கூகிள் தேடல்

கூகிள் தேடுபொறி 25 பில்லியன் பக்கங்களையும் 1.3 பில்லியன் படங்களையும் இன்று பட்டியலிடுகின்றது.

கூகிள் தரவு நிலையங்களிற்கும் தேடல்களிற்கு உலகெங்கும் பரந்துள்ள சேவர் ஃபார்ம் (Server Farm) இல் மிகவும் மலிவான ரெட்ஹட் லினக்ஸ் இயங்குதளங்களில் இயங்கும் கணினிகளையே பயன்படுத்துகின்றது. இவை இணையப் பக்கங்களைப் பட்டியலிடவும் பயன்படுகின்றது. கூகிள்பொட்(GoogleBOT) என்னும் நிரலே இணையப் பக்கங்களைப் பட்டியலிடப் பயன் படுத்தப் படுகின்றது. இது நேரத்திற்கு நேரம் புதிய பதிப்புக்களைப் பார்வையிடும். அடிக்கடி மாற்றமடையும் இணையத்தளங்களை கூகிள்பொட்டும் அடிக்கடிப் பார்வையிடும்.

குறிப்பிட்ட தேடல் முடிவொன்றைப் பெற பக்கநிலை என்னும் தத்துவத்தைப் பாவிக்கின்றது. அதாவது ஒரே விடயத்தில் ஓர் இணையபக்கத்திற்கு 100 இணையப் பக்கங்களில் இருந்து இணைப்பும் பிறிதோர் இணையப் பக்கத்திற்கு 1000 இணைப் பக்கங்கள் அதை இணைத்து இருந்தால். 1000 பக்கங்கள் இணைப்புள்ள பக்கமே கூடுதல் பொருத்தமான பக்கமாக கூகிள் தீர்மானித்து பட்டியலிடும். கூகிள் தேடுபொறி 150 மேற்பட்ட கொள்கைகள் அடிப்படையில் இணையப் பக்கங்களை அலசி ஆராய்ந்து பக்கங்களை பட்டியலிடுகின்றது.