങ്ങളിൽ ധാരാളമായി കണ്ടുവന്നിരുന്ന കാഞ്ഞിരമരത്തിൽനിന്ന് ഉദ്ഭവിച്ചതാണെന്ന് കരുതപ്പെടുന്നു.[2]
വിദ്യാഭ്യാസസ്ഥാപനങ്ങൾ
കോളേജുകൾ
- സെന്റ് ഡൊമിനിക്സ് കോളേജ്
- സെന്റ് ആന്റണീസ് കോളേജ്
- ഐ.എച്ച.ആർ.ഡി കോളേജ്
- സാന്തോം കോളേജ്
സ്കൂളുകൾ
- സെന്റ് ആന്റണീസ് പബ്ലിക് സ്കൂൾ
- സെന്റ് ജോസഫ്സ് ഗേൾസ് ഹൈസ്കൂൾ
- എ.കെ.ജെ.എം. ബോയ്സ് ഹൈസ്കൂൾ
- സെന്റ് ഡോമിനിക്സ് സ്കൂൾ
- മൈക്ക പബ്ലിക് സ്കൂൾ
- ഗവണ്മെന്റ് ഹൈസ്കൂൾ, കുന്നുംഭാഗം
- വേദവ്യാസ വിദ്യാപീഠം തമ്പലക്കാട്
- ഇൻഫന്റ് ജീസസ് പബ്ലിക്ക് സ്കൂൾ
തുടങ്ങി ഇരുപതിലധികം വിദ്യാലയങ്ങൾ.
കാഞ്ഞിരപ്പള്ളി പഞ്ചായത്ത്
കാഞ്ഞിരപ്പള്ളി താലൂക്കിൽ‌പ്പെടുന്ന പഞ്ചായത്താണ്‌ കാഞ്ഞിരപ്പള്ളി പഞ്ചായത്ത്. വിസ്തീർണ്ണം 52.47 ചതുരശ്ര കി.മീ. 2001-ലെ ജനസംഖ്യാകണക്കെടുപ്പുപ്രകാരം 14 വാർഡുകളിലായി 7027 ഭവനങ്ങളും അവയിൽ 7062 കുടുംബങ്ങളും പാർക്കുന്നു. മൊത്തം ജനസംഖ്യ 37017. ഇതിൽ പുരുഷന്മാർ 18756 സ്ത്രീകൾ 18261. ജനസാന്ദ്രത ചതുരശ്ര കി.മീ.ന്‌ 324. സ്ത്രീപുരുഷാനുപാതം 1000 പുരുഷന്മാർക്ക് 974 സ്ത്രീകൾ. സാക്ഷരത 95% - പുരുഷന്മാർ 97%, സ്ത്രീകൾ 93%.[3]
ടൂറിസം
മേലരുവി, പിച്ചാപ്പള്ളിമേട്‌, കൂവപ്പള്ളി കുരിശുമല, വള്ളംകളി നടക്കുന്ന കരുമ്പുകയം കൂടപ്പുഴ, മണിമലയാറിന്റെയും ചിറ്റാറിന്റെയും സംഗമം എന്നിവ ടൂറിസ്റ്റുകൾ സന്ദർശിക്കുന്ന പ്രകൃതിരമണീയ പ്രദേശങ്ങളാണ്‌.
ആരാധനാലയങ്ങൾ
- കാഞ്ഞിരപ്പള്ളി പഴയ പള്ളി
- കാഞ്ഞിരപ്പള്ളി കത്തീഡ്രൽ പള്ളി
- കാഞ്ഞിരപ്പള്ളി മധുര മീനാക്ഷി ക്ഷേത്രം
- ചേനപ്പാടി ശ്രീധർമ്മശാസ്‌താക്ഷേത്രം
- കാഞ്ഞിരപ്പള്ളി നൈനാർ ജുമാ മസ്ജിദ്