ராடான் மீடியாவொர்க்ஸ்

ராடான் மீடியாவொர்க்ஸ் என்பது 1999ஆம் ஆண்டு முதல் நடிகை ராதிகா தலைமையில் இயங்கும் ஒரு மகிழ்கலை தயாரிப்பு நிறுவனம் ஆகும். இதன் தலைமையிடம் சென்னை தமிழ்நாட்டில் அமைந்துள்ளது. இதன் செயல்பாட்டு இயக்குனராக நடிகரும் ராதிகாவின் கணவருமான சரத்குமார் உள்ளார்.

இந்த நிறுவனம் 1994ஆம் ஆண்டு தனி ஒரு நிறுவனமாக ஆரம்பிக்கப்பட்டு 1999ஆம் ஆண்டு ஒரு பொழுதுபோக்கு தயாரிப்பு நிறுவனமாக செயல்படுத்தப்பட்டது. இந்த தயாரிப்பு நிறுவனம் மூலம் முதலில் தயாரிக்கப்பட்ட தொடர் பாலைவனப்புயல் இந்த தொடர் ஜெயா தொலைக்காட்சியில் ஒளிபரப்பானது. இந்த தொடரில் ராதிகா கதாநாயகியாக நடித்துள்ளார். அதை தொடர்ந்து சித்தி, அண்ணாமலை, செல்வி போன்ற பல தமிழ் தொடர்கள் மற்றும் தெலுங்கு, கன்னடம் மற்றும் மலையாள மொழிகளில் பல தொடர்களை தயாரித்து ஒளிபரப்பு செய்து வருகின்றது.