തെഫ്നട്ട്

പുരാതന ഈജിപ്ഷ്യൻ വിശ്വാസപ്രകാരം ഈർപ്പം, ആർദ്ര വായു, മഞ്ഞ്, മഴ എന്നിവയുടെ ദേവിയാണ് തെഫ്നട്ട് (ഇംഗ്ലീഷ്: Tefnut).[1] വായുദേവനായ ഷുവിന്റെ സഹോദരിയും പത്നിയുമാണ് തെഫ്നട്ട്. ഗെബ്, നട്ട് എന്നിവർ തെഫ്നട്ടിന്റെ മക്കളാണ്.

Tefnut
മഴ, വായു, ആർദ്രത, കാലാവസ്ഥ, മഞ്ഞ്, ഫലപുഷ്ടി, ജലം എന്നിവയുടെ ദേവി
സിംഹ ശിരസ്സോടുകൂടിയ തെഫ്നട്ട് ദേവി
ഈജിപ്ഷ്യൻ ഹൈറോഗ്ലിഫിക്സിലെ പേര്
പ്രധാന ആരാധന കേന്ദ്രം	ഹീലിയോപോളിസ്, ലിയോൺതോപോളിസ്
ചിഹ്നം	സിംഹിണി
ജീവിത പങ്കാളി	ഷു
മാതാപിതാക്കൾ	റാ / അത്തും, ഇയൂസാസെറ്റ്
സഹോദരങ്ങൾ	ഷു ഹാത്തോർ മാറ്റ്
മക്കൾ	ഗെബ്, നട്ട്

ഹീലിയോപോളിസിലെ നവദൈവ സങ്കൽപ്പമായ എന്നിയാഡിലെ ഒരു ദേവതയാണ് തെഫ്നട്ട്. ഒരു പെൺസിംഹത്തിന്റെ ശിരസ്സോടുകൂടിയ സ്ത്രീരൂപത്തിലാണ് എന്നിയാഡിൽ തെഫ്നട്ടിനെ ചിത്രീകരിക്കാറുള്ളത്. അർദ്ധ-മനുഷ്യ രൂപത്തിലും പൂർണ്ണ-മനുഷ്യരൂപത്തിലും തെഫ്നട്ടിനെ ചിത്രീകരിക്കാറുണ്ട്.[2]