காதல் கவிதை

விஷ்வா (பிரசாந்த்) தன் நண்பன் ஆனந்தத்துடன் (சார்லி) நேரத்தை கழிக்கிறான். தன் தந்தையுடன் எப்பொழுதும் சண்டையிடும் தாயை தவிர்த்துவருகிறான். அந்நிலையில், ஜோதியை (இஷா கோபிக்கர்) விஷ்வா சந்திக்க நேரிடுகிறது. பின்னர், லண்டன் செல்லும் விஷ்வா, இளவரசி டயானா கல்லறையில் மிக அருமையான காதல் கவிதை ஓன்றை விட்டுச்செல்கிறான். அதே நேரம், அந்தக் கல்லறைக்கு வரும் ஜோதி, அந்த காதல் கவிதையை படிக்கிறாள். அதை எழுதிய நபரை சந்திக்க ஆசைபாடுகிறாள் ஜோதி. ஜோதிக்கும் விஷ்வாவிற்கும் பார்க்காமலே நட்பு மலர்கிறது. விஷ்வா-ஜோதி ஜோடி ஒன்று சேர்ந்ததா என்பதே மீதிக் கதையாகும்.

படத்தின் பின்னணி இசை மற்றும் பாடல்களின் இசையை அமைத்தவர் இளையராஜா ஆவார். 1998 ல் அதிகமாக விற்பனையான இசைப் பாடல்களாக இப்படத்தின் பாடல்கள் இருந்தன.[2]

1998 யில் ஷங்கர் இயக்கிய ஜீன்ஸ் (திரைப்படம்) வெற்றிக்கு பின்னர், அகத்தியன் இயக்கத்தில் பிரசாந்த் நடிப்பில் படம் ஒன்றை தயாரிக்க ஒப்புக்கொண்டார் அசோக் அம்ரிதராஜ்.[3][4] அதிசயம் என்ற பெயருடன், தமிழ் நாட்டில் படப்பிடிப்பு 1998 யில் துவங்கியது.[5] தனது முந்தய படைப்பின் (காதல் கோட்டை) நினைவாக, இப்படத்திற்கு காதல் கவிதை என்று பெயர் மாற்றம் செய்தார் அகத்தியன்.[6]

கஸ்தூரி இடம் பெரும் பாட்டு ஒன்றிக்கு நடனம் அமைத்தார் ராஜூ சுந்தரம்.[3] லண்டனில் இளவரசி டயானா நினைவிடம் இருக்கும் இடத்தில், படத்தின் சில காட்சிகள் படமாக்கப்பட்டன.[7][8]

இப்படத்தில் இஷா கோபிகரின் நடிப்பை பார்த்து, நெஞ்சினிலே படத்தில் அவருக்கு வாய்ப்பு வழங்கப்பட்டது.[9] 1998 யில் சிறந்த அறிமுக நடிகை என்ற பிலிம்பேர் விருதையும் பெற்றார்.[10]

கதாபாத்திரங்களின் கலவையும், வசனங்களும் சிறப்பாக இயக்குனர் கையாண்டதாகவும், இந்த வருடத்தில் கட்டாயம் பார்க்க வேண்டிய படம் என்றும் விமர்சனம் செய்யப்பட்டது.[11]

• இணையதள திரைப்பட தரவுத்தளத்தில் Kaadhal Kavithai