سائمن بولیور

جنوبی امریکا کا ایک محب وطن جسے جنوبی امریکا کا نجات دہندہ کہا جاتا ہے۔ وینزویلا کے دار الحکومت کیرمیکس میں پیدا ہوا۔ میڈرڈ میں تعلیم پائی۔ یورپ اور امریکا کی سیاحت کی۔ 1809ء میں وینزویلا واپس آیا۔ اور ہسپانیہ کے خلاف وینزویلا کی تحریک آزادی کی قیادت کی۔ 1811ء میں وینزویلا نے خود مختاری کا اعلان کر دیا۔ جس سے ہسپانیہ سے جنگ چھڑ گئی جو آٹھ سال جاری رہی۔ اس دوران میں بولیور کو پانچ بار وطن چھوڑنا پڑا۔ لیکن جب بھی واپس آیا، پہلے سے بڑھ چڑھ کر جنگ آزادی میں حصہ لیا۔

سائمن بولیور
(ہسپانوی میں: Simón José Antonio de la Santísima Trinidad Bolívar y Ponte Palacios y Blanco)
،
مناصب
صدر وینیزویلا
دفتر میں 7 اگست 1813  – 16 جولا‎ئی 1814
سائمن بولیور
صدر وینیزویلا
دفتر میں 1 اکتوبر 1817  – 24 فروری 1819
صدر
دفتر میں 1819  – 1830
معلومات شخصیت
پیدائش	24 جولا‎ئی 1783 [1][2][3][4][5][6][7]  کراکس [8][9]
وفات	17 دسمبر 1830 (47 سال)[1][2][3][4][5][6][7]  سانتا مارتا
وجۂ وفات	سل ، میعادی بخار
طرز وفات	طبعی موت
شہریت	ہسپانیہ (–1811) وینیزویلا (–1819) ایکواڈور (–1827) بولیویا (–29 دسمبر 1825)
عارضہ	سل
عملی زندگی
پیشہ	سیاست دان ، فوجی افسر
پیشہ ورانہ زبان	ہسپانوی [2]، فرانسیسی
عسکری خدمات
عہدہ	جرنیل
دستخط

1819ء میں وینزویلا اور گرینیڈا نے مل کر جمہوریہ بنائی جس کا نام کولمبیا رکھا گیا۔ بولیور اس کا صدر منتخب ہوا۔ 1821ء میں آئین کااعلان ہوا تو بولیور دوبارہ صدر چنا گیا۔ 1823ء میں اس نے ہسپانیہ کو اکوادور سے بھی باہر کیا۔ وہ جنوبی امریکا کی تمام جمہوریتوں کو متحد کرنا چاہتا تھا۔ مگر اس کی یہ آرزو پوری نہ ہو سکی۔ 1830ء میں دل برداشتہ ہو کر مستعفی ہو گیا اور بقیہ زندگی بڑی عسرت میں گزاری۔ جنوبی امریکا کے متعدد ممالک کے درالحکومتوں میں اس کے مجسمے نصب ہیں۔ بولیویا کا ملک بھی اسی کے نام سے موسوم ہے۔