ரணில் விக்கிரமசிங்க

ரணில் விக்கிரமசிங்க (Ranil Wickremesinghe, சிங்களம்: රනිල් වික්‍රමසිංහ, பிறப்பு: 24 மார்ச் 1949) இலங்கை அரசியல்வாதி ஆவார். இவர் நவம்பர் 12, 1994 முதல் ஐக்கிய தேசியக் கட்சியின் தலைவராக இருந்து வருகிறார். இவர் முதன்முதலாக 1977 ஆம் ஆண்டில் நாடாளுமன்ற உறுப்பினராகத் தெரிவு செய்யப்பட்டார். இவர் மூன்று தடவைகள் பிரதமராகப் பதவி வகித்தார்.[1]

ரணில் விக்கிரமசிங்க
இலங்கையின் 13-வது, 17-வது, 21-வது பிரதமர்
பதவியில் 9 சனவரி 2015 – 21 நவம்பர் 2019
குடியரசுத் தலைவர்	மைத்திரிபால சிறிசேன கோட்டாபய ராஜபக்ச
முன்னவர்	தி. மு. ஜயரத்ன
பின்வந்தவர்	மகிந்த ராசபக்ச
பதவியில் 9 திசம்பர் 2001 – 6 ஏப்ரல் 2004
குடியரசுத் தலைவர்	சந்திரிக்கா பண்டாரநாயக்க குமாரதுங்க
முன்னவர்	இரத்தினசிறி விக்கிரமநாயக்க
பின்வந்தவர்	மகிந்த ராசபக்ச
பதவியில் 7 மே 1993 – 18 ஆகத்து 1994
குடியரசுத் தலைவர்	டிங்கிரி பண்டா விஜயதுங்கா
முன்னவர்	டிங்கிரி பண்டா விஜயதுங்கா
பின்வந்தவர்	சந்திரிக்கா பண்டாரநாயக்க குமாரதுங்க
எதிர்க்கட்சித் தலைவர்
பதவியில் 22 ஏப்ரல் 2004 – 9 சனவரி 2015
குடியரசுத் தலைவர்	சந்திரிக்கா பண்டாரநாயக்க குமாரதுங்க மகிந்த ராசபக்ச
பிரதமர்	மகிந்த ராசபக்ச இரத்தினசிறி விக்கிரமநாயக்க டி. எம். ஜயரத்தின
முன்னவர்	மகிந்த ராசபக்ச
பின்வந்தவர்	நிமல் சிரிபால டி சில்வா
பதவியில் 28 அக்டோபர் 1994 – 10 அக்டோபர் 2001
குடியரசுத் தலைவர்	சந்திரிக்கா பண்டாரநாயக்க குமாரதுங்க
பிரதமர்	சிறிமாவோ பண்டாரநாயக்கா இரத்தினசிறி விக்கிரமநாயக்க
முன்னவர்	காமினி திசாநாயக்கா
பின்வந்தவர்	இரத்தினசிறி விக்கிரமநாயக்க
கொழும்பு மாவட்ட நாடாளுமன்ற உறுப்பினர்
பதவியில் உள்ளார்
பதவியேற்பு 1994
கம்பகா மாவட்ட நாடாளுமன்ற உறுப்பினர்
பதவியில் 1989–1994
பியகமை தொகுதியின் நாடாளுமன்ற உறுப்பினர்
பதவியில் 21 சூலை 1977 – 15 பெப்ரவரி 1989
முன்னவர்	புதிய தொகுதி
பின்வந்தவர்	தொகுதி அழிப்பு
கொள்கைத் திட்டமிடல், பொருளாதார அபிவிருத்தி அமைச்சர்
பதவியில் உள்ளார்
பதவியேற்பு 12 சனவரி 2015
குடியரசுத் தலைவர்	மைத்திரிபால சிறிசேன
பிரதமர்	இவரே
முன்னவர்	பசில் ராஜபக்ச
சட்டம், ஒழுங்கு அமைச்சர்
பதவியில் 25 பெப்ரவரி 2018 – 8 மார்ச் 2018
குடியரசுத் தலைவர்	மைத்திரிபால சிறிசேன
பிரதமர்	இவரே
முன்னவர்	சாகல இரத்திநாயக்கா
பின்வந்தவர்	எம். ஆர். ரஞ்சித் மத்தும பண்டார
தொழிற்துறை, அறிவியல், தொழில்நுட்ப அமைச்சர்
பதவியில் 1989 – மே 1993
குடியரசுத் தலைவர்	ரணசிங்க பிரேமதாசா
பிரதமர்	டிங்கிரி பண்டா விஜயதுங்கா
கல்வி அமைச்சர்
பதவியில் 14 பெப்ரவரி 1980 – 1989
குடியரசுத் தலைவர்	ஜே. ஆர். ஜெயவர்தனா
பிரதமர்	ரணசிங்க பிரேமதாசா
முன்னவர்	நிசங்கா விஜயரத்தின
பின்வந்தவர்	டபிள்யூ. ஜே. எம். லொக்குபண்டார
இளைஞர் விவகார மற்றும் தொழில் அமைச்சர்
பதவியில் 5 அக்டோபர் 1977 – 1980
குடியரசுத் தலைவர்	ஜே. ஆர். ஜெயவர்தனா
பிரதமர்	ரணசிங்க பிரேமதாசா
ஐக்கிய தேசியக் கட்சித் தலைவர்
பதவியில் உள்ளார்
பதவியேற்பு 1994
துணை	சஜித் பிரேமதாச கரு ஜயசூரிய
முன்னவர்	டிங்கிரி பண்டா விஜயதுங்கா
தனிநபர் தகவல்
பிறப்பு	ரணில் விக்கிரமசிங்க 24 மார்ச்சு 1949 (1949-03-24) கொழும்பு, இலங்கை
அரசியல் கட்சி	ஐக்கிய தேசியக் கட்சி
வாழ்க்கை துணைவர்(கள்)	மைத்திரி விக்கிரமசிங்க
பெற்றோர்	எசுமண்ட் விக்கிரமசிங்க
இருப்பிடம்	115 ஐந்தாம் ஒழுங்கை
படித்த கல்வி நிறுவனங்கள்	கொழும்பு றோயல் கல்லூரி கொழும்புப் பல்கலைக்கழகம்
தொழில்	வழக்கறிஞர்
இணையம்	அதிகாரபூர்வ இணையதளம்

