محمد شریف خان پونچھ والے

محمد شریف خان پونچھ والے 1926ء کو ضلع حصار، برطانوی ہندوستان میں پیدا ہوئے[1]۔[2]۔ ان کے والد استاد رحیم بخش مہاراجا پونچھ کے موسیقی کے استاد تھے۔ ان کی زندگی کا ابتدائی زمانہ پونچھ میں گزرا اس لیے پونچھ سے ان کی نسبت ان کے نام کا حصہ بن گئی۔[2]

استاد محمد شریف خان کو ابتدا ہی سے ستار بجانے کا شوق تھا۔ ان کے والد اور اساتذہ نے بھی انہیں موسیقی کی تعلیم دینے میں کوئی کسر نہ اٹھا رکھی۔ وہ ستار کے علاوہ وچتروینا بھی کمال مہارت اور پختگی کے ساتھ بجاتے تھے۔ انھوں نے کئی راگ بھی ایجاد کیے تھے۔ اسی باعث انہیں استاد کا مرتبہ حاصل تھا۔[2]

حکومت پاکستان نے استادمحمد شریف خان پونچھ والے کو ان کی فنی خدمات کے صلے میں 14 اگست، 1965ء کو صدارتی تمغا برائے حسن کارکردگی عطا کیا۔[2]

محمد شریف خان پونچھ والے 26 مئی، 1980ء کو لاہور، پاکستان میں وفات پاگئے۔ وہ لاہور میں میانی صاحب کے قبرستان میں سپردِ خاک ہوئے۔[1][2]