தமிழ்க்கடவுள் முருகன்
தமிழ்க்கடவுள் முருகன் 2017-2018 இடைப்பட்ட காலத்தில் விஜய் தொலைக்காட்சியில் ஒளிபரப்பான தமிழ் தொலைக்காட்சித் தொடர் ஆகும். இது சைவக்கடவுளானமுருகனின் தொன்மத்தை அடிப்படையாகக் கொண்டதாக ஒளிபரப்பானது.[1][2][3][4] நந்தினி தொலைக்காட்சித் தொடருக்குப் பின் தமிழில் அதிக செலவில் தயாரிக்கப்பட்ட தொலைக்காட்சித் தொடராக தமிழ்க்கடவுள் முருகன் இடம் பிடித்திருக்கிறது.[5] கடந்த ஒக்டோபர் 2, 2017 இலிருந்து திங்கள் முதல் வெள்ளி வரை இரவு இந்திய நேரம் 21:00 மணிக்கு விஜய் தொலைக்காட்சியில் இது ஒளிபரப்பாகி வந்தது. ()[6][7] விஜய் தொலைக்காட்சியின் புகழ்பெற்ற பிக் பாஸ் தமிழ் மெய்மக் காண்பியத்தை பிரதியீடு செய்த தமிழ்க்கடவுள் முருகன் தொடர், 29 ஜனவரி 2018 முதல் ஒளிபரப்பு நேரத்தை, திங்கள் முதல் வெள்ளி வரை, இந்திய நேரம் 18:00 ஆக மாற்றிக்கொண்டது. 23 பிப்ரவரி 2018இல் இதன் முதலாம் பருவம் முடிவடைந்தது , அதன் இரண்டாம் பருவம் 15 எபிசோடுகளாக ஹாட்ஸ்டார் இல் ஒளிபரப்ப பட்டது.
| தமிழ்க்கடவுள் முருகன் | |
|---|---|
| வகை | தமிழ் தொலைக்காட்சி தொடர்கள் தொன்மவியல் |
| தயாரிப்பு | நிகில் சின்ஹா சொஹானா சின்ஹா |
| எழுத்து | உமேஷ் உபாத்யாய் |
| இயக்கம் | தீபக் கார்க் (காண்பியம்) நிதின் கோபி (அத்தியாயம்) |
| திரைக்கதை | அபிராம் அரவிந்த் கணேஷ் நிலகன்டன் |
| படைப்பாக்கம் | அமித் பார்கவ் விநாயக் ஜைன் |
| வழங்குநர் | வசந்த & கோ |
| நடிப்பு |
|
| முகப்பிசைஞர் | கார்த்திகேய மூர்த்தி தேவ் சிக்தர் |
| முகப்பிசை | ரகண பவ ச ரரரரரரர (கந்த சஷ்டி கவசம்) |
| நாடு | இந்தியா |
| மொழி | தமிழ் |
| பருவங்கள் | 2 |
| இயல்கள் | 104+15 |
| தயாரிப்பு | |
| செயலாக்கம் | விநாயக் ஜைன் |
| தயாரிப்பு | நிகில் சின்ஹா |
| தொகுப்பு | ஹேமந்த் குமார் |
| நிகழ்விடங்கள் | தமிழ்நாடு |
| ஓட்டம் | அத்தியாயம் 1-59 சுமார் 45-50 மணித்துளி (2.10.2017-22.12.2017) அத்தியாயம் 60-104 சுமார் 20-22 மணித்துளி (25.12.2017-2018) |
| தயாரிப்பு நிறுவனங்கள் |
ட்ரையாங்கில் படக் கம்பனி |
| ஒளிபரப்பு | |
| அலைவரிசை | விஜய் தொலைக்காட்சி |
| முதல் ஒளிபரப்பு | 2 அக்டோபர் 2017 |
| இறுதி ஒளிபரப்பு | 23 பெப்ரவரி 2018 |
| காலவரிசை | |
| முன் | பிக் பாஸ் தமிழ் |
| பின் | பகல் நிலவு |
தொடர்
முருகன் இளைஞனாகத் தோற்றமளிக்கும் இத்தொடரின் முன்னோட்டமொன்று, 26 யூன் 2017 அன்று, விஜய் தொலைக்காட்சியால் யூடியூப்பில் வெளியிடப்பட்டது.[8] சிவன் தோன்றும் இரண்டாவது முன்னோட்டம் 5 செப்டம்பர் 2017 அன்றும், இளம் முருகன் தோன்றும் மூன்றாவது முன்னோட்டம், 11 செப்டம்பர் 2017 அன்றும், இன்னொரு முன்னோட்டம் 15 செப்டம்பர் 2017அன்றும் யூடியூப்பில் தொடர்ந்து வெளியிடப்பட்டன.
