குவாலியர் அரசு

குவாலியர் இராச்சியத்தின் மொத்தப் பரப்பளவு 64,856 சதுர கிலோ மீட்டர் பரப்பளவு கொண்டது. இந்த இராச்சியம் குவாலியர் வடக்கு மண்டலம் மற்றும் மால்வா தெற்கு மண்டலம் என இரண்டாக பிரிக்கப்பட்டிருந்தது. 44,082 சதுர கிலோ மீட்டர் பரப்பளவு கொண்ட குவாலியர் மண்டலத்தின் வடக்கிலு, வடகிழக்கிலும், வடமேற்கிலும் சம்பல் ஆறும், இராஜபுதனா முகமை மற்றும் மத்திய மாகாணமும், கிழக்கில் அவத் மற்றும் ஆக்ரா ஐக்கிய மாகாணப் பகுதிகளும், தெற்கில் போபாலும் மேற்கில் இராஜபுதனா முகமையும் எல்லைகளாக கொண்டது.[3]

உஜ்ஜைன் நகரத்தை உள்ளடக்கிய மால்வா மண்டலம் 20,774 சதுர கிலோ மீட்டர் பரப்பளவு கொண்டது.

1940இல் குவாலியர் இராச்சியத்தின் மக்கள் தொகை 4,006,159 ஆக இருந்தது.[4]

பத்தாம் நூற்றாண்டில் நிறுவப்பட்ட குவாலியர் இராச்சியத்தை, கி பி 1398இல் தில்லி சுல்தான்கள் கைப்பற்றினர். பின்னர் 1528 முதல் 1731 முடிய முகலாயர் பேரரசிற்கு உட்பட்டிருந்தது. ஆங்கிலேய-மராத்தியப் போர்களின் முடிவில் மராத்தியப் பேரரசு சிதறியது. பின் வந்த மராத்திய கூட்டமைப்பும் ஆங்கிலேயர்களிடம் தோற்றது. பின்னர் 1731இல் குவாலியர் இராச்சியத்தின் மன்னராக 1731இல் ரானோஜிராவ் சிந்தியா முடிசூட்டிக் கொண்டார். பின்னர் அவரது சிந்தியா குல வழித்தோன்றல்கள் குவாலியர் இராச்சியத்தை இந்தியப் பிரிவினைக்குப் பின்னர் 1947 முடிய ஆண்டனர்.

மராத்திய சிந்தியா குல குவாலியர் இராச்சிய மன்னர்கள் தங்களை மகாராஜாக்கள் என அழைத்துக் கொண்டனர்.

• 1731 - 19 சூலை 1745 ரானோஜிராவ் சிந்தியா (இறப்பு 1745)
• 19 சூலை 1745 - 25 சூலை 1755 ஜெயப்பாராவ் சிந்தியா (இறப்பு 1755)
• 25 சூலை 1755 - 15 சனவரி 1761 ஜன்கோஜிராவ் சிந்தியா (b. 1745 - d. 1761)
• 25 சூலை 1755 - 10 சனவரி 1760 தத்தாஜி (பொறுப்பு) (d. 1760)
• 15 சனவரி 1761 - 25 நவம்பர் 1763 Interregnum
• 25 நவம்பர் 1763 - 10 சூலை 1764 கேதர்ஜிராவ் சிந்தியா
• 10 சூலை 1764 - 18 சனவரி 1768 மனாஜிராவ் சிந்தியா (d. af.1777)
• 18 சனவரி 1768 - 12 பிப்ரவரி 1794 முதலாம் மகாதேவ்ராவ் சிந்தியா (b. c.1727 - d. 1794)
• 12 பிப்ரவரி 1794 - 21 மார்ச் 1827 தௌதத்ராவ் சிந்தியா (b. 1779 - d. 1827)
• 21 மார்ச் 1827 - 17 சூன் 1827 மகாராணி பாய்ஜா (பெண்) -முகவர் (b. 1787 - d. 1862)
• 17 சூன் 1827 - 7 பிப்ரவரி 1843 (முதல் முறை)
• 17 சூன் 1827 - 7 பிப்ரவரி 1843 இரண்டாம் ஜங்கோஜிராவ் சிந்தியா (சிவாஜிராவ் சிந்தியா) (b. 1805 - d. 1843)
• 17 சூன் 1827 - டிசம்பர் 1832 மகாராணி பாய்ஜா பாய் (f) - முகவர் (s.a.) (இரண்டாம் முறை)
• 7 பிப்ரவரி 1843 - 20 சூன் 1886 ஜெயாஜிராவ் சிந்தியா (b. 1835 - d. 1886)
• 7 பிப்ரவரி 1843 - 13 சனவரி 1844 மகாராணி தாரா பாய் - முகவர் (b. 1831 - d. ....)
• 1843 - சனவரி 1844 தாதா காஷ்ஜிவாலா (கிளர்ச்சிக்குப் பின்)
• 20 சூன் 1886 - 5 சூன் 1925 இரண்டாம் மாதவராவ் சிந்தியா (b. 1876 - d. 1925)
• 17 ஆகஸ்டு 1886 - 15 டிசம்பர் 1894 மகாராணி சாக்கிய பாய் - முகவர் (b. 1862 - d. 1919)
• 5 சூன் 1925 - 15 ஆகஸ்டு 1947 ஜார்ஜ் சிவாஜி ராவ் சிந்தியா (b. 1916 - d. 1961)
• 5 சூன் 1925 – 23 நவம்பர் 1931 மகாராணி சிங்கு பாய் – முகவர் (d. 1931)
• 23 நவம்பர் 1931 - 22 நவம்பர் 1936 மகாராணி கஜ்ஜிரா ராஜேபாய் - முகவர் (d. 1943)

