മൂന്നാംപക്കം

ഇന്ത്യൻ റെയിൽവെയിൽ നിന്ന് അക്കൗണ്ടന്റായി വിരമിച്ച തമ്പി (തിലകൻ) തന്റെ മകന്റെ മരണത്തെത്തുടർന്ന് തറവാട്ടുവീട്ടിൽ വാർദ്ധക്യജീവിതം നയിക്കുകയാണ്. ബാംഗ്ലൂരിൽ മെഡിസിനു പഠിക്കുന്ന തമ്പിയുടെ ചെറുമകനായ പാച്ചു എന്നറിയപ്പെടുന്ന ഭാസ്കർ (ജയറാം), അവധിക്കാലം ചെലവഴിക്കാൻ ആറുവർഷത്തെ ഇടവേളയ്ക്കു ശേഷം കൂട്ടുകാരായായ ലോപസ് (റഹ്‌മാൻ), രഞ്ജിത്ത് മേനോൻ (അശോകൻ), കൃഷ്ണൻകുട്ടി (അജയൻ) എന്നിവർക്കൊപ്പം തറവാട്ടിലെത്തുന്നു. അവരുടെ സാന്നിദ്ധ്യം തമ്പിയുടെ വീടിനെ സന്തോഷനിർഭരമാക്കുന്നു. തമ്പിയുടെ കൂട്ടുകാരന്റെ ചെറുമകളുമായി പാച്ചുവിന്റെ വിവാഹം ഉറപ്പിക്കുകയും തമ്പിയുടെ സ്വത്തുക്കൾ പാച്ചുവന്റെ പേരിലേക്കാക്കുകയും ചെയ്യുന്നു. എന്നാൽ കൂട്ടുകാരോടൊപ്പം കടലിൽ കുളിക്കാൻ പോയ പാച്ചു തിരയിലകപ്പെടുന്നു. തീവ്രദുഃഖിതനാവുന്നെങ്കിലും പാച്ചു തിരിച്ചുവരുമെന്നു പ്രതീക്ഷിക്കുന്ന തമ്പിയുടെ അടുത്ത് പക്ഷേ മൂന്നാംപക്കം പാച്ചുവിന്റെ മൃതശരീരം കണ്ടെത്തി എന്ന വാർത്തയെത്തുന്നു. പാച്ചുവിന്റെ അന്ത്യകർമ്മങ്ങൾ അനഷ്ഠിക്കുന്നതിനിടെ തമ്പി ബലിച്ചോറുമായി കടലിലേക്ക് നടന്നകലുന്നു.

• ജയറാം – ഭാസ്കർ (ഭാസി, പാച്ചു)
• തിലകൻ – തമ്പി
• കീർത്തി സിംഗ് – ഭദ്ര
• റഹ്‌മാൻ – ലോപസ്
• അശോകൻ – രഞ്ജിത്ത് മേനോൻ
• അജയൻ – കൃഷ്ണൻകുട്ടി
• ജഗതി ശ്രീകുമാർ – കവല
• ജയഭാരതി – പാച്ചുവിന്റെ അമ്മ
• വേണു നാഗവള്ളി – ജയൻ, പാച്ചുവിന്റെ അച്ഛൻ
• എം.ജി. സോമൻ

കന്യാകുമാരിയിലും പരിസരപ്രദേശങ്ങളിലുമാണ് ചിത്രീകരണം പ്രധാനമായും നടന്നത്.

ഗാനരചന നിർവ്വഹിച്ചിരിക്കുന്നത് ശ്രീകുമാരൻ തമ്പി, സംഗീതസംവിധാനം നിർവ്വഹിച്ചിരിക്കുന്നത് ഇളയരാജ. ഗാനങ്ങൾ പോളിക്രോം വിപണനം ചെയ്തിരിക്കുന്നു.

• ഇന്റർനെറ്റ് മൂവി ഡാറ്റാബേസിൽ നിന്ന് മൂന്നാംപക്കം
• മൂന്നാംപക്കം - മലയാളം മൂവി & മ്യൂസിക് ഡാറ്റാബേസ് (എംത്രീഡിബി.കോം)
• മലയാളസംഗീതം ഡാറ്റാബേസിൽ നിന്ന് മൂന്നാംപക്കം

ചിത്രം കാണുവാൻ മൂന്നാംപക്കം (1988)