عباسی

عباسی ایک خاندانی نام ہے، جو عباس بن عبد المطلب کی نسل و اولاد سے ہیں ، خلافت عباسیہ سے ان کی نسلی نسبت بھی قومیت عباسی مراد ہو سکتی ہے، سندھ میں کلہوڑے بھی خود کو عباسی کہتے ہیں، سندھ ہی سے ہجرت کر کے بہاولپور آنے والے داؤد پوترے ریاست بہاولپور کے عباسی حکمران خاندان کہلاتے ہیں، مری ضلع راولپنڈی میں آباد عباسی عام طور پر ڈھونڈ عباسی کہلاتے ہیں سندھ میں انجمن اتحاد عباسیہ تنظیم قائم ہے جس کے مرکزی چیئرمین ڈاکٹر شفقت حسین عباسی ہیں،علاوہ ازیں ایک متحدہ اتحادعباسیہ ہے جس کے مرکزی رہنماء سردار ممتاز عباسی ہیں۔فقہ عباسیہ ان کی دینی فکر ہے۔ خاندان عباسیہ کے علاوہ پیروکاران خاندان عباسیہ بھی اپنے ناموں کے ساتھ عباسی لکھتے ہیں یہ پیروکاران خاندان عباسیہ وہ لوگ ہیں جو فقہ عباسیہ مذہب ابن عباس آل عباس کے ماتحت تھے اور خاندان عباسیہ کے ساتھ مل کر کفار و مشرکین کے خلاف جہاد و قتال کرنے والوں کی اولادیں ہیں۔