اللہ بخش یوسفی

اللہ بخش یوسفی (پیدائش: 25 دسمبر، 1900ء - وفات: 13 مارچ، 1968ء) پاکستان سے تعلق رکھنے والے نامور مورخ، صحافی، تحریک خلافت اور تحریک پاکستان کے کارکن تھے۔ انہیں صوبہ خیبر پختونخوا کا بابائے صحافت بھی کہا جاتا ہے۔

اللہ بخش یوسفی
معلومات شخصیت
پیدائش 25 دسمبر 1900  
پشاور ، برطانوی ہند  
وفات 13 مارچ 1968 (68 سال) 
کراچی ، پاکستان  
مدفن لیاقت آباد ، کراچی  
شہریت پاکستان  
عملی زندگی
پیشہ مؤرخ ، صحافی  
پیشہ ورانہ زبان اردو ، انگریزی  
تحریک تحریک خلافت ، تحریک آزادی ہند  
باب ادب

حالات زندگی

اللہ بخش یوسفی 25 دسمبر، 1900ء[1] میں پشاور، برطانوی ہندوستان میں پیدا ہوئے تھے۔ انہیں نے اپنی سیاسی زندگی کا آغاز تحریک خلافت سے کیا تھا۔ اس تحریک میں حصہ لینے کے لیے انہوں نے صوبہ سرحد (موجودہ صوبہ خیبر پختونخوا) سے ایک اخبار سرحد جاری کیا۔ اس اخبار کی ضمانت کئی بار ضبط ہوئی اور اللہ بخش یوسفی کو کئی مرتبہ قید و بند کی صعوبتیں برداشت کرنا پڑیں۔ بعد ازاں وہ آل انڈیا مسلم لیگ میں شامل ہوئے اور اس کے اخبار ہلال پاکستان کے مدیر رہے۔[2]

اللہ بخش یوسفی کئی کتابوں کے مصنف تھے جن میں تاریخ پشاور، مختصر تاریخ کشمیر، سرحد اور جدوجہد آزادی، تاریخ ریاست سوات، تاریخ آزاد پٹھان، افغان یا پٹھان اور سانحہ سرحد کے نام سر فہرست ہیں۔[2]

تصانیف
  • سرحد اور جدوجہد آزادی
  • افغان یا پٹھان
  • تاریخ آزاد پٹھان
  • تاریخ ریاست سوات
  • سانحہ سرحد
  • مطالبہ د تقسیم د حقوق او کانگریس
  • مختصر تاریخ بلوچستان
  • مختصر تاریخ کشمیر
  • مفکر علامہ عنایت اللہ خان المشرقی
  • یوسفزئی پٹھان

وفات

اللہ بخش یوسفی 13 مارچ، 1968ء کو کراچی، پاکستان میں وفات پاگئے۔ انہیں کراچی میں لالوکھیت لیاقت آباد کے قبرستان میں سپردِ خاک کیا گیا۔[2][1]

حوالہ جات
  1. پروفیسر محمد اسلم، خفتگانِ کراچی، ادارہ تحقیقات پاکستان، دانشگاہ پنجاب لاہور، نومبر 1991، ص 120
  2. عقیل عباس جعفری: پاکستان کرونیکل، ص 283، ورثہ / فضلی سنز، کراچی، 2010ء
This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.