வேலூர் வானூர்தி நிலையம்

வேலூர் வானூர்தி நிலையம் (Vellore Airport, (ஐசிஏஓ: VOVR) தமிழ்நாட்டின் வேலூர் நகரத்திற்கு கிழக்கே 5 கிலோமீட்டர் தொலைவில் அமைந்துள்ள ஓர் வானூர்தித் தடமாகும். 51.5 ஏக்கர்களில் (208,000 சதுர மீட்டர்கள்) அமைந்துள்ள இந்த வானூர்தித் தடம் மதராசு பிளையிங் கிளப்பின் பயிற்சி விமானிகளுக்காக சூலை 2006இல் மீண்டும் செயலாக்கத்திற்கு வந்தது.[1] சென்னை வானூர்தி நிலையத்தில் வணிக வான்வழித் தடங்களின் பெருக்கத்தால் அங்கு இயங்கி வந்த கிளப்பின் செயல்பாடு மார்ச்சு 2011இல் நிறுத்தப்பட்டது.[2] இதற்கு மாற்றாக இங்கு முனையக் கட்டிடங்கள் கட்டித் தர தமிழ்நாடு அரசு முன்வந்தது. 2009ஆம் ஆண்டிற்குள் 45 இருக்கைகள் கொண்ட ஏடிஆர் வானூர்திகள் இயங்கும் வண்ணம் இவற்றைக் கட்டி முடிக்கத் திட்டமிடப்பட்டது. இந்திய வானூர்தி நிலையங்கள் ஆணையத்தின் (AAI) தென் மண்டல "முடங்கிய வான்நிலையங்களின் மீள்செயலாக்கத் திட்டத்தில்" வேலூர் சேர்க்கப்பட்டுள்ளது.[3]

வேலூர் வானூர்தி நிலையம்
Vellore Airport
ஐஏடிஏ: none – ஐசிஏஓ: VOVR
வேலூர் வானூர்தி நிலையம்
வேலூர் வானூர்தி நிலையம் (தமிழ் நாடு)
சுருக்கமான விபரம்
வானூர்தி நிலைய வகை பொதுத்துறை
உரிமையாளர் இந்திய வானூர்தி நிலையங்கள் ஆணையம்
இயக்குனர் இந்திய வானூர்தி நிலையங்கள் ஆணையம்
சேவை புரிவது வேலூர்
அமைவிடம் வேலூர்
உயரம் AMSL 764 ft / 233 m
ஆள்கூறுகள் 12.90°N 79.067°E / 12.90; 79.067
ஓடுபாதைகள்
திசை நீளம் மேற்பரப்பு
அடி மீ
07/25 2 792 PEM

வான்வழிச் சேவைகளும் சேரிடங்களும்

சென்னை, பெங்களூரு, திருப்பதி, திருவனந்தபுரம் கூடிய விரைவில் சேவைகள் தொடங்கப்படும்

மேம்படுத்தல்

வேலூர் விமான நிலையத்துக்கு ஒப்படைக்கப்பட உள்ள அப்துல்லாபுரம்-தார் வழி சாலைக்கான மாற்றுப்பாதையை விமான நிலைய அதிகாரிகள் ஆய்வு செய்ததாக வருவாய்த்துறை அதிகாரிகள் தெரிவித்தனர். மத்திய அரசின் உடான் திட்டத்தின் கீழ் வேலூர் விமான நிலையத்தை பயணிகள், சரக்கு போக்குவரத்துக்கு பயன்படுத்திக் கொள்ளும் வகையில் மொத்தம் உள்ள 120 ஏக்கர் பரப்பளவில் முதற்கட்டமாக ₹32.52 கோடியில் மேம்படுத்தி சென்னை, பெங்களூரு, திருப்பதி, திருவனந்தபுரம் நகரங்களுக்கு சிறிய ரக விமானங்களை இயக்க திட்டமிடப்பட்டு பணிகள் நடந்து வருகிறது. அதன்படி, வேலூர் விமான நிலையத்தில் டெர்மினல் பில்டிங், ரன்வே, வாகன நிறுத்துமிடம், விமான நிலைய கட்டிடங்கள், துணை கட்டிடங்கள், மின்சார கட்டிட பணிகள் இறுதிக்கட்டத்தை எட்டியுள்ளது. இதற்கிடையில் விமான நிலையத்தின் நடுப்பகுதியில் அப்துல்லாபுரம்- தார்வழி சாலை வருவதால் அந்த சாலையை விமான நிலைய ஆணையத்திடம் ஒப்படைக்க முடிவு செய்யப்பட்டது.

