ابی احمد علی

ابی احمد کی ولادت 15 اگست 1976ء کو ایتھیوپیا کے موجودہ اورومیا علاقہ میں پیدا ہوئے۔[7][8] اس وقت یہ علاقہ کافا صوبہ میں آتا تھا۔ ان کی جائے پیدائش بشاشہ[9] نامی قصبہ ہے۔ ان کے والد احمد علی مسلمان تھے[10] جن کی چار بیویاں تھیں۔[11] ان کی والدہ حبشی راسخ الاعتقاد توحیدی کلیسیا[12]) سے تعلق رکھنے والی مسیحی تھیں۔[13][14][15]

ابی اپنے کثیر الزواج والد کی 13ویں اولاد ہیں اور ماں جائی بھائی بہنوں میں چھٹے اور سب سے چھوٹے ہیں۔[9][14]

ابی نے 2001ء میں مائیکرولنک انفارمیشن ٹیکنالوجی کالج، اڈس ابابا سے کمپیوٹر انجینرنگ میں بیچلر کی ڈگری حاصل کی۔[16] 2011ء میں یونیورسٹی آف گرینچ، لندن سے ٹرانسفارمیشنل لیڈرشپ میں ماسٹر کی حاصل کی اور 2013ء میں لیڈسٹار کالج آف مینیجمینٹ (الحاق: ایشلنڈ یونیورسٹی) سے ماسٹر آف بزنس اڈمنسٹریشن کی ڈگری لی۔ علامہ فلسفہ کرنے کے بعد 2017ء میں پی ایچ ڈی کا مقالہ لکھ کر ڈاکٹری کی ڈگری سے سرفراز ہوئے۔[17]

ان کی اہلیہ کا نام زینش ہے اور وہ امارہ خاتون ہیں اور غوندر سے تعلق رکھتی ہیں۔[9][14] اس وقت دونوں ہی ایتھیوپیا ڈیفینس میں ملازمت کر رہے تھے۔[18] ان کی تین بیٹیاں ہیں اور حال ہی میں انہوں نے ایک بیٹے کو گود لیا ہے۔[18] ابی کثیر اللسان ہیں اور انگریزی زبانکے علاوہ اورومو زبان، امہری زبان اور تیگرینیا زبان جانتے ہیں۔[19]