میری کیوری

میری کیوری (انگریزی: Marie Curie) (پیدائشی نام: ماریہ سکلوڈووسکا، Maria Salomea Skłodowska) المعروف مادام کیوری (7 نومبر، 1867ء – 4 جولائی، 1934ء) ایک پولش-فرانسیسی طبیعیات دان اور کیمیا دان تھیں۔ وہ تابکاری (radioactivity) کے شعبے کی بانی تھیں جنہوں نے دو مرتبہ نوبل انعام حاصل کیا۔ آپ واحد فرد ہیں جنہوں نے سائنس کے دو مختلف شعبوں (طبیعیات اور کیمیا) میں نوبل انعام حاصل کیے۔ انھیں طبیعیات میں یہ انعام 1903ء میں ان کے شوہر پیری کیوری کے ساتھ دیا گیا جس کی وجہ تابکاری پر کی گئیں ان کی تحقیقات و دریافتیں تھیں جبکہ کیمیاء میں یہ انعام انھیں 1911ء میں ملا جس کی وجہ ریڈئیم اور پولونیم کی دریافتیں تھیں۔

میری کیوری
(فرانسیسی میں: Marie Curie)،(پولش میں: Maria Skłodowska-Curie)
،
معلومات شخصیت
پیدائشی نام	(پولش میں: Marya Salomea Skłodowska)[1]
پیدائش	7 نومبر 1867 [2][3][4][5][6][7][8]  وارسا [9][3][10]
وفات	4 جولا‎ئی 1934 (67 سال)[11][9][3][4][5][6][7]
مدفن	پانتھیون
طرز وفات	طبعی موت
رہائش	وارسا (1867–1891) پیرس (1891–)
شہریت	فرانس (1895–)[12] پولینڈ (1918–)[13][14][15] سلطنت روس
مذہب	لامعرفت [16]
رکنیت	روس کی اکادمی برائے سائنس ، اکیڈمی آف سائنس سویت یونین ، رائل سویڈش اکیڈمی آف سائنسز [17]، سائنس کی روسی اکادمی ، امریکن فلوسوفیکل سوسائٹی [17]
شوہر	پیری کیوری (26 جولا‎ئی 1895–19 اپریل 1906)
اولاد	آئرین جولیٹ کیوری
عملی زندگی
مادر علمی	پیرس یونیورسٹی (1891–1893) پیرس یونیورسٹی پیرس یونیورسٹی (–1894)
تخصص تعلیم	طبیعیات ، وطبیعیات ،ریاضی
تعلیمی اسناد	ماسٹر آف سائنس ، وDoctor of Science ،ماسٹر آف سائنس
ڈاکٹری مشیر	گبریل لیپمین
پیشہ	طبیعیات دان ، کیمیادان [18][12][19]، استاد جامعہ
مادری زبان	پولش زبان [15]
پیشہ ورانہ زبان	روسی [20]، پولش زبان ، فرانسیسی [21]
شعبۂ عمل	اشعاعی تنزل [22]، کیمیا [22]، طبیعیات [22]
نوکریاں	پیرس یونیورسٹی
اعزازات
تمغا جون اسکاٹ (1921) نوبل انعام برائے کیمیا   (1911)[23][24] تمغا البرٹ (1910) میٹوسی میڈل (1904) نوبل انعام برائے طبیعیات   (1903)[25][24] تمغا ڈیوی (1903)[26]  لیجن آف آنر
دستخط
	IMDB پر صفحات

آپ جامعہ پیرس میں استاد کی حیثیت سے متعین کی گئی پہلی خاتون تھیں۔ آپ وارسا، پولینڈ میں پیدا ہوئیں اور اپنے ابتدائی ایام وہیں گزارے لیکن 24 سال کی عمر میں 1891ء میں سائنس کی تعلیم کے لیے پیرس، فرانس منتقل ہو گئیں۔ آپ نے اعلیٰ تعلیم اور تمام تر سائنسی تحقیق پیرس ہی میں کی اور فرانس کی شہریت اختیار کر لی۔ آپ نے پیرس اور وارسا میں کیوری علمی ادارے قائم کیے۔