ٹائزن

ٹائزن (Tizen) آلات کے لیے ایک لینکس کی بنیاد پر آپریٹنگ سسٹم ہے، جو اسمارٹ فون، ٹیبلٹ سواری-میں معلومتفریح (In-Vehicle Infotainment), سمارٹ ٹی وی، لیپ ٹاپ اور سمارٹ کیمرے میں استعمال ہوتا ہے۔ ٹائزن لینکس فاؤنڈیشن کے اندر ایک منصوبہ ہے جو تکنیکی اسٹیئرنگ گروپ (Technical Steering Group) کے تابع ہے۔ جبکہ تکنیکی اسٹیئرنگ گروپ سیمسنگ، انٹیل اور دیگر پر مشتمل ہے۔

ٹائزن
Tizen

ٹائزن 2.2 یٹا سکرین[1]
ترقی دہندہ	لینکس فاؤنڈیشن, ٹائزن ایسوسی ایشن, سیمسنگ, انٹیل
آپریٹنگ سسٹم خاندان	لینکس
حالت کار	موجودہ
سورس ماڈل	آپریٹنگ سسٹم: آزاد مصدر ایس ڈی کے: بند مصدر
ابتدائی اشاعت	5 جنوری 2012 (2012-01-05)
مستحکم اشاعت جدید	2.2.1 / 9 نومبر 2013 (2013-11-09)[2]
غیر مستحکم اشاعت جدید	3.0-M2[3] / 29 اگست 2013 (2013-08-29)
مارکٹنگ ہدف	کمپیوٹر, ٹیبلیٹ, اسمارٹ فون, جی پی ایس سمارٹ نیویگیشن, سواری-میں معلومتفریح, سمارٹ ٹی وی, قابل پہننا کمپیوٹنگ
دستیاب پروگرامنگ زبانیں	ایچ ٹی ایم ایل5, C, سی++
پیکیج مینیجر	آر پی ایم پیکج مینیجر
تقویت یافتہ پلیٹ فارمز	اے آر ایم اور x86
کرنل طرز	مونولیتھک (لینکس)
متعین صارف انٹرفیس	گرافیکل (مقامی اور ویب ایپلی کیشنز)
اجازت نامہ	آپریٹنگ سسٹم: جی پی ایل 2, ایل جی پی ایل, اپاچی لائسنس, بی ایس ڈی, فلورا لائسنس ایس ڈی کے: مصنعِ آزاد
سرکاری ویب سائٹ	www.tizen.org

ٹائزن ایسوسی ایشن [4] کے ارکان کی موبیلیٹی صنعت کے ہر اہم شعبے اور دنیا کے ہر خطے کی نمائندگی کرتے ہیں۔ موجودہ ارکان میں ٹیلی کمیونیکیشن نیٹ ورک آپریٹرز، صنعت کار فیوجتسو، ہواوی، انٹیل، کے ٹی کارپوریشن، این ای سی کاسیو موبائل کمیونیکیشن، این ٹی ٹی ڈوکومو، اورنج ایس اے، پیناسونک موبائل کمیونیکیشن، سیمسنگ، ایس کے ٹیلی کام، سپرنٹ کارپوریشن اور ووڈافون شامل ہیں۔[5] ٹائزن کی جڑیں سیمسنگ لینکس پلیٹ فارم اور لمو پروجیکٹ تک پہنچتی ہیں اور 2013ء میں سیمسنگ نے اپنے باڈا موبائل آپریٹنگ سسٹم کو ٹائزن میں ضم کر دیا تھا۔[6]

اکتوبر 2013ء کے پہلے ہفتے میں سیمسنگ کا این ایکس300ایم سمارٹ کیمرا ٹائزن کی بنیاد پر سب سے پہلا صارفی مصنوعات بن گیا۔ اس کی جنوبی کوریا میں ایک ماہ تک فروخت کے بعد ٹائزن ڈیولپر اجلاس میں اس کے بارے اعلان کیا گیا۔[7][8][9] سیمسنگ گئر 2 سمارٹ گھڑی میں ٹائزن استعمال کیا گیا ہے جسے اپریل 2014ء میں متعارف کیا گیا تھا۔[10]