اورنگی ٹاؤن

اورنگی ٹاؤن پاکستان کے صوبہ سندھ کے دار الحکومت کراچی کے 18 قصبہ جات میں سے ایک ہے۔ اگست 2000ء میں بلدیاتی نظام متعارف کرائے جانے کے ساتھ ہی کراچی ڈویژن اور اس کے اضلاع کا خاتمہ کر کے کراچی شہری ضلعی حکومت کا قیام عمل میں لایا گیا۔ اس کے نتیجے میں شہر کو 18 قصبہ جات (ٹاؤنز) میں تقسیم کر دیا گیا جن میں اورنگی ٹاؤن بھی شامل ہے۔

اورنگی ٹاؤن شہر کے شمال مغربی حصے میں واقع ایک چھوٹا اور انتہائی گنجان آباد قصبہ ہے۔ دعویٰ کیا جاتا ہے کہ یہ ایشیا کی سب سے بڑی کچی آبادی (slum) ہے ^{[حوالہ درکار]}۔ 1998ء کی مردم شماری کے مطابق یہاں کی آبادی تقریباً 7 لاکھ سے زائد ہے۔ اس کی سرحدیں شمال اور مشرق میں گڈاپ اور مشرق اور جنوب میں سائٹ ٹاؤن سے ملتی ہیں جبکہ شمال مغرب میں کیماڑی ٹاؤن اور مشرق میں بلدیہ ٹاؤن واقع ہے۔ 2009ء میں اس قصبے کے ناظم عبد الحق جبکہ ان کے نائب شاہد بشیر ہیں۔