காமினி திசாநாயக்கா 1994 அரசுத்தலைவர் தேர்தல் பரப்புரைக் காலத்தில் படுகொலை செய்யப்பட்டதை அடுத்து ரணில் விக்கிரமசிங்க ஐக்கிய தேசியக் கட்சியின் தலைவராகத் தெரிவு செய்யப்பட்டார்.[2] 1993 முதல் 1994 வரையும், பின்னர் 2001 முதல் 2004 வரையும் பிரதமராகப் பதவியில் இருந்தார். 2015 சனவரி 8 இல், விக்கிரமசிங்க அரசுத்தலைவர் மைத்திரிபால சிறிசேனவினால் இலங்கையின் 21-வது பிரதமராக நியமிக்கப்பட்டார்.[3]

விக்கிரமசிங்கவின் அரசியல் கூட்டணியான நல்லாட்சிக்கான ஐக்கிய தேசிய முன்னணி 2015 நாடாளுமன்றத் தேர்தலில் 106 இடங்களைக் கைப்பற்றியது. ஆட்சி அமைப்பதற்குத் தேவையான 113 என்ற அறுதிப் பெரும்பான்மை கிடைக்காவிடினும், இலங்கை சுதந்திரக் கட்சியின் 35 உறுப்பினர்களுக்கு அமைச்சர் பதவியை வழங்கியதன் மூலமும், 16 உறுப்பினர்களைக் கொண்ட தமிழ்த் தேசியக் கூட்டமைப்பு நிபந்தனையற்ற ஆதரவை வழங்க முன்வந்ததை அடுத்தும் ரணில் விக்கிரமசிங்க ஆட்சி அமைத்தார்.[4][5] 2018 அக்டோபர் 26 இல் விக்கிரமசிங்க அரசுத்தலைவர் மைத்திரிபால சிறிசேனவினால் பிரதமர் பதவியில் இருந்து நீக்கப்பட்டார். முன்னாள் அரசுத்தலைவர் மகிந்த ராசபக்ச பிரதமராக நியமிக்கப்பட்டார். இதனை விக்கிரமசிங்க அரசியலமைப்புச் சட்டத்திற்குப் புறம்பானது எனக் கூறி பதவி விலக மறுத்தார். இதனை அடுத்து, அரசியலமைப்பு நெருக்கடி ஏற்பட்டது. விக்கிரமசிங்கவைப் பதவி விலக்கியது அரசியலமைப்புக்கு முரணானது என மீயுயர் நீதிமன்றம் தீர்ப்பு வழங்கியதை அடுத்து, 2018 திசம்பர் 16 இல் விக்கிரமசிங்கவிற்கு மீண்டும் பிரதமர் பதவி வழங்கப்பட்டது. 2019 அரசுத் தலைவர் தேர்தலில் கோத்தாபய ராசபக்ச பெரும் வெற்றி அடைந்ததை அடுத்து, விக்கிரமசிங்க 2019 நவம்பர் 20 இல் பிரதமர் பதவியைத் துறந்தார்.[6]