விஜய் தொலைக்காட்சியில் 2 அக்டோபர் 2017 அன்று முதல் இத்தொடர் ஒளிபரப்பாகத் தொடங்கியது. திங்கள் முதல் வெள்ளி வரை, இரவு 9 மணிக்கு ஒருமணி நேரத்தொடராக இது ஒளிபரப்பானது. 25 டிசம்பர் 2017இல் அதன் நேர அளவு அரைமணி நேரமாகக் குறைக்கப்பட்டதுடன், அதன் மீதிப் பாதி நேரத்தில் "நினைக்கத் தெரிந்த மனமே" எனும் புதிய தொடரொன்று பிரதியிடப்பட்டது. 29 ஜனவரி 2018இல் நேயர் விருப்பப்படி, தமிழ்க்கடவுள் முருகன் தொடர், திங்கள் முதல் வெள்ளி வரை மாலை 6 மணிக்கு மாற்றப்பட்டது. கல்யாணமாம் கல்யாணம் எனும் புதிய தொடர், அதற்குப் பதிலாக 9 மணிக்கு ஒளிபரப்பப்பட ஆரம்பித்தது.முதல் பருவம் முடிவடைந்துள்ளதை அடுத்து, 6 மணிக்கு பகல் நிலவு எனும் தொடர் ஒளிபரப்பானது.தமிழ்க்கடவுள் முருகன் தொடரின் இரண்டாம் பருவம் 15 எபிசோடுகளாக ஹாட்ஸ்டார் இல் ஒளிபரப்ப பட்டது.
கதைச்சுருக்கம்
சூரபதுமன், தாருகன், சிங்கமுகன் ஆகியோர் தேவர்களை வதைப்பது. தேவர்களின் வேண்டுகோளை அடுத்து சிவன் முருகனைத் தோற்றுவிப்பது. அவரை அக்கினி தேவனும், வாயு தேவனும் கங்கையில் சேர்ப்பது, கங்கை அதைச் சரவணப்பொய்கையில் சேர்ப்பது, அதைக் கார்த்திகைப் பெண்கள் வளர்ப்பது, தன் மூலம் முருகன் பிறக்கவில்லை என்பதால் கோபமுற்று உமை தேவர்களையும் அவர்களது தேவியரையும் சபிப்பது, பின் முருகன் கார்த்திகைப் பெண்களிடம் பல கலைகள் கற்று வாழ்வது என்று கந்தபுராணத்தைத் தழுவி திரைக்கதை அமைக்கப்பட்டிருந்தது. பார்வதி மகிஷனை அழிப்பது, பிரமனை முருகன் சிறைவைப்பது முதலான உபகதைகளுடன் இத்தொடரின் முதற்பருவம் நிறைவுற்றது. எனினும் இத்தொடரில் சித்தரிக்கப்பட்டது போல, சூரபதுமன் முருகனை அழிக்க முயல்வதோ, பார்வதிக்குத் தெரியாமல் முருகன் அவதரிப்பதோ, திருமால், இயமன் போன்றோர் மாறுவேடத்தில் வந்து முருகனுக்குக் ஆயுதப்பயிற்சி அளிப்பதோ, மூல கந்தபுராணத்தில் இல்லை.[9]
நடிகர்கள்
