قرت العین حیدر

20 جنوری، 1927ء میں اتر پردیش کے شہر علی گڑھ میں پیدا ہوئیں۔ ان کے والد سجاد حیدر یلدرم اردو کے پہلے افسانہ نگار شمار کیے جاتے ہیں۔ تقسیم ہند کے بعد قرت العین حیدر کا خاندان پاکستان چلا گیا۔ لیکن بعد میں انہوں نے بھارت آ کر رہنے کا فیصلہ کیا۔

قرت العین حیدر نہ صرف ناول نگاری کے لیے ہی نہیں بلکہ اپنے افسانوں اور بعض مشہور تصانیف کے ترجموں کے لیے بھی جانی جاتی ہیں۔ ان کے مشہور ناولوں میںآگ کا دریا، آخرِ شب کے ہم سفر، میرے بھی صنم خانے، چاندنی بیگم اور کارِ جہاں دراز شامل ہیں۔

اندر پرستھ کالج دہلی[5] سے تعلیم مکمل کرنے کے بعد وہ لکھنئو چلی گئیں اور لکھنؤ یونیورسٹی میں داخلی لیا۔ پھر ازابیلا تھبرن کالج میں بھی تعلیم حاصل کی اور 1947ء میں پاکستان چلی گئیں۔ اس کے بعد کچھ دنوں برطانیہ میں رہیں اور پھر 1960ء میں بھارت آگئیں اور نوئیڈا منتقل ہونے سے قبل 20 برس ممبئی میں رہیں۔ نوئیڈا میں ہی ان کا انتقال ہوا۔ وہ ساری عمر کنواری رہیں۔

تقسیم ہند کے وقت وہ اپنے اہل خانہ کے ساتھ پاکستان چلی گئیں۔[6] 1959ء میں ان کا ناول آگ کا دریا منظر عام پر آیا جس پر پاکستان میں بہت ہنگامہ ہوا۔ اس کے معا بعد انہوں نے بھارت واپس ہونے کا فیصلہ کیا۔[6] وہ بطور صحافی کام کرتی وہیں اور افسانے اور ناول لکھتی رہیں۔ ان کے علاوہ انہوں نے ادبی ترجمے بھی کیے۔ ان کی کتابوں کی تعداد 30 سے زاید ہے۔ انہوں نے 1964ءتا68ء ماہنامہ امپرنٹ کی ادارت کی اور السٹریٹیڈ ویکلی آف انڈیا میں اداریہ لکھتی رہیں۔ ان کی کتابیں انگریزی اور دیگر زبانوں میں ترجمہ ہوئی ہیں۔

ان کے سبھی ناولوں اور کہانیوں میں تقسیم ہند کا درد صاف نظرآتا ہے اور ان کے دو ناولوں آگ کا دریا اور آخر شب کے ہم سفر کو اردو ادب کا شاہکار مانا جاتا ہے۔

آخرِ شب کے ہم سفر کے لیے 1989ء میں انہیں بھارت کے سب سے باوقار ادبی اعزاز گیان پیٹھ انعام سے بھی نوازا گیا جبکہ بھارتی حکومت نے انہیں 1985ء میں پدم شری اور 2005ء میں پدم بھوشن جیسے اعزازات بھی دیے۔

11 سال کی عمر سے ہی کہانیاں لکھنے والی قرت العین حیدر کو اردو ادب کی ورجینا وولف کہا جاتا ہے۔ انہوں نے پہلی بار اردو ادب میں سٹریم آف کونشیئسنسراتکنیک کا استعمال کیا تھا۔ اس تکنیک کے تحت کہانی ایک ہی وقت میں مختلف سمت میں چلتی ہے۔

انھیں ساہتیہ اکادمی اور گیان پیٹھ انعام کے اعزازات بھی مل چکے ہیں۔ ساہتیہ اکیڈمی اعزاز ان کے افسانوی مجموعہ پت جھڑ کی آواز پر 1967ء میں تفویض ہوا جبکہ گیان پیٹھ اعزاز 1989ء میں آخرِ شب کے ہم سفر پر دیا گیا تھا۔ انہیں پدم بھوشن اور جنان پیٹھ اعزازت سے بھی نوازا گیا ہے۔

ان کی وفات 21 اگست 2007ء کو نوئیڈا میں ہوئی اور جامعہ ملیہ اسلامیہ کے قبرستان میں مدفون ہوئیں۔[7]

21 اگست، 2007ء کو دہلی میں طویل علالت کے بعد ان کا انتقال ہوا۔

• آگ کا دریا
• آخرِ شب کے ہمسفر (گیان پیٹھ ایوارڈ یافتہ)
• میرے بھی صنم خانے
• چاندنی بیگم
• کارِ جہاں دراز ہے
• روشنی کی رفتار
• سفینۂ غمِ دل
• پت جھڑ کی آواز (ساہتیہ اکادمی ایوارڈ یافتہ)
• گردشِ رنگِ چمن
• چائے کے باغ
• دلربا
• اگلے جنم موہے بٹیا نہ کیجو

• سجاد حیدر یلدرم
• ورجینیا وولف
• قرۃ العین طاہرہ

• چند یادگار تصویریں
• جب عینی نے مجھے ڈانٹ لگائی۔۔۔
• سورج کو جھونکا ہوا کا بجھا گيا
• قرۃ العین، ایک گھنا درخت: شہریار
• قرۃ العین حیدر کی دوسری برسی پر
• قرۃالعین حیدر کے بارے میں لائبریری کانگریس میں

ویکی اقتباس میں قرت العین حیدر سے متعلق اقتباسات موجود ہیں۔