روبن گھوش
روبن گھوش پاکستان فلم انڈسٹری کے نامور موسیقار ہیں۔ 70 اور 80 کی دہائی میں مغربی پاکستان اور مشرقی پاکستان میں بننے والی فلموں کے موسیقار ہیں۔ مشہور اداکارہ اداکارہ شبنم ان کی اہلیہ ہیں۔ رابن گھوش بنگلہ دیش میں مقیم تھے اور ان کا انتقال 13 فروری، 2016ء کو ڈھاکہ میں ہوا۔[1]
| روبن گھوش | |
|---|---|
| معلومات شخصیت | |
| پیدائش | 13 ستمبر 1937 اور 13 ستمبر 1939 بغداد |
| وفات | 13 فروری 2016 (79 سال) ڈھاکہ |
| شہریت |  |
| مذہب | مسیحیت |
| زوجہ | شبنم (1964–) |
| عملی زندگی | |
| پیشہ | نغمہ ساز |
| اعزازات | |
 |
IMDB پر صفحہ |
ابتدائی زندگی
روبن گھوش کے والد انٹرنیشنل ریڈ کراس سے منسلق تھے۔ ان کی عراق تعیناتی کے دوران 1939ء میں روبن گھوش کی پیدائش ہوئی اور چھ سال کی عمر میں وہ اپنے والدین کے ساتھ بنگال ،ڈھاکہ میں آ کر رہنے لگے۔ یہیں پر ان کو موسیقی میں دلچسبی پیدا ہوئی اور انھوں نے ڈھاکہ سے موسیقی میں تعلیم حاصل کی۔
گھریلو زندگی
روبن گھوش نے اداکارہ شبنم سے شادی کی اور 1996ء میں وہ اور شبنم پاکستان سے بنگلہ دیش منتقل ہو گئے۔
فلمی کیرئیر
روبن گھوش نے فلمی گانوں کے لیے موسیقی ترتیب دینے کا آغاز بنگالی فلموں سے کیا۔ 1961ء میں فلم "چندا" ان کے کیرئیر کی پہلی اردو فلم تھی۔ ان کے فنی کیرئیر کی سب سے مشہور فلم آئینہ ہے۔ اس کے علاوہ 'احساس'، 'امنگ'،'چکوری'،'چاہت'،شرافت'،'تلاش' اور 'بندش' کے موسیقار بھی روبن گوش تھے۔'جو ڈر گیا، وہ مر گیا' ان کی آخری پاکستانی فلم تھی۔[2]
نگار اعزاز
روبن گھوش کو 6 مرتبہ نگار ایوارڈ حاصل کرنے کا اعزاز حاصل ہے۔