- செல்வன் அனிருத் - முருகன்[10]
- சசீந்தர் புஷ்பலிங்கம் - சிவன் / வீரபத்திரர்
- பிரியா பிரின்ஸ் - பார்வதி / துர்க்கை / ஆதிசக்தி / தாட்சாயிணி
- தமிழன் நிஜாம் - சிங்கமுகன்
- தேவ் சரன்/தீர்த் சோலங்கி - பிள்ளையார்
- ஜஸ்வந்த் சிவகுமார் - திருமால்
- ஆனந்த் - பிரம்மா
- ஜயலக்ஷ்மி - திருமகள்
- அம்மு இராமச்சந்திரன் - கலைமகள்
- அருன் குமார் ராஜன் - வீரபாகு
- பிரியதர்சினி - கங்கை
- கிரிஷ் - இந்திரன்
- நாகஸ்ரீ - இந்திராணி
- தினேஷ் சியாம்- நந்தி தேவர்
- ரிஸ்வான் டோல் - ஜயந்தன்
- ஆர்.கே - தக்கன் - அசுர செனாபதி உருத்திரன்
- கோவை கமலா - ஔவையார்
- நாகராஜ் - சித்திரகுப்தர்
- ரமேஷ் - யமன்
- சுபத்திரா - சுரசை
- தேசிங் ராஜ் - சுக்ராச்சாரியார்
- வெற்றிவேலன் - சூரபத்மன்
- ரிஹான்ஷி கவுடா/மீனாக்ஷி - பதுமகோமளை
- பிர்லா போஸ் - தாரகாசுரன்
- ரக்ஷா ஹொல்லா - அசமுகி
- ஹர்ஷா ஷர்மா - வில்வலன்
ஒளிபரப்புகள்
ஏஷ்யாநெட் தொலைக்காட்சியில் மலையாளத்தில் மொழிமாற்றப்பட்டு, 23 அக்டோபர் 2017 இலிருந்து திங்கள் முதல் வெள்ளி வரை மாலை ஆறு மணிக்கு, இத்தொடர் "ஸ்ரீமுருகன்" என்ற பெயரில் ஒளிபரப்பானது.[11] மா தொலைக்காட்சியில் தெலுங்கில் மொழிமாற்றப்பட்டு, 12 பிப்ரவரி 2018இலிருந்து திங்கள் முதல் வெள்ளி வரை மாலை 5.30 மணிக்கு ஸ்ரீ சுப்ரமணிய சரிதம் என்ற பெயரில் ஒளிபரப்பானது.[12]
2 அக்டோபர் 2017 முதல் விஜய் தொலைக்காட்சியிலும் அதன் உயர்தர எச்.டி அலைவரிசையிலும் ஒளிபரப்பாகின்றது. இலங்கை, சிங்கப்பூர், வியட்நாம், யப்பான், ஆங்காங்,மெரிக்கா, ஐரோப்பா, மலேசியா, மொரிசியசு,தென்னாப்பிரிக்கா உள்ளிட்ட நாடுகளில் விஜய் தொலைக்காட்சியின் சர்வதேச ஒளிபரப்பில் இத்தொடர் ஒளிபரப்பப்பட்டது. கனடாவில் விஜய் தொலைக்காட்சி கனேடியத் தமிழர் மைய அலைவரிசையான ஆசியன் தொலைக்காட்சி வலையமைப்பில் கனடிய நேரம் காலை 9.30 மணிக்கு ஒளிபரப்பானது.
