மலேசியப் பிரதமர்

மலேசியப் பிரதமர் (மலாய்: Perdana Menteri Malaysia; சீனம்: 马来西亚首相; ஆங்கிலம்: Prime Minister of Malaysia) என்பவர் மலேசிய அரசாங்கத்தின் நிர்வாகத் தலைவர் ஆவார். மாட்சிமை தங்கிய மலேசியப் பேரரசர், பிரதமரை நியமனம் செய்கிறார். மலேசிய நாடாளுமன்றத்தின் பெரும்பான்மை உறுப்பினர்களின் ஆதரவையும் நம்பிக்கையையும் பெற்ற ஒருவரே பிரதமராகும் தகுதியைப் பெறுகின்றார்.

மலேசியப் பிரதமர்
தற்போது மகாதீர் பின் முகமது 10 மே 2018 முதல்
அதிகாரப்பூர்வ பட்டம்	யாங் அமாட் பெர்ஹொர்மாட் (மாண்பிற்குரிய)
வாழுமிடம்	ஸ்ரீ பெர்டானா
நியமிப்பவர்	துவாங்கு அப்துல் ஹாலிம் as 14வது பேரரசர்
முதல் மலேசியப் பிரதமர்	துங்கு அப்துல் ரகுமான்
உருவாக்கப்பட்ட ஆண்டு	31 ஆகஸ்ட் 1957
இணைய தளம்	PM's official website

பிரதமராகப் பொறுப்பேற்கும் ஒருவர் மலேசிய அமைச்சரவையின் தலைவராகவும் செயல்படுகின்றார். அமைச்சரவை உறுப்பினர்களைப் பிரதமரின் ஆலோசனையின் பேரில் பேரரசர் நியமனம் செய்கிறார். இந்த அமைச்சரவை மலேசிய நாடாளுமன்றத்தின் முழு பொறுப்புகளையும் ஏற்றுக் கொள்கிறது.

பிரதமரின் கீழ், பிரதமர் துறை எனும் ஓர் அமைச்சகம் செயல்படுகின்றது. மகாதீர் பின் முகமது என்பவர் மலேசியாவின் இப்போதைய பிரதமராக பதவி வகிக்கிறார்.