دیپیکا پڈوکون

دیپیکا پڈوکون (تاریخِ پیدائش : 5 جنوری 1986ء) ایک بھارتی بالی وڈ اداکارہ ہیں۔ ان کا شمار دنیا میں سب سے زیادہ معاوضہ لینے والی اداکاراؤں میں ہوتا ہے۔ انہوں نے تین فلم فئير اعزازات سميت کئی دوسرے اعزازات جیتے ہیں۔ انہیں بھارت کی   چند مشہور اور پُرکشش شخصیات میں گردانا جاتا ہے۔

دیپیکا پڈوکون
معلومات شخصیت
پیدائش	5 جنوری 1986 (33 سال)[1]  کوپن ہیگن [2]
شہریت	ڈنمارک
شوہر	رنویر سنگھ (14 نومبر 2018–)
عملی زندگی
مادر علمی	اندرا گاندھی نیشنل اوپن یونیورسٹی
پیشہ	اداکارہ ، ماڈل ، فلم اداکارہ
پیشہ ورانہ زبان	ہندی
اعزازات
فلم فیئر اعزاز برائے بہترین اداکارہ (برائے:گولیوں کی رسلیلہ رام لیلہ اور Piku ) سی این این نیوز 18 انڈین آف دی ائیر ایفا اعزاز برائے بہترین اداکارہ (برائے:چنائی ایکسپرس اور Piku ) زی سائن اعزازات (برائے:Om Shanti Om ، چنائی ایکسپرس ، Piku اور باجی راؤ مستانی )
دستخط
ویب سائٹ
ویب سائٹ	باضابطہ ویب سائٹ
	IMDB پر صفحات

پڈوکون ایک مشہور بیڈمینٹن کھلاڑی پرکاش پڈوکون کے گھرانے میں پیدا ہوئیں جو اُس وقت کوپن ہیگن، ڈنمارک میں رہایٔش پزیر تھے۔ اِن  کی پرورش بنگلور (بھارت) میں ھوئی۔ دیپیکا نے اوائل عمری  میں  ہی ملکی سطح پر بیڈمینٹن کھیلنا شروع کر دیا تھا، لیکن  فیشن  ماڈل بننے کے لیے اِنہوں نے کھیلوں کے کیریئر کو خیرباد کہہ دیا۔ جلد ہی انہیں فلموں کی پیشکش ملنا شروع ہو گئی۔ پڈوکون نے 2006ء میں بطور نوآموز اداکارہ صندل وڈ[3] میں اپنی پہلی فلم ایشوریا  (جو کنڑا  زبان میں تھی)  میں اداکاری کے جوہر دِکھائے۔ 2007ء  میں اِنکی نہایت مقبول پہلی بالی وڈ فلم اوم شا نتی اوم منظر عام پرآئی جس میں انہوں نے دوہرا کردار ادا کیا۔ اپنی زبردست اداکاری کی بدولت اس فلم پر انہیں بہترین نوآموز اداکارہ کا فلم فیئر اعزاز سے بھی نوازا گیا۔