பருவ விவரங்கள்
| பருவம் | அத்தியாயம் | ஒளிபரப்பானது | நேரம் | ||
|---|---|---|---|---|---|
| முதல் | ிறுதி | ||||
| 1 | 104 | 2 அக்டோபர் 2017 | 23 பெப்ரவரி 2018 | திங்கள் முதல் வெள்ளி 21:00 (இந்திய சீர் நேரம்) 18:00 (இந்திய சீர் நேரம் | |
| 2 | 15 | 5 மே 2018 | 19 மே 2018 | ஹாட்ஸ்டார் | |
| ஒளிபரப்பு நாள் | நேரம் | அத்தியாயம் | பருவம் |
|---|---|---|---|
| 2 அக்டோபர் 2017 - 26 சனவரி 2018 | திங்கள் முதல் வெள்ளி இரவு 9:00 | 1-83 | |
| 29 சனவரி 2018 - 23 பெப்ரவரி 2018 | திங்கள் முதல் வெள்ளி மாலை 6:00 | 84-104 |
உசாத்துணைகள்
- "Vijay TV to launch 'Tamil Kadavul Murugan' from 2 October 2017" (in ta). cinema.dinamalar.com. http://cinema.dinamalar.com/tamil-tv-serials/60662/Chinna-thirai-Television-News/Devotional-mega-serial-in-vijay-tv-titled-as-tamil-kadavul-murugan.htm.
- "Thamizh kadavul murugan mega television serial coming soon on vijay tv" (in en). www.tholaikatchi.in. https://www.tholaikatchi.in/thamizh-kadavul-murugan-vijay-tv/.
- "Thamizh kadavul murugan mega television serial on Vijay TV" (in en). www.tholaikatchi.in. https://www.tholaikatchi.in/tamil-kadavul-murukan-serial/.
- "The many tales of Lord Muruga" (in en). timesofindia.indiatimes.com. http://timesofindia.indiatimes.com/tv/news/tam.
- "பிரமாண்டமான பொருள் செலவில் தயாராகும் தமிழ் கடவுள் முருகன் தொடர்" (in ta). cinema.dinamalar.com. http://cinema.dinamalar.com/tamil-news/62572/cinema/Kollywood/Tamil-Kadavul-Murugan-serial-making-in-Mumbai-with-big-set.htm.
- "Tamil Kadavul Murugan to be aired from October 2." (in en). timesofindia.indiatimes.com. http://timesofindia.indiatimes.com/tv/news/tamil/tamil-kadavul-murugan-to-be-aired-from-october-2-/articleshow/60824773.cms.
- "விஜய் தொலைக்காட்சியில் பிரமாண்டமான தொடர் தமிழ் கடவுள் முருகன்" (in en). cinema.dinamalar.com. http://cinema.dinamalar.com/tamil-tv-serials/63229/Chinna-thirai-Television-News/Murugan-serial-begins-in-Vijay-television.htm.
- "தமிழ்க்கடவுள் முருகன் - விரைவில்..." (ta). Youtube Vijay TV.
- கந்தபுராணம் கதை வடிவில்
- "Anirudha Playing the role of divine Lord Muruga in Vijay TV latest Serial Tamil Kadavul Murugan" (in en). www.tholaikatchi.in. https://www.tholaikatchi.in/anirudha-tamil-kadavul-murugan/.
- "Sree murugan serial asianet starting on 23rd october 2017 at 6.30 P.M" (in en). www.keralatv.in. https://www.keralatv.in/2017/10/sree-murugan-serial-asianet/.
- "Mythological show 'Sri Subramanya Charitham' gets a release date" (in en). timesofindia.indiatimes.com. https://timesofindia.indiatimes.com/tv/news/telugu/mythological-show-sri-subramanya-charitham-gets-a-release-date/articleshow/62803509.cms.
வெளியிணைப்புகள்
- ஹொட்ஸ்டாரில் உத்தியோகபூர்வ இணையத்தளம்
- தொடரின் ஆரம்ப இசை
- பார்வதியாக நடித்த பிரியாவின் பேட்டி
- முருகனாக நடிக்கிறது பொண்ணா, பையனானு கேப்பாங்க! - தாய் சுஜாதா