دیار بکر

دیار باقر یا دیار بکر (Diyarbakır) جنوب مشرقی ترکی کا ایک بڑا شہر ہے جو دریائے دجلہ کے کنارے واقع ہے۔ یہ صوبہ دیار باقر کا دارالحکومت ہے۔ 2000ء کی مردم شماری کے مطابق شہر کی آبادی 546،000 اور 2005ء کے مطابق 721،000 ہے۔ یہ جنوب مشرقی اناطولیہ کا دوسرا سب سے بڑا شہر ہے۔

دیار باقر Diyarbakır
میٹروپولیٹن بلدیہ
ملک	ترکی
علاقہ	جنوب مشرقی اناطولیہ
صوبہ	دیار باقر
حکومت
• میئر	Gültan Kışanak (امن اور جمہوریت پارٹی)
بلندی	675 میل (2,215 فٹ)
آبادی (2013)
• شہری	1,300,000
منطقۂ وقت	مشرقی یورپی وقت (UTC+2)
• گرما (گرمائی وقت)	مشرقی یورپی گرما وقت[1] (UTC+3)
ڈاک رمز	21x xx
ٹیلی فون کوڈ	(0090)+ 412
لائسنس پلیٹ	21
ویب سائٹ

شہر کی اہم ترین عمارت جامع مسجد دیارباکر

دیار باقر میں کردوں کی اکثریت ہے اور یہ ترک کردستان کا بے ضابطہ دار الحکومت قرار دیا جاتا ہے۔

یہ شہر تاریخی اہمیت کا حامل ہے اور عہد قدیم میں رومی، بازنطینی اور ساسانی سلطنتوں کا حصہ رہا ہے۔

جنگ ملازکرد کے بعد اس پر اوغوز ترکوں نے بادشاہت کی۔ یہ ایل خانی اور ایوبی سلطنتوں کے درمیان تنازعات کا بھی سبب رہا۔ بعد ازاں اس پر ترکمان ریاستوں قرہ قویونلو اور آق قویونلو نے یکے بعد دیگرے حکومت کی۔ سلیم اول کے دور میں یہ سلطنت عثمانیہ کا حصہ بن گیا۔

عثمانی ولایت دیار باقر موجودہ ترکی کے جنوب مشرقی صوبوں میں ایک مثلث کی شکل میں تھی جو جھیل ارومیہ اور جھیل وان کے درمیان واقع تھی۔

پہلی جنگ عظیم میں شہر کی شامی و آرمینیائی آبادی کو باہر نکال دیا گیا اور عثمانی سلطنت کی شکست کے بعد فرانسیسیوں نے اس پر قبضہ کرنے کی کوشش کی۔

یہ شہر اپنے تربوزوں کے باعث عالمی شہرت رکھتا ہے۔

ویکی کومنز پر دیار بکر سے متعلق سمعی و بصری مواد ملاحظہ کریں۔