நிர்வாகக் காரணங்களால் குவாலியர் அரசு வடக்கு குவாலியர் என்றும் தெற்கு மால்வா என இரண்டு பிராந்தியங்களாக பிரிக்கப்பட்டிருந்தது. வடக்கு குவாலியர் பிராந்தியத்தில் தற்கால குவாலியர் மாவட்டம், பிண்டு மாவட்டம், சியோப்பூர் மாவட்டம், தோன்வார்கார் மாவட்டம், இசாகார் மாவட்டம், பில்சா மாவட்டம் மற்றும் நார்வார் மாவட்டங்கள் இருந்தன. மால்வா பிராந்தியத்தில் உஜ்ஜைன் மாவட்டம், மண்டசௌர் மாவட்டம், அம்ஜெரா மாவட்டங்கள் இருந்தன.

மாவட்டம் பல பர்கானாக்களாக (pargana) பிரிக்கப்பட்டது. பல கிராமங்களைக் கொண்ட ஒரு பர்கானாவிற்கு நில வரி வசூலிக்க, மற்றும் நிலங்கள் தொடர்பான ஆவணங்களை பராமரிக்க பட்வாரி எனும் கீழ் நிலை அதிகாரி இருந்தார். மாவட்டங்களின் நிர்வாகத்தை கவனிக்க ஒரு சுபேதார் எனும் உயர் அதிகாரி இருந்தார்.

• இந்தியாவின் அரசியல் ஒருங்கிணைப்பு
• இந்திய மன்னராட்சி அரசுகளின் பட்டியல்
• போபால் இராச்சியம்
• இந்தூர் அரசு

• Breckenridge, Carol Appadurai (1995). Consuming Modernity: Public Culture in a South Asian World. University of Minnesota Press. பன்னாட்டுத் தரப்புத்தக எண்:9781452900315. http://books.google.co.uk/books?id=t6Wbnd7XgbIC.
• Farooqui, Amar (2011). Sindias and the Raj: Princely Gwalior C. 1800-1850. Primus Books. பன்னாட்டுத் தரப்புத்தக எண்:9789380607085. http://books.google.co.uk/books?id=dXHomTB9tTAC.
• Christophe Jaffrelot (1999). The Hindu Nationalist Movement and Indian Politics: 1925 to the 1990s (Reprinted ). Penguin Books India. பன்னாட்டுத் தரப்புத்தக எண்:9780140246025. http://books.google.co.uk/books?id=iVsfVOTUnYEC.
• Major, Andrea (2010). Sovereignty and Social Reform in India: British Colonialism and the Campaign against Sati, 1830-1860. Taylor & Francis. பன்னாட்டுத் தரப்புத்தக எண்:9780203841785. http://books.google.co.uk/books?id=RQ2-9-11TIUC.
• McClenaghan, Tony (1996). Indian Princely Medals: A Record of the Orders, Decorations, and Medals of the Indian Princely States. Lancer Publishers. பக். 131-132. பன்னாட்டுத் தரப்புத்தக எண்:9781897829196. http://books.google.co.uk/books?id=YQdZlHJ2WTAC.
• Pati, Biswamoy, தொகுப்பாசிரியர் (2000). Issues in Modern Indian History: For Sumit Sarkar. Popular Prakashan. பன்னாட்டுத் தரப்புத்தக எண்:9788171546589. http://books.google.co.uk/books?id=S2Yn4LlujqsC.