ஜி. திலகவதி

திலகவதி தர்மபுரி குமாரசாமி பேட்டையில் காதலித்து, சொந்தங்களைத் துறந்து, மணந்து வாழ்ந்த இணையர்களான கோவிந்தசாமி ரெட்டியாருக்கும் [1] அவர் மனைவிக்கும் 1951ஆம் ஆண்டில் பிறந்தவர். இவருக்கு உடன்பிறந்தவர்கள் யாரும் இல்லை.[2]

திலகவதி தன்னுடைய பள்ளிக் கல்வியை தர்மபுரியில் பெற்றார். வேலூர் ஆக்சீலியம் கல்லூரியில் பொருளாதாரத்தில் கலை இளவர் பட்டம் பெற்றார். சென்னை ஸ்டெல்லா மேரிஸ் கல்லூரியில் பயின்று பொருளாதாரத்தில் கலை முதுவர் பட்டம் பெற்றார்.[3] பின்னர் தமிழ்நாடு பிற்பட்டோர் நலத்துறையின் கீழ் இயங்கும் ஒன்றியப் பொதுப் பணியாளர் தேர்விற்கான பயிற்சி நடுவத்தில் (UPSC Civil Service coaching centre, run by Department of Backward Development) சேர்ந்து ஓராண்டு பயிற்சி பெற்றார்.[4] அத்தேர்வில் வெற்றிபெற்று தமிழகத்தின் முதல் பெண் ஐ.பி.எஸ். அதிகாரியாகத் தேர்வானார்.[3]

திலகவதி தமிழ்நாட்டிலிருந்து இந்தியக் காவல் பணிக்குத் தேர்வான முதல் தமிழ்ப்பெண் ஆவார். இவர் 1976 ஆம் ஆண்டில் தமிழகக் காவல்துறையில் பணியில் சேர்ந்தார். 34 ஆண்டுகள் அத்துறையில் பல்வேறு பிரிவுகளில் பின்வரும் பதவிகளை வகித்துள்ளார்:

• காவல்துறை உதவிக் கண்காணிப்பாளர் (Assistant Superintendent of Police - ASP)

வேலூர்.

• காவல்துறை கண்காணிப்பாளர் (Superintendent of Police - SP)
• காவல்துறை உதவித் தலைவர் (Deputy Inspector General of Police - DIG)

செங்கற்பட்டு

• காவல்துறைத் தலைவர் (Inspector General of Police - IG)

ஊர்க்காவல் படை (Homeguard)

இருப்புப்பாதை காவல்துறை (Railway Police)

• காவல்துறை கூடுதல் தலைமை இயக்குநர் (Additional Director General of Police - ADGP)

தமிழ்நாடு சிலை திருட்டு தடுப்பு பிரிவு

பொருளாதார குற்றப்பிரிவு (2008 திசம்பர் 19 [5] முதல் 2010 சூன் 16 ஆம் நாள் வரை)

• காவல்துறை தலைமை இயக்குநர் (Director General of Police - DGP)

தமிழக சீருடை பணியாளர் தேர்வாணைய தலைவர் (2010 சூன் 17 ஆம் நாள் முதல் 2011 மார்ச் 31 ஆம் நாள் வரை)[6]

காவல்துறை தலைமை இயக்குநர் பதவியை அடைந்த முதல் தமிழ்ப்பெண் இவரே. தமிழகத்தில் இப்பதவியை அடைந்த இரண்டாவது பெண் இவர் ஆவார்.[7]

காவல்துறை தலைமை இயக்குநர் தகுதியில் தமிழக சீருடை பணியாளர் தேர்வாணைய தலைவராகப் பணியாற்றிய திலகவதி 2011 மார்ச் 31 ஆம் நாள் அரசுப்பணியிலிருந்து ஓய்வுபெற்றார்.[8]

1. வேர்கள் விழுதுகள்
2. சமதர்மப் பெண்ணியம்
3. மானுட மகத்துவங்கள்

1. http://indiankanoon.org/doc/1834716/
2. திலகவதி ஐ.பி.எஸ்., மனது விட்டு: எனக்குள் நான்..., அவள் விகடன், 1998 நவம்பர் 1-14, பக்.48
3. திலகவதி ஐ.பி.எஸ்., மனது விட்டு: எனக்குள் நான்..., அவள் விகடன், 1998 நவம்பர் 1-14, பக்.49
4. இராசாராம், க. சாமானியனின் கதை, சூனியர் விகடன்
5. http://www.tneow.gov.in/eow/ADGP_joining.html
6. http://tamil.oneindia.in/news/2010/06/17/tamilnadu-police-thilagavathy-dgp.html
7. இவருக்கு முன்னர் இப்பதவியை லத்திகா சரண் என்பவர் அடைந்திருக்கிறார்.
8. http://tamil.oneindia.in/news/2011/04/01/thilagavathi-ips-retires-aid0091.html
9. திலகவதி ஐ.பி.எஸ்., மனது விட்டு: எனக்குள் நான்..., அவள் விகடன், 1998 நவம்பர் 1-14, பக்.50-51

• திலவதியின் நாவல்களைப் பற்றி திசைகள் இணைய இதழில் வந்த கட்டுரை
• தமிழோவியம் இணைய இதழில், திலகவதியின் "உனக்காகவா நான்" என்ற நாவலில் இருந்து சில பத்திகள்
• டீக்கடை வலைப்பதிவில், திலகவதியின் கைக்குள் வானம் என்ற நாவலில் இருந்து சில வரிகள்