بھارت سعودی عرب تعلقات

قدیم ہندوستان اور عرب کے تجارتی و ثقافتی روابط تین ہزار قبل مسیح سے ہیں۔[3] 1000ء میں جنوبی ہند اور عرب کے تجارتی تعلقات عروج پر تھے اور عرب معیشت کی ریڑھ کی ہڈی بن گئے تھے۔[4] یورپی سامراجی سلطنتوں کے عروج سے قبل تک، عرب تاجر ہندوستان اور یورپ کے مابین گرم مسالوں کی تجارت پر اجارہ داری کر رہے تھے۔ [5] ہندوستان تیسری سعودی ریاست کے ساتھ تعلقات قائم کرنے والا پہلا ملک تھا۔ 1930 کی دہائی کے عرصے میں، ہندوستان نے نجد کو مالی امداد دی تھی۔[6]

معاصر بھارت کے ساتھ سعودی عرب کے رسمی تعلقات 1947ء میں بھارت کی آزادی کے بعد قائم ہوئے۔ علاقائی معاملات اور تجارت میں تعاون کی وجہ سے دونوں ممالک کے درمیان میں تعلقات بہت مضبوط ہو چکے ہیں۔ سعودی عرب بھارت کو تیل پیچنے والا سب سے بڑا ملک ہے۔ بھارت سعودی عرب کے پہلے سات تجارتی شراکت داروں میں سے ایک ہے اور بھارت سعودی عرب میں سرمایہ کاری کرنے والا پانچواں بڑا ملک ہے۔[7]

اب تک بھارتی وزرائے اعطم کی طرف سے سعودی عرب کے چار دورے ہوئے ہیں: جواہر لعل نہرو نے 1955ء میں، اندرا گاندھی نے 1982ء میں، منموہن سنگھ نے 1910ء میں اور آخری نریندر مودی نے 2016ء میں کیا۔[8] اسی طرح دونوں ملک دہشت گردی کے بارے مشترکہ نظریات رکھتے ہیں۔[9]

1947ء میں اپنی آزادی کے بعد سے، مغربی ایشیا میں ایک اہم علاقائی طاقت اور تجارتی بنیاد پر بھارت نے سعودی عرب کے ساتھ مضبوط تعلقات قائم کرنے کی کوشش کی ہے۔ نومبر 1955ء میں سعود بن عبدالعزیز آل سعود نے بھارت کا نہایت اہم دورہ کیا[10][11][12] اور دونوں ملکوں نے امن و امان کے پانچ اصولوں پر مبنی تعلقات کی صورت پر اتفاق کیا۔[13] سعودی عرب 1.4 ملین سے زائد بھارتی کارکن سعودی عرب میں سلسلۂ روزگار قیام پزیر ہیں۔[14] بھارت پہلا جنوب ایشیائی ملک تھا جس نے سویت اتحاد کے پشت پناہ جمہوری جمہوریہ افغانستان کو تسلیم کیا، جب کہ اس وقت سعودی عرب افغان مجاہدین جو روس کے خلاف لڑ رہے تھے، ان کا بہت بڑا مالی معاون تھا اور پاکستان کا اتحادی۔[13][15]

ویکی کومنز پر بھارت سعودی عرب تعلقات سے متعلق سمعی و بصری مواد ملاحظہ کریں۔

• سعودی عرب میں بھارتی

سانچہ:سعودی عرب کے خارجہ تعلقات