அதற்கு பதிலாக புதிய சாலை அமைப்பதற்காக ₹1.15 கோடி நிதியை ஒதுக்கீடு செய்ய கேட்டு தமிழக அரசுக்கு நெடுஞ்சாலைத்துறை அறிக்கை அனுப்பி வைத்தது. ஆனால் முறையாக போக்குவரத்துத்துறை ஒப்படைக்க வேண்டும் என்றும், அதற்கான பணிகளை அவர்கள் தான் மேற்கொள்ள வேண்டும் என்று தெரிவிக்கப்பட்டுள்ளது. இதனால் பல மாதங்களாக அந்த சாலையை ஒப்படைப்பதில் தொடர் சிக்கல் ஏற்பட்டுள்ளது. இதனால் வேலூரில் விமானம் ஓடுமா? என்ற கேள்வி எழுந்தது.இதற்கிடையில் கடந்த வாரம் டிஆர்ஓ பார்த்தீபன் வேலூர் விமான நிலைய பணிகளை பார்வையிட்டார். மேலும் விமான நிலையத்துக்கு தேவையான சாலையை ஒப்படைக்க உள்ள பிரச்னைகள் அதற்கான தீர்வுகள் குறித்து, மத்திய விமான போக்குவரத்து மற்றும் நெடுஞ்சாலைத்துறை, மாநில போக்குவரத்துத்துறை அதிகாரிகளுடன் ஆலோசனை நடத்தினார்.

இதையடுத்து தற்போது மாவட்ட நிர்வாகம் சார்பில் தமிழக போக்குவரத்துத் துறை முதன்மை செயலாளர் சந்திரமோகனுக்கு கடிதம் அனுப்பப்பட்டுள்ளது. இதற்கிடையில், கடந்த வாரத்தில் விமான நிலைய அதிகாரிகள், அப்துல்லாபுரம் - தார்வழி சாலைக்கான மாற்றுப்பாதையை விமான நிலைய அதிகாரி ஆய்வு செய்தனர். இதுகுறித்து வருவாய்த்துறை அதிகாரிகள் கூறியதாவது: அப்துல்லாபுரம் -தார்வழி சாலைக்கு மாற்றுப்பாதைக்கான இடங்களை ஆய்வு செய்து அதன் அறிக்கையை போக்குவரத்துத்துறை முதன்மை செயலாளர் சந்திரமோகனுக்கு அனுப்பப்பட்டது. இதற்கிடையில், கடந்த வாரம் தொடர்ந்து 3 நாட்களாக விமான நிலைய அதிகாரிகள் 4 பேர் கொண்ட குழுவினர் மாற்றுப்பாதை அமையவுள்ள இடத்தை ஆய்வு செய்து, தடையில்லா சான்று வழங்கப்படும் என்றனர். இதையடுத்து அடுத்த வாரம் சென்னையில் நடைபெறும் அரசு துறை செயலாளர்கள் மட்டத்திலான கூட்டத்தில், அப்துல்லாபுரம்- தார்வழி மாற்றுப்பாதைக்கு அனுமதி வழங்குவதற்கான வாய்ப்பு உள்ளது. அனுமதி கிடைத்ததும் மாற்றுப்பாதை அமைப்பதற்கான பணிகள் இம்மாத இறுதியில் அல்லது ஜனவரி மாத முதல் வாரத்தில் தொடங்க வாய்ப்பு உள்ளது. இவ்வாறு அவர்கள் கூறினர்.

சான்றுகோள்கள்
  1. "Madras Flying Club gets access to Vellore airstrip". தி இந்து. 23 July 2006. http://www.hindu.com/2006/07/23/stories/2006072305390400.htm. பார்த்த நாள்: 29 January 2012.
  2. "AAI tells Madras Flying Club to stop training on Vellore airstrip". தி இந்து. 25 May 2011. http://www.thehindu.com/news/states/tamil-nadu/article2046895.ece. பார்த்த நாள்: 29 January 2012.
  3. "Six idle airports to be activated". தி இந்து. 17 August 2006. http://www.hindu.com/2006/08/17/stories/2006081715410100.htm. பார்த்த நாள்: 29 January 2012.

வெளி இணைப்புகள்
This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.