روہڑی جنکشن ریلوے اسٹیشن

روہڑی جنکشن ریلوے اسٹیشن صوبہ سندھ کے قصبہ روہڑی میں کراچی - پشاور مرکزی ریلوے لائن پر واقع ہے۔ یہ پاکستان ریلویز کا ایک اہم ریلوے اسٹیشن اور روہڑی - کوئٹہ براستہ جیکب آباد, سبی برانچ ریلوے لائن کا جنکشن ہے۔ یہاں مرکزی ریلوے لائن سے گزرنے والی تمام ٹرینں روکتیں ہیں۔

یہاں سے ٹرینیں پاکستان کے مختلف شہروں کو جاتی ہیں جن میں کراچی، لاہور، فیصل آباد، راولپنڈی، سیالکوٹ، سرگودھا، گوجرانوالہ، ملتان، پشاور، کوئٹہ، حیدرآباد، بہاولپور، سکھر، رحیم یار خان، جھنگ، نوابشاہ، گجرات، جہلم، نوشہرہ، جیکب آباد سبی، اٹک، خانیوال، کوٹری اور نارووال شامل ہیں۔ روہڑی جنکشن ریلوے اسٹیشن پر ہر ٹرین آدھے گھنٹے کے لیے رکتی ہے ۔