حکیم محمد سعید

حکیم محمد سعید (20 جنوری 1920ء تا 17 اکتوبر 1998ء) ایک مایہ ناز حکیم تھے جنہوں نے اسلامی دنیا اور پاکستان کے لیے اہم خدمات انجام دیں۔ انہوں نے مذہب اور طب و حکمت پر 200 سے زائد کتب تصنیف و تالیف کیں۔ ہمدرد پاکستان اور ہمدرد یونیورسٹی ان کے قائم کردہ اہم ادارے ہیں۔

حکیم محمد سعید
حکیم محمد سعید
معلومات شخصیت
پیدائش 20 جنوری 1920  
دہلی  
وفات 17 اکتوبر 1998 (78 سال)[1] 
کراچی  
طرز وفات قتل  
شہریت پاکستان
برطانوی ہند  
جماعت آزاد  
اولاد سعدیہ راشد  
مناصب
ناظم ہمدرد لیباٹریز  
دفتر میں
14 اگست 1948  – 17 اکتوبر 1998 
صدر ہمدرد فاؤنڈیشن  
دفتر میں
23 اکتوبر 1969  – 17 اکتوبر 1998 
 
سعدیہ راشد  
گورنر سندھ  
دفتر میں
19 جولا‎ئی 1993  – 23 جنوری 1994 
محمود ہارون  
محمود ہارون  
عملی زندگی
مادر علمی دہلی یونیورسٹی
جامعہ انقرہ  
پیشہ معالج بالمثل ، مصنف ، سیاست دان ، استاد جامعہ  
پیشہ ورانہ زبان اردو [2] 
ملازمت ہمدرد فاؤنڈیشن ، جامعہ سندھ ، جامعۂ ہمدرد  
کارہائے نمایاں جامعۂ ہمدرد ، بیت الحکمہ ، ہمدرد نونہال ، ہمدرد صحت ، ہمدرد فاؤنڈیشن  
اعزازات
ویب سائٹ
ویب سائٹ باضابطہ ویب سائٹ 

ادبی خدمات

حکیم سعید اور بچوں کا ادب

حکیم سعید بچوں اور بچوں کے ادب سے بے حد شغف رکھتے تھے۔ اپنی شہادت تک وہ اپنے ہی شروع کردہ رسالے ہمدرد نونہال سے مکمل طور پر وابستہ رہے۔ اس کے علاوہ انہوں نے نونہال ادب کے نام سے بچوں کے لیے کتب کا سلسلہ شروع کیا جو ابھی تک جاری ہے۔ اس سلسلے میں کئی مختلف موضوعات پر کتب شائع کی جاتی ہیں۔ اس کے علاوہ بہترین عالمی ادب کے تراجم بھی شائع کیے جاتے ہیں۔

قتل

17 اکتوبر 1998ء میں انہیں کراچی میں شہید کر دیا گیا جس کا الزام بعض لوگ متحدہ قومی موومنٹ پر لگاتے ہیں اور اس سلسلے میں موجودہ گورنر سندھ عشرت العباد کا نام خاص طور پر لیا جاتا ہے مگر عشرت العباد کے گورنر سندھ بن جانے کے بعد یہ کیس دبا دیا گیا ہے۔ تاہم پہلے سندھ ہائی کورٹ اور اس کے بعد سپریم کورٹ نے بھی ایم کیو ایم کے تین کارکنوں کو جو اس کیس میں نامزد تھے، بری کیا۔

جس وقت انہیں آرام باغ میں ان کے دواخانہ کے باہر وحشیانہ فائرنگ کرکے قتل کیا گیا وہ روزہ کی حالت میں تھے یوں انہوں نے روزہ کی حالت میں اپنی جان جانِ آفریں کے سپرد کی۔ ان کا معمول تھا کہ وہ جس روز مریضوں کو دیکھنے جاتے روزہ رکھتے تھے چونکہ ان کا ایمان تھا کہ صرف دوا وجہ شفاء نہیں ہوتی۔ حکیم محمد سعید پاکستان کے بڑے شہروں میں ہفتہ وار مریضوں کو دیکھتے تھے۔ سب سے اہم بات یہ تھی کہ وہ مریضوں کا مفت علاج کرتے تھے۔ ان کا ادارہ ھمدرد بھی ایک غیر منافع بخش ادارہ ہے جس کی تمام تر آمدنی ریسرچ اور دیگر فلاحی خدمات پر صرف ہوتی ہیں۔

مزید دیکھیے

حوالہ جات
  1. ایس این اے سی آرک آئی ڈی: https://snaccooperative.org/ark:/99166/w6t72h2j — بنام: Hakim Said — اخذ شدہ بتاریخ: 9 اکتوبر 2017
  2. http://data.bnf.fr/ark:/12148/cb121727621 — اخذ شدہ بتاریخ: 10 اکتوبر 2015 — اجازت نامہ: آزاد اجازت نامہ

بیرونی روابط
سیاسی عہدے
ماقبل 
محمود ہارون		 گورنر سندھ
1993–1994		 مابعد 
محمود ہارون
This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.