نیشنل اسٹیڈیم، کراچی

نیشنل اسٹیڈیم پاکستان کے شہر کراچی کا سب سے بڑا کھیل کا میدان ہے۔ یہاں کرکٹ کے مقابلے منعقد ہوتے ہیں۔ نیشنل اسٹیڈیم میں پاکستان اور کراچی کی مقامی کرکٹ ٹیمیں کھیلتی ہیں۔

نیشنل اسٹیڈیم

میدان کی معلومات
مقام	کراچی، سندھ، پاکستان
جغرافیائی متناسق نظام	24°53′46″N 67°4′53″E
تاسیس	21 اپریل 1955ء
گنجائش	34,228
ملکیت	پاکستان کرکٹ بورڈ
مشتغل	کراچی سٹی کرکٹ ایسوسی ایشن
متصرف	کراچی، پی آئی اے
اینڈ نیم
پویلین اینڈ یونیورسٹی ایند
بین الاقوامی معلومات
پہلا ٹیسٹ	26 فروری - 1 مارچ 1955ء:  پاکستان بمقابلہ  بھارت
آخری ٹیسٹ	21 فروری - 25 فروری 2009ء:  پاکستان بمقابلہ  سری لنکا
پہلا ایک روزہ	21 نومبر 1980ء:  پاکستان بمقابلہ {{country data ویسٹ انڈیز | flaglink/core | variant = | size = | name = | altlink =قومی کرکٹ ٹیم | altvar =کرکٹ }}
آخری ایک روزہ	21 جنوری 2009ء:  پاکستان بمقابلہ  سری لنکا
بمطابق 25 فروری 2009ء ماخذ: http://content-usa.cricinfo.com/pakistan/content/ground/58956.html نیشنل سٹیڈیم، کرک انفو

اسٹیڈیم میں 40 ہزار تماشائیوں کے بیٹھنے کی گنجائش ہے جس کی بدولت یہ لاہور کے قذافی اسٹیڈیم کے بعد ملک کا دوسرا سب سے بڑا کھیل کا میدان ہے۔

کراچی کی کثیر آبادی کے باعث اسٹیڈیم میں توسیع کے منصوبہ جات زیر غور ہیں جس میں تماشائیوں کی گنجائش میں مزید اضافہ کیا جائے گا۔

نیشنل اسٹیڈیم کراچی کا پانچواں اور پاکستان کا گیارہواں فرسٹ کلاس میدان ہے۔

یہاں برقی قمقمے اور عظیم الجثہ ٹیلی اسکرین بھی نصب ہے جس کی بدولت یہ دنیا کے جدید ترین میدانوں میں شمار ہوتا ہے۔

11 ستمبر کے بعد کراچی میں دہشت گردی کے پے در پے واقعات کے باعث غیر ایشیائی ممالک نے کراچی میں کھیلنے سے انکار کر دیا تھا جس کی وجہ 5 سالوں میں صرف بنگلہ دیش اور سری لنکا نے یہاں میچز کھیلے تاہم پاکستان کرکٹ بورڈ کی بھرپور کوششوں اور یقین دہانیوں پر اسٹیڈیم کی رونقیں ایک بار پھر بحال ہو گئی ہیں۔

اس میدان پر 1996ء کے عالمی کپ کا ایک کوارٹر فائنل مقابلہ بھی منعقد ہوا۔