நம்புதாளை ஊராட்சி

நம்புதாளை ஊராட்சி (Nambuthalai Gram Panchayat), தமிழ்நாட்டின் ராமநாதபுரம் மாவட்டத்தின், திருவாடானை வட்டத்தில் உள்ள திருவாடானை ஊராட்சி ஒன்றியத்தில் அமைந்துள்ளது.[3][4] இந்த ஊராட்சி, திருவாடனை சட்டமன்றத் தொகுதிக்கும் ராமநாதபுரம் மக்களவைத் தொகுதிக்கும் உட்பட்டதாகும். இந்த ஊராட்சி, மொத்தம் 7 ஊராட்சி மன்றத் தொகுதிகளைக் கொண்டுள்ளது. இவற்றில் இருந்து 7 ஊராட்சி மன்ற உறுப்பினர்களைத் தேர்ந்தெடுக்கின்றனர். [5] 2011ஆம் ஆண்டு இந்திய மக்கள் தொகை கணக்கெடுப்பின்படி, மொத்த மக்கள் தொகை 9221 ஆகும். இவர்களில் பெண்கள் 4475 பேரும் ஆண்கள் 4746 பேரும் உள்ளனர்.

நம்புதாளை
—  ஊராட்சி  —
அமைவிடம்
நாடு	இந்தியா
மாநிலம்	தமிழ்நாடு
மாவட்டம்	ராமநாதபுரம்
ஆளுநர்	பன்வாரிலால் புரோகித்[1]
முதலமைச்சர்	எடப்பாடி க. பழனிசாமி[2]
மாவட்ட ஆட்சியர்
ஊராட்சித் தலைவர்	சத்தியசீலன்
மக்களவைத் தொகுதி	ராமநாதபுரம்
மக்கள் தொகை	9,221
நேர வலயம்	இந்திய சீர் நேரம் (ஒ.ச.நே + 05:30)
இணையதளம்	www.nambuthalai.com

கிழக்கு கடற்கரைச் சாலையில் அமைந்த நம்புதாளை கிராமம், வங்காள விரிகுடா கடற்கரையைக் கொண்டது[6]

இதன் அஞ்சல் சுட்டு எண் 623403 ஆகும். 2011ம் ஆண்டின் மக்கட்தொகை கணக்கெடுப்பின்படி, இக்கிராமத்தின் மொத்த மக்கள்தொகை 8064 ஆகும். இவ்வூரின் மக்கள்தொகையில் 655 (8.1%) ஒடுக்கப்பட்டோர் ஆவார்.

தொண்டியிலிருந்து 2 கிமீ தொலைவிலும், வட்டத் தலைமையிடமான திருவாடானையிலிருந்து 17 கிமீ தொலைவிலும் நம்புதாளை சிற்றூர் உள்ளது.

நம்புதாளை கிராமப் பஞ்சாயத்து, திருவாடானை சட்டமன்றத் தொகுதிக்கும், இராமநாதபுரம் மக்களவைத் தொகுதிக்கும் உட்பட்டது.

இக்கிராமத்தின் வேளாண் நிலங்களுக்கு, ஊரணிகள் நீர் பாசானத்திற்கு உதவுகிறது. மீன் பிடி தொழிலும் நடைபெறுகிறது. அருகமைந்த கிராமங்கள் திருவெற்றியூர் மற்றும் தொண்டி ஆகும். இச்சிற்றூரில் அரசு துவக்கப் பள்ளியும், நடுநிலைப் பள்ளியும் உள்ளது. மேலும் மூன்று மருத்துவர்கள் கொண்ட துணை ஆரம்பச் சுகாதார மையம் செயல்படுகிறது. இக்கிராமத்தில் ஒரு துணை அஞ்சலகம் செயல்படுகிறது. யுனியன் பேங்க் ஆப் இந்தியாவின் கிளையும், தொடக்க வேளாண்மை கூட்டுறவு வங்கியும், பொது நூலகமும், பணம் எடுக்கும் இயந்திரமும் (ATM) உள்ளது.